KASAUKAN 32:9 - Tanou Moonsoi Timugon

⁹ Pakiasi' boo i Jakub, “Iou Aki Kapuuno' ondo' sambaan ru aki kuno i Abragam am i Isak ama' kuno, iningo' aku! Nakaindagu Kono raki' Tuhan ra sumaguli' ra pagun kuli am ra pabukat-pabukat kuno, am tandaan Mu raki' ngaangai'.

KASAUKAN 32:9 ပူးပေါင်းရင်းမြစ်များ

KASAUKAN 17:7

“Suguton Ku toojo bantu' Kuno rirun am papag muno, mansusugul am bantu' no mantilayun. Masauk Aku ri Aki Kapuuno' muno am i Aki Kapuuno' ru papag muno.

KASAUKAN 28:13

Bigor Tuhan ra sapapa' ri Jakub am indagu, “Aku noyo Tuhan i Aki Kapuuno' ri Abragam am i Isak. Pataakon Ku rirun am papag muno tana' ra nambalangan muno.

KASAUKAN 28:15

Karaa' noyo, indanganon am sindungin Tokou ra ati ayuk angayan muno am ibiton Tokou sumaguli' ra pagun ragitio. Kalo iruanin Tokou suku' Ku mabaal ngaangai' atan ondo' binantu' Kuli rirun.”

KASAUKAN 31:13

Aku noyo i Aki Kapuuno' ondo' minintalang rirun giu' ra Bitil i. Giu' i pinatimpok mu Raki' rondo' batu pangkaraan am inuasan mu ra umau jaitun, am nagibatan muli Raki'. Raino tampos no am ruli' ra tana' naganakan rirun no.’ ”

KASAUKAN 31:29

Makakuasa' aku lumaat rirun, kaa' rondom i, napakara' i Aki Kapuuno' ru ama' muno raki' ra kalo babanyou raguon kuno rirun.

KASAUKAN 31:3

Indagu boo Tuhan ri Jakub, “Ruli' noyo ra pagun ru ama' muli am ra pabukat-pabukat muli. Alungin Tokou.”

KASAUKAN 31:42

Amon ru kalo inalungan aku ri Aki Kapuuno' ru kinamatuaan kuli, i Aki Kapuuno' ri Abragam am i Isak, maaru' paugaron mu aku ra kolondo' atan-atan ibiton. Kaa' nakito ri Aki Kapuuno' kapaganan kuno am kandoi ondo' binaal kuno, am rondom i nanaak Io ra pangakiman Nano.”

KASAUKAN 31:53

I Aki Kapuuno' ri Abragam am i Nagor ondo' mangakim rito.” Pagibot boo i Jakub ralalom inggalan ri Aki Kapuuno' ondo' sambaan ri Isak ama' nano, koson suguton no bantu' nano.

KASAUKAN 32:8

Pamaguangan nano, “Amon ru matong i Isau am mampatoi ra santayaran ra kasaa' no, santayaran ra karuo no makapagiru' poyo.”

KASAUKAN 49:25

I Aki Kapuuno' ri ama' mu noyo nangindangan rirun. Io Ondo' Maayo Kaga' Kuasa' ondo' nambarakat rirun ra rasam intor ra limbowon am timug intor ragana' ru tana', barakat ra masuang sapi' am masuang anak.

2 TUNUNG RU BANSA' ISRAIL 20:12

Okou no i Aki Kapuuno' mai! Ukumi' noyo ilo, sabap ra kalo maikang akai manggal ra saujor maayo ondo' mamulunsar ramon. Kalo makapandai akai atan musiti' mai baalon, kaa' matong akai Rirun makiindangan.”

2 TUNUNG RU BANSA' ISRAIL 20:6

am pakiasi' boo ra bolos mosongou, “Iou Tuhan, i Aki Kapuuno' ru kinamatuaan maili, intor ra panturungan Muno giu' ra suruga', namarinta Kou ra bansa'-bansa' ra tana' ti. Okou makakuasa' am maikang kaga'! Kolondo' osoi pana makaanggal Rirun.

2 TUNUNG RU BANSA' ISRAIL 32:20

Raja' Gijkia am Nabi Jisaya anak ri Amos pakiasi' boo ri Aki Kapuuno' am nampiau Riso makiindangan.

MAZMUR 50:15

Piawo' min Aku bulintok ra akau makakapaganan; bayagon Takamin, am omporon min Aku.”

MAZMUR 91:15

Bulintok ra mampiau ilo Raki', tumaam Aku risilo. Bulintok ra ilo makakapaganan, indanganon Ku ilo. Bayagon Ku ilo am urumaton Ku ilo.

KAINGKUALAN 3:6

Aku ti i Aki Kapuuno' ondo' sambaan ru kinamatuaan muli, i Aki Kapuuno' ri Abragam, ri Isak am ri Jakub.” Ginio ra silii' ri Musa bulos nano sabap ra malaa' io magilong ri Aki Kapuuno'.

JIRIMIA 32:16

Pakataak ku surat-surat pambalian no ri Baruk, pakiasi' aku,

1 SAMUIL 30:6

Raino i Daut ralalom ru kapaganan maayo. Ulun-ulun nano siminangit riso sabap ra kalio noyo boo anak andu' nilono. Nompololob ilo koson momobol ri Daut, kaa' Tuhan Aki Kapuuno' nano nangikang ra guang nano.