KASAUKAN 32:4 - Tanou Moonsoi Timugon

⁴ Kon ri Jakub risilo, “Indagu kau kon ragino ra tuan kuno, i Isau: ‘Aku i Jakub ulipon muli. Minayan aku ri Laban ra buoi ti am kinuliman ku ulian kuno saboi raino.

KASAUKAN 32:4 ပူးပေါင်းရင်းမြစ်များ

KASAUKAN 23:6

“Tuan, mangurumat akai rirun koson tingganai ondo' makakuasa' ramon. Ginio ra lobongo' andu' muno ra lobong ondo' moonsoi kaga' ra kalabangan maino. Akai ngai' maayo guang mai manaak rirun ra tana' kalabangan, maa' raginio molobong mu andu' muno.”

KASAUKAN 25:30

Indagu io ri Jakub, “Naitilan aku kaga'. Anii' aku kasanganu ra bulatung malia' no.” (Ginio boo ra io sabiton ri Idom.)

KASAUKAN 27:29

Gama' ru mangasauk bansa'-bansa' ra ulipon muno am ulun mangurumat rirun. Gama' ru manguasa' kou ra ngaangai' pabukat muno am papag ru ina' muno mangurumat rirun. Gama' ru mausung ulun ondo' magulas rirun am mabarakat ulun ondo' mambarakat rirun.”

KASAUKAN 27:37

Taam i Isak, “Napasauk aku noyo riso ra tuan muno am ngaangai' pabukat nano masauk ra ulipon nano. Nangani' aku noyo riso ra gandum am wain. Raino kolondo' atan-atan mabaal kuno rirun, anak kuno.”

KASAUKAN 31:41

Ginio noyo baal kuno buoi nangandoi rirun ra ruo ngoopor ngambilor i. Nangandoi aku buoi mopor am apat ngambilor koson makapanangandu' ra karuo ngaulun anak ruandu' muno, am buoi onom ngambilor poyo koson makaalap ra kambing am domba muno. Buoi ru ginio pana kinulau mu pinagaji' muno raki' saboi inggopor.

KASAUKAN 32:18

Taamo' ra: ‘Longgom gitio ri Jakub ulipon muli. Pinaataran no gitio koson ra taak nano ri Isau, tuan nano. I Jakub galama' giu' ra tinaulian maino.’ ”

KASAUKAN 32:5

Raino mokoondo' aku ra sapi', kaladai, domba, kambing am ulipon. Nanusub aku mapabala' ragitio rirun ra malansan maansayan kou raki'.’ ”

KASAUKAN 33:14

Pagulu kono am sumunu' aku ra liliwaan, mugar ra matataki' mababaya' ra biniag am anak-anak kuno saboi makarampot rirun giu' ra Idom.”

KASAUKAN 33:8

Pangkuot i Isau, “Atan kia pakuan mu ra sampulalai ondo' nauma' kuni?” Taam i Jakub, “Gitio koson makimasi' aku rirun.”

KASAUKAN 36:8

Ongoi boo i Isau pamagun ra libung ru gunung Idom.

KASAUKAN 36:9

Gitio noyo papag ri Isau, kinamatuaan ru ulun ru Idom.

KASAUKAN 4:7

Amon ru nambaal kou ra moonsoi maaru' matakau bulos muno; kaa' nambaal kou ra malaat, ginio boo ra tula muno mamparuku' rirun, kaa' musiti' mu anggalon ginio.”

1 RAJA'-RAJA' 20:32

Ginio ra pinatapi' nilo konoon karung ra awak am kalat ra liog nilo am ongoi uma' ra Raja' Agab. Konilo, “Ulipon muli, Raja' Bingadad nakitaak maa' raginio bayagon mu io.” Indagu Raja' Agab, “Lakat poyo kia naayag io? Iou noyo! Io no koson ra pabukat kuno galama'!”

KAINGKUALAN 32:22

Taam i Arun, “Pai' sangit raki'. Nakapandai kou ra mapara' kotog ru ulun ragitilo mambaal ra kalaatan.

AMSAL 15:1

Taam ra molomoi mapalinos ra sangit, kaa' ragu-ragu ra moporos mapasingkual ra sangit.

AMSAL 25:15

Orot ondo' masumbaya' ra ragu-ragu molomoi maalap kaintopot ru mangunguasa' am manutuk ra nansalinut pagagansangan.

AMSAL 6:3

Koon poyo raginio anak kuno, ulun no nanguasa' noyo ramuyun. Kaa' gitio noyo ralan magibit ramuyun lumabus: Umaa' io ribaki' am kitaako' toojo ra labusin kau.

MAMPATANOU 10:4

Amon siminangit panguasa' i ramuyun, pai' longgo' ra kandoi; kasalaan ondo' maayo maampun amon tumaan guang min.

JISAYA 21:11

Gitio noyo tanou ru Tuhan intor ra Idom. Sangulun intor ra Idom nampiau raki', “Okou mantatamung, mabuoi poyo kia rondom ti? Indagu no, kula' poyo buoi ra kalo poyo tumawang?”

LUKAS 14:11

Moonong ulun makapaliso ra minsawat guang, paingganaan; am moonong ulun makapaliso minggana' guang, painsawaton.”

1 PITRUS 3:6

Koson niayuk i Sara giminagaya' ri Abragam, saboi nanabit io riso ra “tuan nano”. Akau ti koson ayuk ri Sara raino, amon ru mambaal kau ra moonsoi am kalo malaa' ra atan ayuk pana.

TINGGANAI RU BANSA' 5:4

Iou Tuhan, paat ra Okou nangiruan ra kagunungan Siir, paat ra Okou miningkual intor ra libung ru Idom, napuyu' tana' ti am riminatu' rasam intor ra limbowon. Kukuruas timug intor ra gaun-gaun.

1 SAMUIL 26:17

Nauligan ru Raja' Saul bolos ri Daut, am nangkuot io, “Daut, okou kia ginio, alii ra anak kuno?” Taam i Daut, “Iou, raja' kuno.”