KASAUKAN 32:31 - Tanou Moonsoi Timugon

³¹ Paat sumirang mato ru orou, iruani' ri Jakub Piniil no, am isakirai io sabap ra pulunguan ru paa nano natibas.

KASAUKAN 32:31 ပူးပေါင်းရင်းမြစ်များ

2 KORINTUS 12:7

Kaa' maa' raginio kalo minsawat guang kutu sabap ra kinibit ru papakitanan ondo' makaimuag, inanian aku ra rondo' maruol ra inan kutu. Mansail ra maruol ti magail aku imboloon ru Tingganai ru riwato, maa' raginio kalo boo minsawat guang kutu.

2 KORINTUS 12:9

Kaa' taam Io, “Kataawan Kuno sama' noyo rirun, sabap ra kinaikang ru kuasa' Kuno makaintalang mansail ra kalawaan.” Sabap raginio maansayan aku poyo ra aku malawo, maa' raginio kuasa' ri Kristus sumimpung am magalung raki'.

MALIAKI 4:2

Kaa' akau ondo' gumagaya' Raki', kuasa' Kuno ondo' mamayag ramuyun sumirang koson ra mato ru orou, am kuasa' Kuno mangani' ra pamabasan koson ra sinda mato ru orou. Makalabus kau am maansukan koson ra anak ru sapi' ondo' pinaingkual intor ra kandang.

MAZMUR 38:17

Pai' polosoo' pantula' kuno makakurit ra kaimbalaan kuno; pai' ilo polosoo' maansukan ra aku naratu'!

TINGGANAI RU BANSA' 8:8

I Gidion pana namparayus ra pangkiralanan nano mongoi ra Pinuil. Giu' ra Pinuil nakiindangan io ra mamagun ru bandar no, kaa' taaman ru mamagun ru bandar no nogondo' koson ra taaman ru ulun Sukot.

KASAUKAN 32:25

Pakaliman ulun no ra kalo magula' no i Jakub, lambaa' no pulunguan ru paa ri Jakub, saboi natibas.

KASAUKAN 19:23

Sumirang mato ru orou paat i Lot nakasaboi ra Joar.

KASAUKAN 19:15

Paat tumawang, rinondom ru karuruo malaikat no nangulisok ri Lot mataki' mugar, konilo, “Ribaki', ugar no mabaya' ra andu' muno am karuruo anak ruandu' muno intor ragiti maa' ra akau makapagiru' no kalo matoi paat bandar ti pusoon.”

KASAUKAN 32:32

Polos raino ulun ru Israil kalo mangakan ra kual ondo' minintup ra pulunguan ru paa ru bibiag, sabap ra mangkara' ra linamba' pulunguan ru paa ri Jakub i.

1 RAJA'-RAJA' 12:25

Raja' Jirobiam, raja' ru Israil, nambaal saguli' ra bandar Sikgim giu' ra kabuluran Ipraim am ayan ra giu' no ra buoi. Kopongo raginio nangiruan io intok raginio, am pambaal ra bandar Pinuil.

1 RAJA'-RAJA' 18:26

Alapo' nilo sanginan sapi' gawayan ondo' tinaakan risilo no, pomongo ilo ginio, am pakiasi' ra Baal saboi tanga' ru orou. Pampiau ilo, “Iou Baal, taam no ramon!” Binaal nilo koon raginio liliwa' saligo'-ligo' giu' ra liput ru altar ondo' binaal no, kaa' kolondo' taam.

KASAUKAN 16:13

Magikuot i Agar ra guang nano, “Motopot kia nakakito aku ri Aki Kapuuno' am kalo minatoi?” Ginio ra sabito' no Tuhan ondo' minindagu riso no ri “I Aki Kapuuno' Ondo' Magilong”.

KAINGKUALAN 24:10

am kakito nilo i Aki Kapuuno' ru Israil. Minigor Io ra rasawat ru rondo' koson ra sulig intor ra batu nilam, ondo' motomou koson ra limbowon matawang.

KAINGKUALAN 24:11

Nakito noyo ru tingganai Israil no i Aki Kapuuno'; kabalu' pana raginio kalo pinuso No ilo. Kopongo raginio pangakan am panginum ilo.

SAGULION 5:24

am indagu, ‘Tuhan i Aki Kapuuno' takau nambala' ra kinaayo am katulayan Nano paat morongog takau ragu Nano intor ra apui no. Paat ra orou raiti' nakakito akai ra sasangulun magulayun maayag kabalu' pana minindagu noyo i Aki Kapuuno' riso.

SAGULION 5:26

Igondo' kia ulun magulayun maayag malupus mokorongog ri Aki Kapuuno' ondo' maayag intor ra apui?

TINGGANAI RU BANSA' 6:22

Nakaliman i Gidion ra ondo' minatong riso no malaikat ru Tuhan. Ra nalaa' indagu i Gidion, “Iou Tuhan Raja', nakakito aku toojo ra malaikat Muno!”

TINGGANAI RU BANSA' 6:23

Kaa' indagu Tuhan riso, “Pai' kalaa'. Roro' noyo. Kalo matoi kou.”

JISAYA 6:5

Indagu aku boo, “Aibui boo raki'! Kolondo' boo kalansanan kuno, sabap moonong raguon kuno makatula, am nakalatok aku ra ulun koson niayuk raginio. Kabalu' pana raginio, mato am ulu kutu galama' nakakito ra Raja', Tuhan Ondo' Maayo Kaga' Kuasa'!”