KASAUKAN 32:28 - Tanou Moonsoi Timugon

²⁸ Indagu ulun no, “Inggalan muno sala ka boo i Jakub. Giminabu' kou ri Aki Kapuuno' am ra ulun, am namanang kou. Ginio ra inggalan muno i Israil.”

KASAUKAN 32:28 ပူးပေါင်းရင်းမြစ်များ

KASAUKAN 17:15

Indagu boo i Aki Kapuuno' ri Abragam, “Pai' boo sabito' andu' muno ri Sarai, intor raino inggalan nano i Sara.

KASAUKAN 17:5

Ginio ra inggalan muno sala' boo ka i Abram kaa' i Abragam sabap masauk kou ra kinamatuaan ru masuang bansa'.

KASAUKAN 25:31

Taam i Jakub, “Ba, amon ru pataakon mu galing raki' longgom muno koson anak katuaan.”

KASAUKAN 31:24

Rondom raginio, ratong i Aki Kapuuno' ralalom inupi ri Laban am indagu riso, “Ilalai', pai' babanyou raguon muno ri Jakub.”

KASAUKAN 32:24

Kaa' io galama' timinatang. Ratong boo sangulun ungkuyon giminabu' riso saboi natawangan.

KASAUKAN 32:27

Pangkuot ulun no ri Jakub, “Osoi inggalan muti?” Taam io, “I Jakub.”

KASAUKAN 33:20

Giu' no, pambaal io ra rondo' altar am inggalani' no “i Aki Kapuuno' ru Israil noyo i Aki Kapuuno'”.

KASAUKAN 33:4

Kaa' pasimbul i Isau rapog ri Jakub, ganggali' no liog ri Jakub am alaki' no io, am pantangi' ilo ruo.

KASAUKAN 35:10

Indagu i Aki Kapuuno' riso, “Inggalan muno i Jakub, kaa' intor raino piawon kou ri Israil.” Ginio ra inggalani' io ri Aki Kapuuno' ri Israil.

2 SAMUIL 12:25

am nanusub ra Nabi Natan manginggalan ra anak no ri Jidija, sabap ra motogom Tuhan riso.

1 RAJA'-RAJA' 18:31

Pangalap io ra mopor am ruo batu, moonong rondo' manguakil ra rondo' ra bansa' intor ra mopor am ruo bansa' ru papag ri Jakub, iono ulun ondo' ininggalanan ri Israil ru Tuhan.

2 RAJA'-RAJA' 17:34

Saboi raino lakat poyo maya' ilo ra kaulayan lair nilono. Kalo sumamba ilo ra Tuhan kapoam gumagaya' ra ukum am susuban ondo' tinaakan Nano ra papag ri Jakub, ondo' ininggalanan Nano ri Israil.

1 TUNUNG RU BANSA' ISRAIL 1:34

I Isak anak ri Abragam mokoondo' ruo ngaulun anak ungkuyon, iono i Isau am i Jakub (ondo' niayuk nauligan ri Israil).

AMSAL 16:7

Amon ru mangansuk kau ra guang ru Tuhan, ngaangai' pantula' masauk min ra rangan.

JISAYA 43:1

Akau Israil, ginio noyo ragu ru Tuhan ondo' namangun ramuyun, “Pai' kano kalaa'! Bayagon Takamin. Piniau Takamin ra inggalan mino, akau longgom Kuno.

JISAYA 65:15

Ulun pinili' Kuno mamakai ra inggalan mino koson ra pagulasan, Aku, Tuhan Raja' mamatoi ramuyun, kaa' ilo ondo' gumagaya' Raki' aniin Ku ra inggalan bagu.

UNTABAN 13:16

Ginilo noyo pansigo ondo' sinusub ri Musa koson lumiput ra tana' no. Binandingan ri Musa inggalan ri Gosia anak ri Nun nasauk ri Josua.

JUANIS 1:42

Ibito' no boo i Simon ri Jisus. Tantangi' ri Jisus i Simon, am indagu, “Inggalan muno i Simon anak ri Juanis, kaa' piawon kou poyo ri Kaipas.” (Kaipas nogondo' ra Pitrus, arati' nano ‘bulur batu’.)

PINAINTALANG 2:17

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! “Osoi mangala ra kuasa' ru kalaatan, aniin Ku io ra ruti' ondo' nakasibuni no – ondo' sabiton ra manna. Mangani' Aku niayuk riso ra rondo' batu mapulak ondo' tinulisan ra inggalan nakabagu ondo' kalo mauligan ru ulun bokon kaa' ulun mangapu no ayuk.”

1 SAMUIL 26:25

Indagu Raja' Saul no ri Daut, “I Aki Kapuuno' mambarakat rirun, alii ra anak kuno! Makasugut kou ra ralalom ru ngaangai' pirot muno!” Kopongo raginio rinayus ri Daut pangkiralanan nano, am Raja' Saul minuli' ra baloi.