KASAUKAN 32:10 - Tanou Moonsoi Timugon

¹⁰ Kalo maaya' aku mangapu ra ngaangai' togom am gagaya' Muno ondo' pinakito Muno raki', ulipon Mutu. Susukur kutu ayuk inibit ku liminaup ra Sungoi Jordan, kaa' raino siminaguli' aku ra ruo ngampulalayan ti.

KASAUKAN 32:10 ပူးပေါင်းရင်းမြစ်များ

KASAUKAN 18:27

Indagu poyo i Abragam, “Ampuno' aku sabap kinabaani kuno mararayus indagu Rirun, Tuhan. Aku ti ulun toojo ayuk am kalo maaya' mindagu ra atan-atan pana.

KASAUKAN 24:12

Pakiasi' io, “Tuhan i Aki Kapuuno' ru tuan kuno i Abragam, indangano' aku maa' ra indangan Muno makaampos baalon kuno orou raiti' am guuto' toojo bantu' Muno ra tuan kuno.

KASAUKAN 24:27

Indagu io, “Koompor noyo Tuhan i Aki Kapuuno' ru tuan kuli i Abragam totopot nampaguut ra bantu' Nano ra tuan kuli i Abragam. Inibit aku ru Tuhan parampuso' ra pabukat ru tuan kuli.”

KASAUKAN 28:13

Bigor Tuhan ra sapapa' ri Jakub am indagu, “Aku noyo Tuhan i Aki Kapuuno' ri Abragam am i Isak. Pataakon Ku rirun am papag muno tana' ra nambalangan muno.

KASAUKAN 28:15

Karaa' noyo, indanganon am sindungin Tokou ra ati ayuk angayan muno am ibiton Tokou sumaguli' ra pagun ragitio. Kalo iruanin Tokou suku' Ku mabaal ngaangai' atan ondo' binantu' Kuli rirun.”

KASAUKAN 30:43

Ginio ra liminangkaya' poyo i Jakub ra masuang kaga' bibiag, ulipon, unta am kaladai.

KASAUKAN 31:3

Indagu boo Tuhan ri Jakub, “Ruli' noyo ra pagun ru ama' muli am ra pabukat-pabukat muli. Alungin Tokou.”

KASAUKAN 32:5

Raino mokoondo' aku ra sapi', kaladai, domba, kambing am ulipon. Nanusub aku mapabala' ragitio rirun ra malansan maansayan kou raki'.’ ”

KASAUKAN 32:7

Kaining ri Jakub ginio, kalaa' am magalabo io kaga'. Piruoo' no boo ulun nababaya' riso no ra ruo ngantayaran, am niayuk domba, kambing, sapi' am unta nano.

2 SAMUIL 17:24

Nakasaboi noyo Raja' Daut ra bandar Maganaim paat ri Absalom liminaup ra Sungoi Jordan am binaya' ru ulun ru Israil. (

2 SAMUIL 7:18

Kopongo raginio umpos Raja' Daut ra ralalom ru kim ru Tuhan. Panturung io am pakiasi', “Iou Tuhan Raja', aku am sasambaloi kuno kalo maaya' mangapu ra ngaangai' moonsoi ondo' pinakito Muno raki' ra buoi ti.

AYUP 17:9

Ulun ondo' moonsoi am kolondo' sala, gumaai mangintopot ra i Aki Kapuuno' mangiou risilo.

AYUP 8:7

Ngaangai' kalangkayaan muno ondo' kalio no kolondo' onong, amon pinogondo' ra atan ondo' maalap muno ra maagu no.

MAZMUR 16:2

Mindagu aku ra Tuhan, “Okou noyo Tuhan kuno; kolondo' noyo mokogondo' ra kinoonsoi Muno.”

MAZMUR 18:35

Mangubas Io raki' koson mangayou, maa' raginio makabakur ku tanggayan ru panah ra mapakil kaga' no.

MAZMUR 61:7

Kaawaro' noyo umur ru raja', gama' ru pamarintaan nano mantilayun intor ra anak ka anak.

MAZMUR 8:5

atan kia ulun no saboi Okou mangkara' risilo? Ilo ulun toojo ayuk, kaa' Okou niayuk magalung risilo.

MAZMUR 84:7

Liliwa' nilo minugar ra lampam Baka ondo' napua', lampam raginio pana makataur boo ru timug; rasam lair namanu' ra kulam-kulam nano.

MAZMUR 85:10

Ulun ra mangurumat Riso no maaru' bayagon No, maa' raginio i Aki Kapuuno' ondo' matulai kaga' mayan ra pagun takau.

AMSAL 4:18

Kaayagan ru ulun moonsoi koson ayuk ra sirang ru mato ru orou, buoi kabuoi matawang kaga' saboi mamai'.

JISAYA 6:5

Indagu aku boo, “Aibui boo raki'! Kolondo' boo kalansanan kuno, sabap moonong raguon kuno makatula, am nakalatok aku ra ulun koson niayuk raginio. Kabalu' pana raginio, mato am ulu kutu galama' nakakito ra Raja', Tuhan Ondo' Maayo Kaga' Kuasa'!”

JISAYA 63:7

Tunungon ku togom ru Tuhan; omporon ku Io sabap nansalinut binaal Nano. Binarakat No ulun ru Israil saboi liminuab sabap ra asi' am togom Nano kolondo' pupus.

MIKA 7:20

Mampakito Kou ra gagaya' Muno am togom Muno ondo' mantilayun ra ngaangai' ulun Muno, papag ri Abragam am Jakub, koson ondo' binantu' Muli ra kinamatuaan mai ra galing i.

LUKAS 17:10

Koson niayuk ramuyun; amon ru nabaal min noyo ngaangai' nanusuban, raguo' min, ‘Akai ti ulipon ayuk, nambaal akai ayuk ra kandoi maili.’ ”

LUKAS 5:8

Kakito ri Simon baal raginio, igulatur io ra saang ri Jisus am indagu, “Iruani' aku, Tuhan! Sabap ra aku ti ulun makatula!”

2 KORINTUS 12:11

Akau no nangkinibit raki' mindagu koson ra sasambungon. Akau ondo' sotopot no musiti' mongompor raki'. Kabalu' pana aku ti kolondo' kon onong, kaa' kalo noyo nakatauli aku intor ra “rasul-rasul” ondo' kinaatang mino.

SAGULION 8:18

Karaa' noyo ra Tuhan i Aki Kapuuno' min raginio noyo ondo' napalangkaya' ramuyun. Nambaal Io ra baal raginio sabap saboi orou raiti', lakat poyo Io nanutun ra nabantuan ondo' binaal Nano ra kinamatuaan mini.

1 PITRUS 5:5

Koson niayuk ramuyun tuu'-bagu kau ngai', gagaya' kano ra ulun matutuo. Pabukat kau ngai', paingganaa' noyo guang mino am pangindangan kano ra rondo' am bokon. Sabap ra mokoondo' tinulisan ra Buuk Kitab, “I Aki Kapuuno' gumula' ra ulun mangasumbung, kaa' motogom io ra ulun minggana' guang.”