KASAUKAN 31:54 - Tanou Moonsoi Timugon

⁵⁴ Io pana nanaak ri Aki Kapuuno' ra taak simbalui giu' ra gunung no. Piniau no niayuk ulun-ulun nano magakan mababaya' riso am pombolong ra gunung no.

KASAUKAN 31:54 ပူးပေါင်းရင်းမြစ်များ

KASAUKAN 21:8

Sumukor noyo anak no am paat ra io pinolonggo' tumiti', pambaal i Abragam ra rondo' bunsag maayo.

KASAUKAN 26:30

Pambaal boo i Isak risilo ra rondo' bunsag, am pagagakan am pagiginum ilo.

KASAUKAN 37:25

Liliwa' ilo magakan, kakito nilo sampulalayan ulun ru Ismail ondo' mangkiralan intor ra Giliad mongoi ra pagun ru Misir. Unta nilono pinagaut ra apa' pampagamis ra akanon am salong.

KAINGKUALAN 18:12

Pagibit boo i Jitro ra taak simbalui koson mapabansuk ra guang ru Tuhan, am niayuk taak-taak simbalui ra bokon koson pataakon ri Aki Kapuuno'. I Arun am ngaangai' tingganai ru ulun ru Israil minaya' ri Jitro koson mababaya' mangakan ra saang ri Aki Kapuuno'.

YEHEZKIEL 44:3

Raja' ayuk ondo' mamarinta makasubol ra giu' no koson mangakan ra akanon mapasau giu' ra saang Kuno. Musiti' io sumubol am mingkual mansail ra intok maayo giu' ra tampilon ralalom.”

1 SAMUIL 9:12

Taam ralaa-ralaa no, “Mokoondo'. Bagu io ayuk nakapagulu ramuyun. Amon ru mataki' kau, maaru' masunu' min io. Makasaboi kau ayuk ra bandar no, matuum min io. Bagu io minatong ra bandar no sabap ra paat orou raiti', mamagun mapataak ra taak simbalui ra rasawat ru altar giu' ra bulur. Ulun-ulun piniau kalo mangakan ra io kalo poyo makaratong, sabap ra io galing musiti' mambarakat ra taak simbalui no. Amon ru mongoi kau raino, makatuum kau riso ra io kalo poyo mangkiwa' ra bulur koson mangakan.”