KASAUKAN 31:19 - Tanou Moonsoi Timugon

¹⁹ Paat raginio minongoi i Laban pagungkur ra bulu ru domba-domba nano, am paat raginio noyo tokowo' ri Ragil sinungkalalaing ri Laban no.

KASAUKAN 31:19 ပူးပေါင်းရင်းမြစ်များ

1 SAMUIL 19:13

I Mikgal pana nangalap ra sinungkalalaing ru baloi nano am pinabanta' no ra intok pambalangan ri Daut. Pinabanta' no niayuk bantal ondo' binaal intor ra bulu ru kambing ra ragana' ru ulu ru sinungkalalaing no, am kinuluput no ra bajang.

GOSIA 3:4

Koson niayuk ra ulun ru Israil; mabuoi kaga' ilo maayag ra kolondo' raja' kapoam tingganai, am kolondo' taak-taak simbalui, kapoam batu-batu pangkaraan ra sambayangin, kolondo' sinungkalalaing kapoam jimat-jimat ondo' pakayon koson manala' ra orou matong.

KASAUKAN 31:30

Napandayan ku ra okou minugar ti moogot kaga' muli' ra baloi ri ama' muno, kaa' kua tokowo' mu sinungkalalaing kuno?”

YEHEZKIEL 21:21

Minigor raja' ru Babilonia giu' ra sapapa' ru papan tatandu' no, lilisangon ru ralan. Koson mangaru' ra ralan ra ati bayaan nano, inunggung no anak panah nano, nangkuot ra sinungkalalaing nano am nagilong ra angkayau ru bibiag ondo' pinataak koson ra taak simbalui.

KASAUKAN 35:2

Indagu boo i Jakub ra ulun ru baloi nano am ra ngaangai' ulun nababaya' riso no, “Patiri' min noyo sinungkalalaing intor ra bansa' ru bokon ondo' binulian min, kapasawo' min guang am pambayang kano ra bayang moonsoi.

KASAUKAN 31:34

Alapo' boo ri Ragil sinungkalalaing no am pasubolo' no ra kantungan ru tuturungan ra unta nano, am turungi' no. Uliato' ri Laban ralalom kim ri Ragil no, kaa' kalo natuum no sinungkalalaing no.

KASAUKAN 31:32

Kaa' amon ru sasangulun intor ramon ti narampatan mu nantakou ra sinungkalalaing muno, ukumin io ra potoyon. Uliato' noyo ngaangai' kuliamos kuno ra saang ru pabukat-pabukat tati, am amon ru matuum mu alapo'.” Kalo napandayan ri Jakub ra i Ragil nantakou ra sinungkalalaing no.

TINGGANAI RU BANSA' 18:31

Sinungkalalaing binaal ri Mika nagulayun giu' ra Lais buoi ru Kim ru Tuhan, intok sambayangan ri Aki Kapuuno', giu' ra Silo.

JOSUA 24:2

Indagu i Josua risilo ngaangai', “Rongogo' ragu ru Tuhan i Aki Kapuuno' ru Israil, ‘Galing i kinamatuaan min minayan giu' ra sandaup ru Sungoi Iprat am sinamba nilo dewa-dewa. Sangulun intor risilo iono i Tirag, ama' ri Abragam am i Nagor.

KASAUKAN 31:20

Abawi' ri Jakub i Laban ra kalo nangimbalala' ra ugaran nilai.

KASAUKAN 31:35

Indagu boo i Ragil ra ama' nano, “Pai' sangit ama', sabap ra kalo makabigor aku uma' rirun sabap minatong raraa' malaat kutu ondo' moonong ruandu' mokoondo' ragitio.” Uyumo' toojo ri Laban kaa' kalo natuum no sinungkalalaing no.

1 SAMUIL 15:23

Gumuor ra Tuhan nogondo' laat no ra mambaal ra sihir, am guang ra malilimbau nogondo' laat no ra sumamba ra sinungkalalaing. Ginio sabap ra okou nangimpai ra susuban ru Tuhan, Tuhan pana nangimpai rirun koson ra raja'.”

2 RAJA'-RAJA' 23:24

Koson manugut ra ukum-ukum ondo' nakasuang ralalom ru kitab ondo' natuum ru Tingganai maayo Imam Ilkia giu' ra Baloi ru Tuhan no, pinagiru' ru Raja' Josia no ngaangai' mampiau ra ambiluo ulun minatoi am mangingilong intor ra Jirusalim. Raja' Josia namatir niayuk ra ngaangai' dewa ru baloi, sinungkalalaing sambaan am ngaangai' kuliamos ondo' pinakai sumamba ra dewa.

KASAUKAN 24:38

kaa' intor ra pabukat ru ama' kuno. Ongoi no risilo ra mataki'.’

KASAUKAN 38:13

Makaulun nambala' ri Tamar ra iwan nano i Jiuda mongoi ra Timna pagungkur ra bulu ru domba nano.

1 SAMUIL 25:2

Giu' ra bandar Maon mokoondo' sangulun ungkuyon makainggalan ri Nabal, intor ra bansa' Kalib. Io ti mokoondo' ra tana' mamaar ra bandar Karmil. Io ti langkaya' kaga' am mokoondo' ra talu ngaribu ngainan domba am saribu ngainan kambing. I Abigail andu' nano, maligag am mantalur, kaa' i Nabal ti makuliga' am makapaliso ra malaat. Rondo paat raginio tatanga' i Nabal mopolompor ra bulu ru domba nano giu' ra Karmil.

2 SAMUIL 13:23

Kopongo ruo ngambilor, paat ra pamaguntingan ra bulu ru domba longgom ri Absalom baalon giu' ra Baal-Gajor ondo' mamaar ra bandar Ipraim, nampiau i Absalom ra ngaangai' anak ungkuyon ru raja' matong ra giu' no.