KASAUKAN 31:11 - Tanou Moonsoi Timugon

¹¹ Ralalom inupi kuno minindagu malaikat ri Aki Kapuuno' no raki', kono, ‘Jakub!’ Taam aku, ‘Iou.’

KASAUKAN 31:11 ပူးပေါင်းရင်းမြစ်များ

JISAYA 58:9

Bulintok ra akau makiasi', iowon Ku. Bulintok ra akau mampiau, tumaam Aku. Pai' boo pangimpai ra akau ngai', langgai' noyo pantutulaan am manimbaal ra ragu.

KASAUKAN 31:13

Aku noyo i Aki Kapuuno' ondo' minintalang rirun giu' ra Bitil i. Giu' i pinatimpok mu Raki' rondo' batu pangkaraan am inuasan mu ra umau jaitun, am nagibatan muli Raki'. Raino tampos no am ruli' ra tana' naganakan rirun no.’ ”

1 SAMUIL 3:16

kaa' nampiau i Ili riso, “Samuil, anak kuno!” Taam i Samuil, “Iou tuan.”

1 SAMUIL 3:8

Nampiau Tuhan no ri Samuil ra kaintalu, am sukal i Samuil am ongoi ri Ili. Indagu io, “Tuan nampiau kou raki', am ratong aku boo.” Kopongo raginio nakaliman i Ili ra Tuhan ondo' nampiau ra anak no.

1 SAMUIL 3:6

Kopongo raginio pampiau poyo Tuhan no ri Samuil. Kalo nakapandai i Samuil ra ondo' nampiau no Tuhan, sabap ra kalo igondo' indagu Tuhan no riso. Ginio ra sukal io am ongoi ri Ili, am indagu, “Tuan nampiau kou raki', am ratong aku boo.” Kaa' taam i Ili, “Kalo nampiau aku rirun. Ongoi no koolong.”

1 SAMUIL 3:4

pampiau Tuhan ri Samuil. Taam i Samuil, “Iou tuan!”

KAINGKUALAN 3:4

Paat ra nakito ru Tuhan ra minggaar i Musa, pampiau Io riso intor ra tanga' ru bulungkut no, “Musa! Musa!” Taam i Musa, “Iou, giti aku.”

KASAUKAN 31:5

Kono ra karuo ngaulun andu' nano, “Makito ku intor ra bulos ru ama' min ra kalo boo masamba io raki', sala' ka koson ragili. Kaa' alungin aku ri Aki Kapuuno' ru ama' kuli.”

KASAUKAN 22:1

Kukula' buoi ragili, pangkinam i Aki Kapuuno' ri Abragam, kon Nano, “Abragam!” Taam boo i Abragam, “Tuhan, giti aku.”

KASAUKAN 18:17

Migindagu Tuhan ralalom guang, “Kalo bunion Ku intor ri Abragam atan ondo' baalon Kuno.

KASAUKAN 18:1

Minintalang Tuhan ri Abragam maar ra puun-puun matulai giu' ra Mamri. Nakapaat ra mapangit toojo orou am nanturung i Abragam ra kulobon ru kim nano.

MATIUS 27:19

Paat ri Pilatus nanturung ra intok pangakiman no, panusub andu' nano ra sangulun mongoi pambala' riso, kono, “Pai' no babaya' mangukum Riso sabap ra Io ti ulun kolondo' sala, sabap ra magalabo aku ra naupi ku Io ra rondom i.”

KASAUKAN 22:11

Kaa' pampiau malaikat ru Tuhan intor ra suruga', “Abragam, Abragam!” Taam i Abragam, “Atan Tuhan, giti aku.”

KASAUKAN 22:15

Pampiau malaikat ru Tuhan intor ra suruga' no ri Abragam ra kainduo,

KASAUKAN 31:10

“Paat ra mampapaa' bibiag-bibiag no, naginupi aku am nakito ku ngaangai' kambing gawayan ondo' mampaa' bibiisan, gumutitikan, am tangkakalut.

KASAUKAN 31:24

Rondom raginio, ratong i Aki Kapuuno' ralalom inupi ri Laban am indagu riso, “Ilalai', pai' babanyou raguon muno ri Jakub.”

KASAUKAN 37:5

Sarandaman raginio paginupi i Jusup, am katunungi' no pagaka'-pagaka' nano ra inupi nali, giminaai poyo sisang nilai riso.

KASAUKAN 46:2

Paat ra iorondom rondo' intalangan riso, indagu i Aki Kapuuno' riso, “Jakub, Jakub!” Taam io, “Iou, Tuhan.”

UNTABAN 12:6

indagu boo Tuhan, “Iningo' ragu Kutu. Paat ra mokoondo' nabi-nabi ra gino ngai' mino, minintalang Aku risilo am minindagu Aku risilo ralalom ru inupi.