KASAUKAN 30:2 - Tanou Moonsoi Timugon

² Sangit boo i Jakub ri Ragil, kono, “Aku ti pai' ru i Aki Kapuuno'. Io noyo nambaal rirun ra kalo maganak.”

KASAUKAN 30:2 ပူးပေါင်းရင်းမြစ်များ

KASAUKAN 16:2

Indagu i Sarai ri Abram, “Kalo noyo lair paganakon aku ru Tuhan. Ginio ra rulugo' noyo ulipon kuno. Makapaganak io lair raki' kasangulun anak.” I Abram pana nangiou ra atan ondo' rinagu ri Sarai.

KASAUKAN 25:21

Sabap ra kolondo' anak ri Ribika, pakiasi' boo i Isak ra Tuhan. Pakiasian ri Isak no iniou ru Tuhan saboi i Ribika maapang.

KASAUKAN 29:31

Pakakito Tuhan ra kalo tinagaman toojo i Liya koson ri Ragil, baalo' ru Tuhan no i Liya makapaganak kaa' i Ragil tabanang.

KASAUKAN 31:36

Sangit boo i Jakub. “Atan kia kalaatan binaal kutu?” kono siminangit. “Atan kia ra susuban inanggal kuno saboi inilou mu aku?

KASAUKAN 50:19

Kaa' kon ri Jusup risilo, “Pai' kano kalaa' sabap ra kalo makatimbalos aku koson ri Aki Kapuuno'.

2 RAJA'-RAJA' 5:7

Pakabasa' raja' ru Israil ra surat no, rilako' no bayang nano sabap ra mangiluk guang. Kono, “Ati kulaan raja' ru Siria no makitaak raki' mamabas ra ulun ti? Mangkara' io nua' ra aku ti i Aki Kapuuno' ondo' makakuasa' koson mamayag am mamatoi ra ulun? Maaru' maguyum-guyum io ra sasaban koson makimansangor raki'!”

MAZMUR 113:9

Ngaangai' anak pinataak no ra andu' ondo' tabanang am pasaukon io ra ina' ondo' makaansuk am urumaton ra baloi nano. Omporo' noyo Tuhan!

MAZMUR 127:3

Anak-anak iono pinataak ru Tuhan; sotopot no ilo tangguang.

KAINGKUALAN 32:19

Pakainggaar i Musa ra nangkiman no am pakakito ra sinungkalalaing ru sapi' intor ra mas no am saliligo' mamagun, am sangit io. Giu' no lonson toojo ru gunung, pinaambang no batu pamatikan ra inibit nano saboi nopopol toojo.

MATIUS 5:22

Kaa' raino ti balain takamin: Osoi ayuk pana sumangit ra pabukat nano, io ti ibiton ra saang ru akim; am osoi ayuk pana magulas ra pabukat nano, io ti ibiton ra Majlis Ugama; am osoi ayuk pana mampiau ra pabukat nano ra ‘malaat’, io ti pasubolon ra naraka.

MARKUS 3:5

Mongoror Io risilo sabap ra maruol guang Nano, kaa' mangiluk Io ra mokotog ulu nilo. Indagu Io boo ra ulun no, “Patutuyo' noyo longon muno!” Patutuyo' ru ulun no longon nano, am kapali' boo.

LUKAS 1:42

am taam io ra mosongou, “Okou no binarakat toojo intor ra ngaangai' ruandu'! Am binarakat niayuk anak ondo' anakon muno!

IPISUS 4:26

Amon ru sumangit kau, pai' polosoo' sangit mino mangkinibit ramuyun makatula. Pai' bulii' sangit minti suku' ra talapan ru orou.

1 SAMUIL 1:5

Kabalu' pana motogom kaga' i Ilkana ri Ana, nangani' i Ilkana riso ra rondo' tayar ayuk ru kual, sabap ra Tuhan kalo nanaak riso ra anak.