KASAUKAN 3:20 - Tanou Moonsoi Timugon

²⁰ Inggalani' ri Adam andu' nano i Awa sabap ruandu' raginio noyo masauk ra ina' ru ngaangai' ulun.

KASAUKAN 3:20 ပူးပေါင်းရင်းမြစ်များ

KASAUKAN 16:11

Kalo boo mabuoi maganak kou ra sangulun anak ungkuyon ondo' inggalanin mu ri Ismail sabap naining ru Tuhan laa muli.

KASAUKAN 2:20

Ulun raginio nanginggalan ra ngaangai' bibiag ru lantur am susuit; kaa' kolondo' rondo' pana masauk ra rangan ondo' maaya' toojo mangindangan riso.

KASAUKAN 2:23

Indagu boo ulun no, “Gitio noyo io, ulun nogondo' raki' – bungul no intor ra bungul kuno, am kual no intor ra kual kutu. Inggalan no ruandu', sabap inalap io intor ra ungkuyon.”

KASAUKAN 3:21

Ginio boo ra Tuhan i Aki Kapuuno' nambaal ri Adam am andu' nano ra bayang intor ra kungkung ru bibiag am Io pana nampabayang risilo.

KASAUKAN 35:18

Kaa' patayan ri Ragil nasuku' noyo, am paat ra io matipamukat, inggalani' no anak no i Binoni, kaa' inggalani' ri Jakub i Binjamin.

KASAUKAN 5:29

Indagu i Lamik, “Anak ragitio mapabansuk paat ra itakau mirot mangandoi ra tana' ondo' inulas ru Tuhan.” Ginio boo inggalani' no anak nano ri Nuu.

KAINGKUALAN 2:10

Paat ra anak no maayo noyo, ibito' ru ruandu' no anak no ra anak ruandu' ru raja', am anak no koson pinangkaanak ayuk boo ru anak ruandu' ru raja' no. Indagu io, “Inggalanin ku ri Musa, sabap ra inasakan ku io intor ra timug.”

MATIUS 1:21

Ginio ra maganak i Maria ti sangulun anak ungkuyon am inggalanin mu Io no i Jisus, sabap Io ti mamayag ra ulun Nano intor ra tula nilono.”

MATIUS 1:23

“Maapang ralaa ti am maganak io ra sangulun anak ungkuyon am inggalanin anak ti ri Imanuil.” (Sumugut ra ragu ru ulun ru Ibrani, Imanuil arati' no, “I Aki Kapuuno' mabaya' ritakau.”)

RINALATAN 17:26

Intor ra sangulun ayuk nakapambaal Io ra nansalinut bansa' am pinaayan No ilo ra ati ayuk intok ra tana' ti. Intor ra galing i noyo inaru' No niayuk ra atan ayuk masauk risilo am ati ayanan nilo.

2 KORINTUS 11:3

Maimamang aku ramuyun ra maampon kinulau lair pampagagayaan min ri Kristus, mogondo' ri Awa, ondo' ra galing i rinuung ru kukuo ra maabau-abau i.

1 TIMOTIUS 2:13

Sabap ra i Adam ondo' pinasauk pagulu am sunu' bagu i Awa.

1 SAMUIL 1:20

Maapang i Ana am naganak ra sangulun anak ungkuyon. Ininggalanan ri Ana anak nano ri Samuil, sabap ra kono, “Nakitaak aku noyo intor ra Tuhan.”