KASAUKAN 3:13 - Tanou Moonsoi Timugon

¹³ Pangkuot Tuhan i Aki Kapuuno' ra ruandu' no, “Kua guat baalo' mu ginii?” Taam io, “Rinuung aku ru kukuo saboi inakan ku kawa' no.”

KASAUKAN 3:13 ပူးပေါင်းရင်းမြစ်များ

KASAUKAN 12:18

Ginio ra piawo' ru raja' i Abram am pangkuot io riso, “Atan kia binaal muno raki'? Kua kalo nambala' kou raki' ra ruandu' no andu' muno?

KASAUKAN 44:15

am indagu i Jusup, “Atan kia binaal mini? Kalo kia nakapandai kau ra ulun koson raki' ti mapandai mangilong ra binaal mini mansail ra kapandayan kuno?”

2 SAMUIL 3:24

Ginio ra uma' i Joab ra raja' am indagu, “Kua baalo' mu kon raginio? Minatong i Abnir minuma' rirun. Kua iowo' mu io minugar ayuk?

1 RAJA'-RAJA' 13:18

Indagu boo nabi matutuo intor ra Bitil no riso, “Aku pana sangulun nabi koson rirun. Sumugut ra susuban ru Tuhan, rondo' malaikat nanusub raki' magibit rirun muli' am mampaakan rirun giu' ra baloi kuno.” Sotopot no nabi matutuo no nagabau.

IMAMAT 12:5

Paat ra sangulun ruandu' maganak ra sangulun anak ruandu', majamol ruandu' no buoi mopor am apat ngoorou koson buoi io liuran. Kopongo raginio, lakat poyo majamol ruandu' no buoi onom ngoopor am onom ngoorou poyo sabap ra mampuraa'.

JUNUS 1:10

I Junus pana nantunung boo ra io ti nagiru' intor ra Tuhan. Korongog ragu raginii, malaa' boo ngaangai' ulun ru kapal, am mindagu riso, “Binaal muno makalalaa' kaga'!”

JUANIS 18:35

Taam i Pilatus, “Aku sala' ka ulun ru Jaudi. Ulun ru bansa' Muno galama' am tingganai imam no ondo' nampauma' Rirun raki'. Atan guat binaal Muno?”

ROMA 7:11

Mansail ra ukum no, makakaluagan tula mamparuung am mangkinibit raki' ukumin ra potoyon.

2 KORINTUS 11:3

Maimamang aku ramuyun ra maampon kinulau lair pampagagayaan min ri Kristus, mogondo' ri Awa, ondo' ra galing i rinuung ru kukuo ra maabau-abau i.

1 TIMOTIUS 2:14

Am pai' ru i Adam naruung kaa' ruandu' i, saboi kalo boo ginagaya' no susuban ri Aki Kapuuno'.

1 SAMUIL 13:11

kaa' nangkuot i Samuil, “Atan kia binaal mu noyo?” Taam Raja' Saul, “Nakakito aku ra mamagun tumalimpuun noyo mangiruan raki', am okou kalio minatong ra paat ondo' inaru' muli. Mulu' poyo ra timinimung noyo ulun ru Palistin giu' ra Mikmas.

1 SAMUIL 15:15

Taam Raja' Saul, “Ulun-ulun kuno nanalingaau ra bibiag tinambiag no intor ra ulun ru Amalik. Domba am sapi' ondo' molomok kaga' inalap noyo ru ulun-ulun kuno koson pataakon ra tayar ru taak simbalui ra Tuhan, i Aki Kapuuno' muno. Kaa' bibiag ra bokon no pinuso mai noyo lingono'.”