KASAUKAN 3:1 - Tanou Moonsoi Timugon

¹ Kukuo rondo' bibiag ondo' mapintar kaga' intor ra ngaangai' bibiag ondo' binaal ru Tuhan i Aki Kapuuno'. Pangkuot kukuo no ra ruandu' no, “Motopot kia minindagu i Aki Kapuuno' ra kalo maakan min kinawa' intor ra ngaangai' puun ondo' soroi ra taman ti?”

KASAUKAN 3:1 ပူးပေါင်းရင်းမြစ်များ

MAMPATANOU 4:10

Amon ru sangulun maratu', rondo' ti poyo makapangindangan riso. Kaa' amon ulun no misangulun, am maratu', alii boo riso sabap ra kolondo' sangulun pana mangindangan riso.

JISAYA 27:1

Orou raginio Tuhan mamakai ra ilang Nano ondo' maayo, malarom, am ondo' makapatoi koson mangukum ra Liwiatan, kukuo ra maras am talilingkong no, am koson mamatoi ra tambuakal ru raat.

MATIUS 10:16

“Karaa' min! Susubon takamin koson ra domba giu' ra tatanga' ru taani. Akau musiti' no mapintar koson ra kukuo am moonsoi guang koson ra susuit asang.

MATIUS 4:3

Pulusat Tingganai ru riwato no am indagu, “Amon ru Anak Kou ri Aki Kapuuno', susubo' batu-batu ti masauk ra ruti'!”

MATIUS 4:6

am mindagu Riso, “Amon ru Anak Kou ri Aki Kapuuno', tindak no. Sabap ra mokoondo' tinulisan ra Buuk Kitab, ‘I Aki Kapuuno' manusub ra malaikat-malaikat Nano mangindangan Rirun, am niayuk kaangin Kou ra kalindu' nilono, koson kalo mapilatan Kou ra batu.’ ”

MATIUS 4:9

Indagu Tingganai ru riwato no ri Jisus, “Ngaangai' ti taakin ku Rirun amon ru migulatur Kou am sumamba raki'.”

2 KORINTUS 11:14

Ginio kalo makaimuag! Tingganai ru riwato pana makasalu ra malaikat ri Aki Kapuuno' ondo' makasinda.

2 KORINTUS 11:3

Maimamang aku ramuyun ra maampon kinulau lair pampagagayaan min ri Kristus, mogondo' ri Awa, ondo' ra galing i rinuung ru kukuo ra maabau-abau i.

1 PITRUS 3:7

Am mogondo' niayuk ramuyun ralaki kau ngai', pakaintutun kano ra intor ra akau mansawo, andu' min ti noyo ondo' karaan ra molomoi. Urumato' noyo ilo ti, sabap ra ilo pana mogondo' ramuyun makaapu ra taak, ioginio kaayagan intor ri Aki Kapuuno'. Gagayaa' min ginio, maa' raginio kolondo' boo mokopongompong ra pakiasian mino.

PINAINTALANG 12:15

Luaa' boo ru tambuakal no liur timparang intor ra kabang nano ra ruandu' no koson mangabas riso.

PINAINTALANG 12:9

Ginio nai ra tambuakal maayo no pinatiran ra liwar! Io ti kukuo intor ra galing i ondo' ininggalanan ra “Tingganai ru riwato”, kapoam “Ambiluo Malaat”, ondo' nampakalayau ra ngaangai' ulun ru tana' ti. Pinatiran io ra tana' ti nabaya' ra ngaangai' malaikat nano.

PINAINTALANG 20:2

Rokopo' no tambuakal no – io ti kukuo intor ra galing i, ioginio Tingganai ru riwato kapoam Iblis – am rantayo' no buoi saribu ngambilor.