KASAUKAN 29:1 - Tanou Moonsoi Timugon

¹ Paginjul poyo i Jakub am ongoi ra pagun tampilon sirangon ru pagun ru Kanaan.

KASAUKAN 29:1 ပူးပေါင်းရင်းမြစ်များ

TINGGANAI RU BANSA' 6:3

Moonong ra ulun ru Israil mantanom, matong ulun ru Midian mababaya' ra ulun ru Amalik am bansa' ra bokon intor ra tana' kaagisan, am mamulunsar ra ulun ru Israil.

TINGGANAI RU BANSA' 6:33

Kopongo raginio ngaangai' ulun ru Midian, ulun ru Amalik am bansa'-bansa' ra bokon timinimung giu' ra tana' kaagisan. Liminaup ilo ra Sungoi Jordan am nangkim giu' ra Limayak Jijriil.

GOSIA 12:12

Kaa', lakat poyo mokoondo' ondo' siminamba ra sinungkalalaing giu' ra Giliad am nampataak ra sapi' giu' ra rasawat ru altar giu' ra Gilgal. Kaa' matoi ilo ondo' siminamba ra sinungkalalaing no, am altar-altar giu' ra Gilgal masauk ra batu tinuntur giu' ra padang.”

MAMPATANOU 9:7

Pangakan no, panginum no, am pakaansuk no! Panginum no ra wain am pakaansuk no; kalo manginggalar i Aki Kapuuno'.

MAZMUR 119:60

Maringkaagou aku am kalo maginaa koson mapaugar ra panusuban Muno.

MAZMUR 119:32

Maansayan aku gumagaya' ra panusuban Muno, sabap ra sinauk Mu aku makarati' toojo.

UNTABAN 23:7

I Biliam pana mindagu ra ragu inala' ragitio, “Raja' Balak, manguasa' ru Moab nagibit noyo raki' intor ra Siria, intor ra kagunungan giu' ra sirangon. Kono, ‘Ibok no, indagu no ra tayar kuno, ulaso' noyo ulun ru Israil.’

1 RAJA'-RAJA' 4:30

Raja' Salomo nasauk ra ulun mapintar poyo intor ra ulun mangapintar giu' ra pagun ru Sirangon am ulun mangapintar giu' ra pagun ru Misir.

TINGGANAI RU BANSA' 8:10

Paat raginio, soroi i Jiba am i Salmuna giu' ra Karkor am ngaangai' saujor nilo. Intor ra ngaangai' ru saujor ru ulun ru tana' kaagisan no, olo'-olo' 15,000 ngaulun ayuk lakat poyo soroi; 120,000 ngaulun pinatoi noyo.

TINGGANAI RU BANSA' 7:12

Ulun ru Midian, ulun ru Amalik am bansa'-bansa' ra bokon intor ra tana' kaagisan, soroi ra ati-ati giu' ra titikop ru pipit no koson ra sampanon ru gapu'. Masuang kaga' unta nilo, koson ra agis giu' ra nagas.

KASAUKAN 25:20

Umur ri Isak apat ngoopor ngambilor paat nanangandu' ri Ribika, boborok ri Laban, anak ruandu' ri Bituil, ulun ru Aram intor ra Misopotamia.

KASAUKAN 24:10

Pangalap ulipon no ra mopor ngainan unta am nansalinut poyo kuliamos mongologo ru tuan nano am ongoi ra bandar intok inayanan ri Nagor paat ra io naayag. Intok no tampilon ralayo ru Misopotamia.

KASAUKAN 25:6

kaa' paat io lakat poyo soroi, nangani' io niayuk ra taak ra anak-anak ungkuyon nano ondo' intor ra andu' nano ra bokon. Susubo' no boo anak-anak ra bokon no manding ra tampilon sirangon ru pagun ru Kanaan, koson minggalur ilo ra anak nano i Isak.

KASAUKAN 35:1

Indagu i Aki Kapuuno' ri Jakub, “Jakub, Aku noyo i Aki Kapuuno' ondo' minintalang rirun paat ra okou nagiru' intor ri Isau maayo muli. Ongoi noyo ra Bitil, ayan ra giu' am pambaal ra rondo' altar Raki'.”

KASAUKAN 35:7

Giu' no nambaal i Jakub ra rondo' altar, am inggalani' no intok raginio “Il-Bitil”, sabap ra minintalang i Aki Kapuuno' riso ra giu' no paat ra io nagiru' intor ra maayo nano.