KASAUKAN 28:18 - Tanou Moonsoi Timugon

¹⁸ Suabon no, rondom i Jakub sukal am alapo' no batu inulunan nali am potolorogo' baalo' ra batu pangkaraan. Uasi' no batu pangkaraan no ra umau jaitun koson patimpokon ri Aki Kapuuno'.

KASAUKAN 28:18 ပူးပေါင်းရင်းမြစ်များ

KASAUKAN 21:14

Paat ra suabon no, rondomo' anii' ri Abragam i Agar ra akanon am rondo' kantungan ru kungkung sinuangan ra timug. Paibaa' no anak no ri Agar am paugaro' no ruandu' no. Ongoi boo i Agar ra tana' kaagisan ru Birsyiba.

KASAUKAN 22:3

Paat ra suabon no, rinondom ri Abragam nampalapak ra luton koson ponolob ra taak simbalui am pobongkoso' no ra kaladai nano. Ugar io nabaya' ri Isak am karuo ngaulun ulipon nano ra intok ondo' rinagu ri Aki Kapuuno' riso i.

KASAUKAN 28:11

Paat tumolop mato ru orou, pakasuku' io ra rondo' intok am pombolong ra giu' no. Luya' io am minulun io ra batu.

KASAUKAN 31:13

Aku noyo i Aki Kapuuno' ondo' minintalang rirun giu' ra Bitil i. Giu' i pinatimpok mu Raki' rondo' batu pangkaraan am inuasan mu ra umau jaitun, am nagibatan muli Raki'. Raino tampos no am ruli' ra tana' naganakan rirun no.’ ”

KASAUKAN 31:45

Pangalap boo i Jakub ra rondo' batu am potolorogo' no koson ra batu pangkaraan.

KASAUKAN 35:14

Intok raginio inindaguan ri Aki Kapuuno' riso, potolorogo' ri Jakub rondo' batu pangkaraan. Uasi' no ra wain am umau jaitun koson patimpokon no ri Aki Kapuuno'.

KASAUKAN 35:20

Potolorogo' ri Jakub rondo' batu pangkaraan ra giu' no am lakat ayuk poyo batu no koson tatandu' ru lobong ri Ragil saboi raino ti.

2 SAMUIL 18:18

Buoi ri Absalom naayag, nanirong io ra rondo' batu pangkaraan nano galama' giu' ra Limayak Raja', sabap ra kolondo' io ra anak ungkuyon koson manungkus ra papag nano. Ininggalanan no batu pangkaraan no sumugut ra inggalan nano galama'. Saboi ra orou raiti' batu pangkaraan no nauligan ra Batu Pangkaraan ri Absalom.

MAZMUR 119:60

Maringkaagou aku am kalo maginaa koson mapaugar ra panusuban Muno.

MAMPATANOU 9:10

Tandaa' toojo kandoi min, sabap giu' ra tana' ru ulun minatoi kolondo' kandoi, pangkaraan, katutunan, kapoam kapintaran poyo; giu' noyo angayan min.

JISAYA 19:19

Bulintok raginio, giu' ra pagun ru Misir mokoondo' rondo' altar ru Tuhan, am rondo' batu pangkaraan Riso giu' ra balitan ru pagun.

UNTABAN 7:1

Paat rondo' orou nopongo i Musa napatirong ra Kim ru Tuhan, patimpokon no Kim no ra Tuhan, nababaya' ra ngaangai' kuliamos no am luiti' ngaangai' no ra umau upacara. Koson niayuk raginio binaal no ra altar am niayuk kuliamos no.

JOSUA 4:9

Pinatampas niayuk ri Josua mopor am ruo batu giu' ra tatanga' ru Sungoi Jordan, intok binigaran ru imam-imam no. (Soroi poyo batu-batu ra giu' no saboi raino).

1 SAMUIL 7:12

Kopongo raginio pinatirong ri Samuil rondo' batu giu' ra balitan ru Mijpa am Siin. Kono, “Nangindangan noyo toojo Tuhan no ritakau.” Ginio ra inggalani' no batu no ra “Batu Nangindangan”.