KASAUKAN 28:17 - Tanou Moonsoi Timugon

¹⁷ Nalaa' io am indagu, “Mapara' boo makalalaa' intok ragitio! Maaru' baloi gitio ri Aki Kapuuno', kulobon garabang umpasan ra suruga'.”

KASAUKAN 28:17 ပူးပေါင်းရင်းမြစ်များ

1 TIMOTIUS 3:15

Kaa' amon ru kalo makaratong aku ra mataki', okou mokoondo' noyo ra kaintutunan ra ati kulaan musiti' takau maayag koson ra anak ri Aki Kapuuno', ioginio pasimpungan ru ulun ondo' mangintopot ri Aki Kapuuno' ondo' maayag. Itakau noyo ondo' mampabala' am manungka' ra katapatan.

MAMPATANOU 5:1

Guango' galing ra kalo poyo mindagu, am pai' lingasi' makimabantu' ri Aki Kapuuno'. Soroi Io giu' ra suruga' am okou soroi ra tana' ti, pai' indagu amon kalo maatang.

KAINGKUALAN 3:6

Aku ti i Aki Kapuuno' ondo' sambaan ru kinamatuaan muli, i Aki Kapuuno' ri Abragam, ri Isak am ri Jakub.” Ginio ra silii' ri Musa bulos nano sabap ra malaa' io magilong ri Aki Kapuuno'.

LUKAS 2:9

Pulusat ru malaikat ru Tuhan i risilo am kasinda ilo ru kinatulai ru Tuhan. Nalaa' ilo kaga'.

TINGGANAI RU BANSA' 13:22

Kon ri Manoa ra andu' nano, “Maaru' matoi to, sabap ra nakakito to noyo ri Aki Kapuuno'!”

KASAUKAN 28:22

Batu pangkaraan ra pinotolorog kutu masauk ra intok sumamba Rirun, am aniin Tokou ra sampiopor intor ra ngaangai' ondo' pataakon Muno raki'.”

PINAINTALANG 1:17

Paat ra nakito ku Io, pakalaub aku ra kalayam Nano koson ra ulun minatoi. Pabantaa' No boo kalindu' ra pamiris Nano raki' am indagu, “Pai' no kalaa'! Aku noyo talimpuun am Aku noyo pupus.

1 PITRUS 4:17

Maar noyo masuku' paat ri Aki Kapuuno' mangakim ra ulun ru tana' ti, am Ulun Nano akimin No galing. Amon ru itakau noyo talimpuunan Nano, atan masauk ra tauli no risilo ondo' kalo nangintopot ra Tanou Moonsoi intor ri Aki Kapuuno' i?

IBRANI 10:21

Am i Jisus ti noyo imam maayo kuasa' ondo' maningganai ra ulun ri Aki Kapuuno'.

LUKAS 8:35

Ongoi boo ulun masuang no ilong ra atan ondo' nasauk i. Pakasuku' ilo ra giu' i, kakito nilo ungkuyon ondo' sinubol ru riwato ra raitii' ni. Nanturung io ra tuma' ri Jisus, nambayang am niayuk matanda' io. Nalaa' ilo ngaangai'.

MATIUS 17:6

Paat ra maamaya'-maamaya' Nano nokorongog ra bolos no, nalaa' ilo kaga', saboi nakakubu ilo ra tana'.

MAZMUR 68:35

Apuo' noyo kuasa' ri Aki Kapuuno'; titikop ru Israil Io namarinta, makito kuasa' Nano giu' ra limbowon.

KASAUKAN 28:18

Suabon no, rondom i Jakub sukal am alapo' no batu inulunan nali am potolorogo' baalo' ra batu pangkaraan. Uasi' no batu pangkaraan no ra umau jaitun koson patimpokon ri Aki Kapuuno'.

KAINGKUALAN 3:5

Indagu Tuhan, “Pai' inggaar. Paguso' kasut muno, sabap ra intok binigaran muno matulai,