KASAUKAN 28:14 - Tanou Moonsoi Timugon

¹⁴ Papag muno koson ra kinasuang ru kaau ra tana' ti. Kapilaan nilo wilayah nilo ra ngaangai' tampilon, am mimpuun rirun am papag muno, ngaangai' bansa' ru tana' ti makaapu ra barakat.

KASAUKAN 28:14 ပူးပေါင်းရင်းမြစ်များ

KASAUKAN 12:3

Barakaton Ku ilo ondo' mambarakat rirun, kaa' ulason Ku ilo ondo' magulas rirun. Sabap ra okou no, barakaton Ku ngaangai' bansa' ra tana' ti.”

KASAUKAN 26:4

Aniin Tokou ra papag masuang, koson kinasuang ru butitin giu' ra limbowon am pataakon Ku risilo titikop ru wilayah ti. Ngaangai' bansa' ra tana' ti makibarakat Raki' koson ra Aku nambarakat noyo ra papag muno.

RINALATAN 3:25

Bantu' intor ri Aki Kapuuno' ondo' pinasaboi ru nabi pataakin niayuk ramuyun. Ralalom bantu' ri Aki Kapuuno' ondo' binaal no ra kinamatuaan mini, ragu Nano ri Abragam, ‘Intor ra papag muno barakaton Ku ngaangai' bansa' ru tana' ti.’ Bantu' raginio pinataak niayuk ramuyun.

KASAUKAN 22:18

Ngaangai' bansa' ra tana' ti makibarakat ilo Raki' koson niayuk ra Aku nambarakat ra papag muno, sabap ra ginagaya' mu susuban Kuli.”

KASAUKAN 18:18

Papag nano noyo masauk ra bansa' maayo am makakuasa'. Barakaton Ku ngaangai' bansa' ra tana' ti sabap io.

KASAUKAN 13:16

Manaak Aku rirun ra papag ondo' masuang kaga', saboi kolondo' sangulun pana makauntob risilo. Makauntob poyo ulun ra kaau ru tana' ti, makauntob io niayuk ra suang ru papag muno.

KASAUKAN 13:14

Pakaugar i Lot, indagu Tuhan ri Abram, “Intor ra binigaran muno, pulolowo' toojo ngaangai' intok.

GALATIA 3:16

I Aki Kapuuno' nambaal ra nabantuan Nano ri Abragam am sangulun poyo intor ra papag nano. Kolondo' tinulisan ra Buuk Kitab, “Am papag muno”, arati' no ulun masuang. Kaa' ondo' tinulisan no am, “Sangulun intor ra papag muno”, ondo' arati' nano sangulun ayuk, io no i Kristus.

GALATIA 3:8

Nanala' noyo Buuk Kitab ragili ra i Aki Kapuuno' mopobonsoi saguli' ra ulun sala' ka Jaudi Riso sabap ra mangintopot ilo Riso. Tanou Moonsoi raginio pinasaboi galing ri Abragam, kon ragitio, “Sabap ra okou mambarakat i Aki Kapuuno' ra ngaangai' bansa' ru tana' ti.”

PINAINTALANG 7:9

Kopongo raginio, kakito ku poyo rondo' tinimungan ru ulun masuang ondo' kalo maalap ra untob ru osoi ayuk pana! Ilo ti intor ra ngaangai' bansa', papag, pagun am ragu. Am minigor ilo ra saang ru Io ondo' nanturung ra takhta am ra Anak Domba no. Nambayang ilo ra sukub ra mapulak am nampaguut ra raun palma.

IPISUS 1:3

Paringkuanang takano ri Aki Kapuuno', io no Ama' ru Tuhan takau i Jisus Kristus. Sabap ra ralalom pasimpungan takau ri Kristus, nangani' Io no ritakau ra nansalinut barakat ralalom ru Ambiluo Nano ondo' intor ra suruga'.

MATIUS 8:11

Karaa' min gitio! Masuang ulun sala' ka bansa' ru Jaudi mabubunsag mababaya' ri Abragam, i Isak am i Jakub giu' ra Tana' Bagu ri Aki Kapuuno'.

MAZMUR 72:17

Gama' ru sabuoi-buoi no inggalan ru raja' karaan, am sasabiton inggalan nano mantilayun koson mato ru orou. Gama' ru ngaangai' bansa' makibarakat koson ra raja', am ngaangai' ulun manabit ra raja' makakaansukan.

SAGULION 12:20

Paat napalangka' Tuhan ra wilayah min koson ondo' binantu' Nano, makaakan kau ra kual ra sasanggilan ayuk akau masaga'.

UNTABAN 23:10

Papag ru Israil koson ra kaau kalo mauntob; masuang ilo kaga'. Gama' ru pupus ru bayag kuno koson ra pupus ru bayag ru sangulun ra ulun ri Aki Kapuuno'; Gama' ru matoi aku ra mamimio koson ra ulun mabanis guang.”

KASAUKAN 32:12

Karaa' ra binantu' Mu noyo ra tandaan Mu raki' ngaangai' am manaak Kou raki' ra masuang papag saboi kalo mauntob ru sangulun pana sabap ra suang no koson ra agis giu' ra nagas ru raat.”

PINAINTALANG 7:4

Binalaan aku ra suang ru ulun ondo' tinatanduan ra tatandu' ri Aki Kapuuno' ra rabas nilono, mokoondo' 144,000 ngaulun. Ioginio intor ra ngaangai' tayar ru bansa' ru ulun Israil.

KASAUKAN 13:15

Pataakon Ku rirun am papag muno ngaangai' tana' ra nakito muno. Masauk ginio ra okou tatangan ra sabubuoi no.

KASAUKAN 22:17

Barakaton Tokou ra tinangga' luluab am kasuangon Ku papag muno koson ra butitin ra limbowon am koson ra kinasuang ru agis ra nagas ru raat. Papag muno makapangala ra pantula' nilo.

KASAUKAN 48:16

Gama' ru malaikat ondo' namayag raki' intor ra baal makalalaa', mambarakat risilo. Gama' ru inggalan kuno am inggalan ru kinamatuaan kuli, i Abragam am i Isak, magail sisiraan sabap ra anak-anak ragitio! Gama' ru mokoondo' ilo masuang anak am masuang papag!”

KASAUKAN 48:19

Kaa' ansang ama' nano ri Jusup, “Nakapandai aku, anak kuno, nakapandai aku. Masauk niayuk papag ri Manasi no ra bansa' maayo. Kaa' boborok nati makakuasa' poyo ka intor riso, am papag nano masauk ra bansa' mangaayo.”

SAGULION 13:17

Pai' alap ra atan pana ondo' inulas noyo ra pusoon, am tumalikur Tuhan intor ra sangit Nano am makaasi' ramuyun. Makaasi' Io ramuyun am masauk kau ra bansa' ondo' maayo suang nano, koson ra ondo' binantu' Nano ra kinamatuaan mini.

2 TUNUNG RU BANSA' ISRAIL 1:9

Iou Tuhan i Aki Kapuuno', suguto' noyo bantu' ondo' binaal Muno ra ama' kuno. Linantik Mu aku nasauk ra raja' ru rondo' bansa' ondo' maayo kaga' saboi kalo maalap ra untob.

JISAYA 54:3

Rumuang langka' muno mongoi ra pamiris am kait, namagun muno mayan ra tana' ru bansa'-bansa' am mayan ra bandar-bandar ondo' ragino ti masiluk kaga'.

KAINGKUALAN 32:13

Karaa' ulipon Muli, i Abragam, i Isak am i Jakub. Karaa' binantu' Muli risilo koson mangani' risilo ra papag ra kinasuang ru butitin giu' ra limbowon, am mangani' risilo ra titikop ru tana' ragitio koson ra longgom nilo ra sabuoi-buoi no.”