KASAUKAN 28:13 - Tanou Moonsoi Timugon

¹³ Bigor Tuhan ra sapapa' ri Jakub am indagu, “Aku noyo Tuhan i Aki Kapuuno' ri Abragam am i Isak. Pataakon Ku rirun am papag muno tana' ra nambalangan muno.

KASAUKAN 28:13 ပူးပေါင်းရင်းမြစ်များ

KASAUKAN 12:7

Minintalang Tuhan ri Abram am indagu Io riso, “Gitio noyo pagun ondo' pataakon Ku ra papag muno.” Intok raginio, nambaal boo i Abram ra altar ru Tuhan ondo' minintalang noyo riso.

KASAUKAN 13:15

Pataakon Ku rirun am papag muno ngaangai' tana' ra nakito muno. Masauk ginio ra okou tatangan ra sabubuoi no.

KASAUKAN 13:17

Raino, ongoyo' liputo' titikop intok ra tana' ragitio sabap ra pataakon Ku noyo ngaangai' rirun.”

KASAUKAN 15:1

Kopongo raginio, nakakito i Abram ra minintalang am nakaining ra ragu ru Tuhan, “Pai' kalaa' Abram, mangampin Aku rirun intor ra makalalaa' am mangani' rirun ra taak maayo.”

KASAUKAN 15:18

Paat raginio niayuk nambaal Tuhan ra bantu' Nano ri Abram. Indagu Tuhan, “Bantu' Kuno ra manaak Aku ra papag muno ra titikop ru tana' ragitio, intor ra balitan ru pagun ru Misir polos ra sungoi Iprat,

KASAUKAN 26:24

Rondom raginio minintalang Tuhan riso am indagu, “Aku noyo i Aki Kapuuno' ri Abragam ama' muli. Pai' kalaa', sabap ra sindungin Tokou, barakaton Tokou am kasuangon Ku papag muno, sabap ra ginio noyo bantu' Kuli ri Abragam ulipon Kuli.”

KASAUKAN 26:3

Ayan no ragiti, alungin am barakaton Tokou. Pataakon Ku titikop ru wilayah ti rirun am papag muno. Suguton Ku atan ondo' binantu' Kuno ri ama' muli i Abragam.

KASAUKAN 28:4

Gama' ru mambarakat i Aki Kapuuno' rirun am papag muno koson Io nambarakat ri Abragam, am gama' ru okou tatangan ra tana' inayanan mutu, ondo' pinataak noyo ri Aki Kapuuno' ri Abragam i!”

KASAUKAN 31:13

Aku noyo i Aki Kapuuno' ondo' minintalang rirun giu' ra Bitil i. Giu' i pinatimpok mu Raki' rondo' batu pangkaraan am inuasan mu ra umau jaitun, am nagibatan muli Raki'. Raino tampos no am ruli' ra tana' naganakan rirun no.’ ”

KASAUKAN 31:42

Amon ru kalo inalungan aku ri Aki Kapuuno' ru kinamatuaan kuli, i Aki Kapuuno' ri Abragam am i Isak, maaru' paugaron mu aku ra kolondo' atan-atan ibiton. Kaa' nakito ri Aki Kapuuno' kapaganan kuno am kandoi ondo' binaal kuno, am rondom i nanaak Io ra pangakiman Nano.”

KASAUKAN 31:5

Kono ra karuo ngaulun andu' nano, “Makito ku intor ra bulos ru ama' min ra kalo boo masamba io raki', sala' ka koson ragili. Kaa' alungin aku ri Aki Kapuuno' ru ama' kuli.”

KASAUKAN 31:53

I Aki Kapuuno' ri Abragam am i Nagor ondo' mangakim rito.” Pagibot boo i Jakub ralalom inggalan ri Aki Kapuuno' ondo' sambaan ri Isak ama' nano, koson suguton no bantu' nano.

KASAUKAN 32:10

Kalo maaya' aku mangapu ra ngaangai' togom am gagaya' Muno ondo' pinakito Muno raki', ulipon Mutu. Susukur kutu ayuk inibit ku liminaup ra Sungoi Jordan, kaa' raino siminaguli' aku ra ruo ngampulalayan ti.

KASAUKAN 32:9

Pakiasi' boo i Jakub, “Iou Aki Kapuuno' ondo' sambaan ru aki kuno i Abragam am i Isak ama' kuno, iningo' aku! Nakaindagu Kono raki' Tuhan ra sumaguli' ra pagun kuli am ra pabukat-pabukat kuno, am tandaan Mu raki' ngaangai'.

KASAUKAN 35:1

Indagu i Aki Kapuuno' ri Jakub, “Jakub, Aku noyo i Aki Kapuuno' ondo' minintalang rirun paat ra okou nagiru' intor ri Isau maayo muli. Ongoi noyo ra Bitil, ayan ra giu' am pambaal ra rondo' altar Raki'.”

KASAUKAN 35:12

Pagun ra nakataak Ku noyo ri Abragam am i Isak, pataakon Ku rirun am ra papag muno.”

KASAUKAN 35:15

Inggalani' no intok raginio “Bitil”.

KASAUKAN 35:17

Lumanja' noyo ruol ra maganak no, indagu mampaanak no riso, “Paikango' guang muno Ragil, maganak kou poyo ra anak ungkuyon.”

KASAUKAN 46:3

Kono, “Aku noyo i Aki Kapuuno' sambaan ri ama' muli, pai' kalaa' mongoi ra Misir. Saukon Ku papag muno rondo' bansa' maayo ra giu' no.

KASAUKAN 48:3

Indagu i Jakub ri Jusup, “I Aki Kapuuno' Ondo' Maayo Kaga' Kuasa' minintalang raki' ra Lus giu' ra tana' ru Kanaan, am nambarakat noyo raki'.

1 TUNUNG RU BANSA' ISRAIL 16:16

nabantuan ondo' binaal Nano ri Abragam, am bantu' Nano ri Isak,

1 TUNUNG RU BANSA' ISRAIL 16:18

Indagu Io, “Akau aniin Ku ra pagun Kanaan, koson masauk ra longgom tungkuson min.”

MAZMUR 105:11

Minindagu Io, “Pataakon Ku pagun ru Kanaan, koson masauk ra longgom tinungkus min.”

KAINGKUALAN 2:24

Naining ri Aki Kapuuno' golok ru ulun ru Israil, am nakara' No nabantuan Nano ri Abragam, i Isak am i Jakub.

KAINGKUALAN 3:6

Aku ti i Aki Kapuuno' ondo' sambaan ru kinamatuaan muli, i Aki Kapuuno' ri Abragam, ri Isak am ri Jakub.” Ginio ra silii' ri Musa bulos nano sabap ra malaa' io magilong ri Aki Kapuuno'.

KAINGKUALAN 4:5

Indagu Tuhan, “Baalo' koson raginio ra mapainono' ra bansa' ru Israil ra Aku, Tuhan i Aki Kapuuno' ru kinamatuaan nilo, i Aki Kapuuno' ri Abragam, ri Isak am ri Jakub, minintalang noyo rirun.”

KAINGKUALAN 6:4

Nambaal Aku niayuk ra bantu' risilo. Nambantu' Aku koson mangani' risilo ra tana' ru Kanaan, tana' inayanan nilo ra galing i koson ulun bansa' ru bokon.

KAINGKUALAN 6:7

Mapasauk Aku ramuyun ra ulun Kuno galama', am masauk Aku ri Aki Kapuuno' min. Makapandai kau ra Aku noyo Tuhan i Aki Kapuuno' min, paat ra Aku mapalabus ramuyun intor ra pangulipanan ra pagun ru Misir.

YEHEZKIEL 28:25

Indagu Tuhan Raja', “Ibiton Ku ulun ru Israil muli' intor ra pagun-pagun intok nampatuliaran Kuno risilo, am ngaangai' bansa' makapandai boo ra Aku ti matulai. Ulun ru Israil mayan poyo ra pagun nilo galama', tana' ondo' tinaakan Kuno ri Jakub, ulipon Kuno.

AMOS 7:7

Nakaalap aku rondo' napakitanan ra bokon intor ra Tuhan. Nakito ku Io minigor ra sapapa' ru rondo' timbok ondo' binaal am namakai ra kalat panuku' ondo' maawar ra mabanis, am nampaguut Io rondo' kalat panuku' no.

MATIUS 22:32

‘Aku noyo i Aki Kapuuno' ondo' sambaan ri Abragam, i Isak am i Jakub.’ Arati' no i Aki Kapuuno' sambaan ru ulun maayag, sala' ka sambaan Io ru ulun minatoi.”

RINALATAN 7:5

Paat ragili kalo nangani' i Aki Kapuuno' riso ra sampila' tana' pana intor ra pagun ti koson ra longgom nano. Kaa' nambantu' i Aki Kapuuno' ra taakin no ginio ri Abragam am ngaangai' papag nano. Kaa' paat ragili i Abragam ti kolondo' anak.

SAGULION 1:8

Aku Tuhan nambantu' noyo koson manaak ra titikop ru tana' ti ra kinamatuaan min i Abragam, i Isak am i Jakub, am niayuk papag nilo. Ongoi noyo am ayani' tana' raginio.’ ”

SAGULION 34:4

Tuhan pana mindagu boo ri Musa, “Ginio noyo tana' ondo' binantu' Kuno ri Abragam, i Isak am i Jakub koson pataakon ra papag nilo. Pakitonon Ku okou raginio kaa' kalo poongoyon Ku okou ra giu'.”

SAGULION 9:5

Nangiou Tuhan ramuyun mangalap ra tana' nilono sala' ka sabap ra moonsoi kau am nambaal ra motopot. Nampagiru' Tuhan risilo sabap malaat ilo, am sabap masaga' Io manugut ra nabantuan ondo' binaal Nano ra kinamatuaan min i Abragam, i Isak am i Jakub.

IBRANI 11:16

Kaa' sotopot no, mompogogot ilo ra pagun ondo' moonsoi poyo ka inayanan nilo i, iono suruga'. Ginio sabap ri Aki Kapuuno' pana kalo mauyu' ra Io no piawon i Aki Kapuuno' nilo, sabap ra nokopomongo Io noyo ra rondo' bandar risilo.