KASAUKAN 27:46 - Tanou Moonsoi Timugon

⁴⁶ Indagu i Ribika ri Isak, “Nasuraan aku magilong ra karuo ngaulun andu' ri Isau ra bansa' ru bokon no. Amon ru manangandu' niayuk i Jakub ra ruandu' ru bansa' ru Git no, moonsoi poyo matoi aku ayuk.”

KASAUKAN 27:46 ပူးပေါင်းရင်းမြစ်များ

KASAUKAN 24:3

Pagiboton tokou ralalom inggalan ru Tuhan i Aki Kapuuno' ondo' manguasa' ra limbowon am tana' ti, ra kalo tambiliin mu anak ungkuyon kutu ra andu' intor ra ruandu' ru libung Kanaan ti.

KASAUKAN 28:8

Nakarati' boo i Isau ra ama' nano kalo maansayan ra ruandu' ru Kanaan.

AYUP 14:13

Moogot aku maa' raginio pasibunion Mu aku giu' ra intok ru ulun minatoi. Polosoon aku pasibunion saboi ra Okou kalo boo sumangit. Mopongo raginio aruo' orou koson mangkara' raki' saguli'.

AYUP 7:16

Nasuraan aku maayag; moogot aku matoi. Polosoo' aku no sabap ra kaayagan kuti kolondo' boo onong.

1 RAJA'-RAJA' 19:4

am nonsongorou minugar minongoi ra tana' kaagisan. Kopongo raginio uog io am panturung ra saau ru sampuun tataun; moogot io matoi. Pakiasi' io, “Kaimbalaan ti maagat kaga' raki', iou Tuhan. Alapo' noyo painawo kutu, moonsoi poyo ra aku matoi!”

UNTABAN 11:15

Amon ru koson ragitio pinamakuan Muno raki', pakaasi' no raki'; potoyo' aku noyo ra mataki' maa' raginio kalo boo mansaan aku ra kaimbalaan ti.”

JUNUS 4:9

Kaa' indagu i Aki Kapuuno' riso, “Kalo matanda' ra okou sumangit ra tutuu' no!” Taam i Junus, “Kua ra kalo? Topot matanda' ra aku sumangit kaga' suku' matoi.”

JUNUS 4:3

Raino, iou Tuhan, polosoo' noyo aku matoi ayuk, sabap ra moonsoi poyo matoi aku ka maayag.”