KASAUKAN 27:40 - Tanou Moonsoi Timugon

⁴⁰ Maayag kou ra ilang muno, kaa' masauk kou ra ulipon ru boborok muno, kaa' amon ru manggal kou, makalabus kou intor ra kuasa' nano.”

KASAUKAN 27:40 ပူးပေါင်းရင်းမြစ်များ

KASAUKAN 25:23

Indagu Tuhan riso, “Mokoondo' ruo bansa' tininai' muno, maganak kou ra ruo bansa' ondo' mantula'; boborok no maikang poyo intor ra maayo no, maayo no makiulipon ra boborok no.”

KASAUKAN 27:29

Gama' ru mangasauk bansa'-bansa' ra ulipon muno am ulun mangurumat rirun. Gama' ru manguasa' kou ra ngaangai' pabukat muno am papag ru ina' muno mangurumat rirun. Gama' ru mausung ulun ondo' magulas rirun am mabarakat ulun ondo' mambarakat rirun.”

KASAUKAN 32:6

Pakasaguli' ulun-ulun sinusub no ri Jakub, indagu ilo riso, “Nakatuum akai noyo ra maayo muli, i Isau am raino mangkiralan io mongoi tuum rirun am binaya' io niayuk ru apat ngaatus ngaulun.”

KASAUKAN 33:9

Kaa' indagu i Isau, “Ali', masuang noyo raki'. Bulii' noyo rirun no.”

2 SAMUIL 8:14

Nanirong Raja' Daut ra pangkiman ru saujor nano giu' ra titikop ra tana' ru Idom, am mamagun ra giu' no kinuasa' no. Tuhan nangani' ri Raja' Daut ra kamanangan ra ati ayuk intok nano mangayou.

2 RAJA'-RAJA' 14:10

Okou Raja' Amajia, malupus nangala ra ulun ru Idom, Raja' Amajia nasauk ra malilimbau! Mamanggo ra kamanangan raino am porondon no ra baloi. Kua paguguyum ra panguyatan ondo' pupus no maparatong ra karaat ra inan ru Raja' Amajia am mamagun?”

2 RAJA'-RAJA' 14:7

Raja' Amajia namatoi ra mopor ngaribu ngaulun saujor giu' ra Limayak Asin, am nampagaau ra bandar Sila. Ininggalanan no bandar no ra Joktiil. Saboi raino bandar no lakat poyo makainggalan ra Joktiil.

2 TUNUNG RU BANSA' ISRAIL 21:10

Intor raginio Idom kalo boo nakiala ra Jiuda. Paat raginio bandar Libna niayuk giminuor, sabap ra Raja' Jigoram nangiruan ra Tuhan, i Aki Kapuuno' ru kinamatuaan nano.

2 TUNUNG RU BANSA' ISRAIL 21:8

Paat ra pamarintaan ru Raja' Jigoram, giminuor Idom ra Jiuda am nasauk ra pagun ra makapamarintaan galama'.

MAZMUR 60:8

Intor ra inayanan Nano ondo' matulai, i Aki Kapuuno' minindagu, “Magilakup Aku am tatayaron Ku tana' ru Sikgim, am tayaron Ku Limayak Sukot no ra ulun Kuno.

MATIUS 10:34

“Pai' no pangkara' ra Aku magibit ra pababansayan ra tana' ti. Kalo magibit Aku ra pababansayan, kaa' pantutulaan.