KASAUKAN 27:35 - Tanou Moonsoi Timugon

³⁵ Taam i Isak, “Minatong boborok muno am namparuung raki'. Ginaau no barakat ondo' sotopot no panganian kuno rirun.”

KASAUKAN 27:35 ပူးပေါင်းရင်းမြစ်များ

KASAUKAN 27:33

Tumontol galing ngaangai' inan ri Isak am pangkuot io, “Osoi kia raitii' ni, ondo' nampalula' noyo raki' ra kana', am ondo' nagibit ni? Inakan ku koyoo' ra okou kalo poyo nakaratong, am naanian ku noyo io ra barakat pamupusan kuli am barakat ragili io tatangan ra sabuoi-buoi no.”

KASAUKAN 29:25

Suabon raginio, kalimani' boo ri Jakub ra i Liya rinulug nano. Ongoi io boo ri Laban am indagu, “Kua gitio pinamakuan muno raki'? Nangandoi aku koson manangandu' ri Ragil. Kua ruungo' mu aku?”

2 RAJA'-RAJA' 10:19

Timungo' ngaangai' nabi ru Baal, ngaangai' ulun ondo' sumamba riso am ngaangai' ru imam nano. Sangulun pana kalo pinasuai. Mampataak aku ra taak simbalui ra maayo no ra Baal, am osoi kalo mongoi saang no ukumin ra matoi.” (Gitio noyo ruung ru Raja' Jigu koson mamatoi ra ngaangai' ru ulun ondo' sumamba ra Baal.)

AYUP 13:7

Maalap kia ra sabap ri Aki Kapuuno', magabau kau? Maalap kia ra magabau kau sabap ra kaatangan Nano?

JIRIMIA 9:4

Moonong ulun musiti' pagilalain rangan nano; pongkotob pana kalo maintopot. Koson ilo ri Jakub ondo' namparuung ra pabukat nano, am moonong ulun manimbaal ra ragu ra rangan nano.

MALIAKI 2:10

Sala' ka kia itakau ngaangai' mokoondo' ra ama' ondo' nogondo'? Sala' ka kia itakau ngaangai' binaal ri Aki Kapuuno' ondo' nogondo'? Kaa' kua ritakau kalo manugut ra bantu' rondo' am bokon? Kua kia pagasab takau ra nabantuan ondo' binaal ri Aki Kapuuno' ra kinamatuaan takau?

2 KORINTUS 4:7

Akai ti koson ra pagangan tana', ondo' nambulian ra rapu' mokologo intor ra suruga'. Ginio mampakito ri Aki Kapuuno' noyo maayo kaga' kuasa', am sala' ka akai.

1 TISALONIKA 4:6

Intor ra baal ragitio, pai' kano pambaal ra kasalaan kapoam mamparuung ra pabukat min ra Kristian. Sabap ra nakapansawai akai noyo toojo ramuyun ragili ra Tuhan noyo ondo' mangukum ra ngaangai' baal koson raginio.