KASAUKAN 27:29 - Tanou Moonsoi Timugon

²⁹ Gama' ru mangasauk bansa'-bansa' ra ulipon muno am ulun mangurumat rirun. Gama' ru manguasa' kou ra ngaangai' pabukat muno am papag ru ina' muno mangurumat rirun. Gama' ru mausung ulun ondo' magulas rirun am mabarakat ulun ondo' mambarakat rirun.”

KASAUKAN 27:29 ပူးပေါင်းရင်းမြစ်များ

KASAUKAN 12:3

Barakaton Ku ilo ondo' mambarakat rirun, kaa' ulason Ku ilo ondo' magulas rirun. Sabap ra okou no, barakaton Ku ngaangai' bansa' ra tana' ti.”

KASAUKAN 25:33

Indagu i Jakub, “Pagibot galing ra pataakon mu raki' longgom muno.” Pagibot i Isau am pataako' no longgom nano ri Jakub.

KASAUKAN 27:30

Kopongo binarakat ri Isak i Jakub, am kakaugar ri Jakub, uli' i Isau, maayo nano intor ra nampalula'.

KASAUKAN 27:37

Taam i Isak, “Napasauk aku noyo riso ra tuan muno am ngaangai' pabukat nano masauk ra ulipon nano. Nangani' aku noyo riso ra gandum am wain. Raino kolondo' atan-atan mabaal kuno rirun, anak kuno.”

KASAUKAN 27:40

Maayag kou ra ilang muno, kaa' masauk kou ra ulipon ru boborok muno, kaa' amon ru manggal kou, makalabus kou intor ra kuasa' nano.”

KASAUKAN 37:10

Tunungo' niayuk ri Jusup inupi nali ra ama' nano, am sangit ama' nano riso, “Atan kia ra inupi ginio? Guang mu kia aku, ina' muli am pagaka'-pagaka' muno matong am kuku' samba rirun?”

KASAUKAN 37:7

Naginupi aku ra itakau ngai' giu' ra umo ondo' tatanga' mamangkos ra gandum. Gandum ra binangkos kuli timinolorog. Gandum ra binangkos mini liminiput am kuku' ra binangkos kuli.”

KASAUKAN 9:27

Gama' ru ruangin ri Aki Kapuuno' barakat Nano ri Japit am kalangkaan ayanan nano. Gama' ru papag nano masimpung mayan ra papag ri Siim. Masauk i Kanaan ra uliponon ri Japit.”

1 RAJA'-RAJA' 22:47

Paat raginio pagun ru Idom kolondo' raja'. Pagun ru Idom pinarinta ru sangulun uakil ru raja' ondo' linantik ru raja' ru Jiuda.

1 RAJA'-RAJA' 4:21

Pamarintaan ru Raja' Salomo nakasimpung ngaangai' pagun intor ra Sungoi Iprat saboi ra Palistin am balitan ru pagun ru Misir. Panguasa' ru pagun-pagun no mambayar ra upiti ra Raja' Salomo, am ilo ti kinuasa' no ra buoi ru bayag nano.

1 TUNUNG RU BANSA' ISRAIL 5:2

Kabalu' pana raginio, bansa' ru Jiuda nasauk ra bansa' ondo' maikang kaga', am intor ra bansa' raginio sangulun nasauk ra mamarinta ra titikop ru bansa' ru Israil.)

MAZMUR 72:8

Karajaan nano liminangka' intor ra raat mongoi ra raat, intor ra sungoi Iprat saboi ra pompor ru tana'.

JISAYA 45:14

Mindagu Tuhan ri Israil, “Gogoto' min kalangkayaan ru tana' ru Misir am Itiopia, Ulun-ulun ru Siba ondo' mangaikang masauk ra longgom muno; nabangkil ilo am mugar ra talikuron muno. Migulatur ilo am mangiou, ‘I Aki Kapuuno' totopot minunor ramuyun; Io no i Aki Kapuuno' rondo'-rondo' ayuk!

JISAYA 49:23

Raja'-raja' koson ayuk ra pinakaama' mu ayuk, am andu'-andu' raja' pinakaina' mu ayuk. Migulatur ilo mangurumat rirun am kalo lumimbau ilo rirun. Okou pana makapandai ra Aku ti Tuhan; ulun ondo' lumansan raki' kalo sindualin guang.”

JISAYA 49:7

I Aki Kapuuno' matulai Mamamayag ru Israil mindagu ra ulun ondo' asasabin toojo, am ondo' kasisangin ru bansa'-bansa' am niayuk masauk ra ulipon ru nasuangan mangunguasa', “Raja'-raja' makakito ra binaal Kuno, am sumukal ilo am mangurumat Raki'. Nasuangan ru mangunguasa' magilong niayuk riso, am migulatur sumamba.” Ginio masauk sabap ra Tuhan nampili' noyo ra ulipon Nano; i Aki Kapuuno' matulai ru Israil manugut ra bantu' Nano.

JISAYA 60:12

Kaa' bansa'-bansa' ondo' kalo gumagaya' rirun iono pusoon lingono'.

JISAYA 60:14

Anak-anak ru ulun nangimbolo' rirun matong migulatur koson mangurumat rirun. Ngaangai' ulun ondo' nakaili' nagasab rirun matong migulatur ra kalayam muno. Manabit ilo rirun ra ‘Bandar ru Tuhan’, ‘Sion, Bandar ri Aki Kapuuno' ru Israil, i Aki Kapuuno' ondo' matulai’.

JISAYA 9:7

Tuhan mamparatu' ra ukuman ra pamarintaan ru Israil, ioginio papag ri Jakub.

UNTABAN 23:8

Makapagulas aku kia ra atan ondo' kalo ulason ri Aki Kapuuno', kapoam mangukum ra atan ondo' kalo ukumin ru Tuhan?

UNTABAN 24:18

Manguasa' io ra pantula' nano giu' ra Idom, am mapasauk ra tana' nilono ra io tatangan, am marayus Israil masauk ra pamanang.

UNTABAN 24:9

Bansa' Israil koson ra singa' mapanggol ondo' tatanga' tumangus, paat ra mombolong, kolondo' sangulun pana baani mangkarat riso. Osoi ondo' mambarakat ra Israil no barakaton, am osoi ondo' magulas ra Israil no ulason.”

MATIUS 25:40

Tumaam boo raja' no, ‘Balain takamin: Paat ra akau nambaal koson raginio ra sangulun rangan Kuno ondo' kalo maatang, koson binaal min niayuk ginio Raki'!’

MATIUS 25:45

Tumaam raja' ti, ‘Balain takamin: Paat ra akau kalo nangindangan ra sangulun kalo maatang ti, ginio nogondo' ra akau marara' nangindangan Raki'.’

PINAINTALANG 19:16

Sukub Nano am ra paa Nano tinulisan ra inggalan koson ragitio, “Raja' ru ngaangai' raja' am Tuhan ru ngaangai' tuan”.