KASAUKAN 27:14 - Tanou Moonsoi Timugon

¹⁴ Ongoyo' boo alapo' ri Jakub karuo ngainan kambing no am pataaki' ra ina' nano. Ansako' boo ru ina' nano ra akanon kasuungan ri Isak no.

KASAUKAN 27:14 ပူးပေါင်းရင်းမြစ်များ

KASAUKAN 25:28

Maansayan kaga' i Isak no ri Isau sabap ra masuung io mangakan ra kual ru bibiag ondo' linula' ri Isau no, kaa' maansayan kaga' i Ribika no ri Jakub.

KASAUKAN 27:13

Taam ina' nano, “Anak kuno, polosoo' noyo ngaangai' ulas pataakon rirun no makatiu' raki', baalo' panusuban kutu rirun, am ongoi alapo' karuo ngainan ra kambing no.”

KASAUKAN 27:15

Pagalap boo i Ribika ra bayang moonsoi kaga' ri Isau ondo' binulian ra baloi no, am pabayango' no ri Jakub.

KASAUKAN 27:17

Pataaki' no boo ri Jakub akanon maamis no nabaya' ra ruti' ondo' inansak nano.

KASAUKAN 27:31

Nangansak niayuk i Isau ra akanon maamis kasuungan ru ama' nano, ongoyo' no taaki' ra ama' nano, indagu i Isau, “Ama', panturung am akano' kual ondo' inibit kutu rirun, maa' raginio barakaton mu aku boo.”

KASAUKAN 27:4

Ansaki' aku ra akanon maamis koson ra akanon kasuungan kuno, am ibito' raki'. Makaakan aku ra akanon no, barakaton tokou ra aku kalo poyo matoi.”

KASAUKAN 27:7

‘Ibiti' aku kasanginan kana' ondo' lulaan muno am ansaki' aku ra akanon maamis. Makaakan aku ra akanon no, barakaton tokou ra saang ru Tuhan ra aku kalo poyo matoi.’ ”

KASAUKAN 27:9

Ongoi ra sampanon ru kambing domba takano, pilio' ruo ngainan anak ru kambing ra moonsoi am ansakon ku ra akanon maamis kasuungan ru ama' muno.

MAZMUR 141:4

Painggaluro' aku no ra gogot ru guang mambaal ra malaat, am lumatok ra ulun masaga' mambaal ra tula. Pai' aku polosoo' maya' akan ra bunsagan nilo.

LUKAS 21:34

“Ilalai' min! Pai' kau bunsag am magiginum ayuk, kapoam magalabo ra kaayagan mino ayuk, saboi Orou ru Tuhan mamulali' matong am kalo makatampos kau.