KASAUKAN 26:9 - Tanou Moonsoi Timugon

⁹ Piawo' boo ru Raja' Abimilik i Isak am indagu, “Andu' mu i Ribika, kua indagu kou ra boborok ruandu' muno?” Taam i Isak, “Guang ku potoyon aku amon ru mambala' ra io andu' kuno.”

KASAUKAN 26:9 ပူးပေါင်းရင်းမြစ်များ

KASAUKAN 12:18

Ginio ra piawo' ru raja' i Abram am pangkuot io riso, “Atan kia binaal muno raki'? Kua kalo nambala' kou raki' ra ruandu' no andu' muno?

KASAUKAN 26:10

Indagu raja' no, “Atan binaal muno ramon? Tutului marulug ru sangulun intor ra ulun kuno andu' muno, mosonsol kou sabap ra sala maino.”

KASAUKAN 26:8

Kukula' buoi noyo i Isak minayan ra giu' no, sangarawan raginio ibol Raja' Abimilik ra gigimpalan nano, am kakito no i Isak mangalok-alok ri Ribika.

JUANIS 14:9

Kaa' taam i Jisus, “Pilipus, nabuoi takano nababaya', kaa' lakat ayuk poyo kalo makaulig kou Raki'? Osoi ayuk nakakito Raki', nakakito io niayuk ri Ama'. Kaa' kua indagu kou po ra, ‘Pakitono' i Ama' no ramon?’

RINALATAN 12:11

Katutuni' boo ri Pitrus atan ondo' nasauk riso i, indagu io boo, “Raino nakapandai aku ra i Aki Kapuuno' totopot nanusub ra malaikat nano mampalabus raki' intor ra kuasa' ru raja' Irodis am ngaangai' baal ondo' kalansanan ru ulun ru Jaudi masauk raki'.”