KASAUKAN 26:7 - Tanou Moonsoi Timugon

⁷ Paat ra mangkuot mamagun ru Girar riso intor ri Ribika, taamon ri Isak ra boborok ruandu' nano. Marara' io mambala' ra i Ribika andu' nano, sabap ra malaa' io potoyon ru ulun koson mangalap ri Ribika ondo' mantalur kaga' no.

KASAUKAN 26:7 ပူးပေါင်းရင်းမြစ်များ

KASAUKAN 12:11

Paat ra ilo sumail ra balitan ru pagun ru Misir, indagu io ra andu' nano i Sarai, “Okou ti mantalur.

KASAUKAN 12:13

Moonsoi poyo balain mu ilo ra okou ti boborok kuno; maa' raginio polosoon nilo aku maayag sabap ra okou am moonsoi pamakuan nilo raki'.”

KASAUKAN 12:15

Nakito i Sarai ru kukula' ngaulun pagawai ru istana, am pambala' ra raja' ra kinantalur ru ruandu' no; ginio ra ibito' nilo i Sarai ra istana ru raja'.

KASAUKAN 20:11

Taam i Abragam, “Indos ku, giti kolondo' osoi pana malaa' ri Aki Kapuuno' sabap saboi potoyon aku ru ulun ondo' masaga' mamundus ra andu' kuno.

KASAUKAN 20:2

minindagu io ra andu' nano i Sara boborok nano. Ginio ra Raja' Abimilik intor ra Girar no nanusub ra ulun mongoi pangalap ri Sara.

KASAUKAN 20:5

I Abragam galama' mindagu ra ruandu' no boborok nano am ruandu' no pana mindagu ra i Abragam maayo nano. Binaal ku gitio sumugut ra kapasawan ru guang kuno am kolondo' sala kuno.”

KASAUKAN 24:16

I Ribika sangulun ruandu' mamulok ondo' mantalur kaga' am ralaa ayuk poyo. Mongoi io ra tulubong no sagou ra timug, pakasagou io am lukiat.

KASAUKAN 26:6

Ginio ra ayan boo i Isak giu' ra bandar Girar.

KASAUKAN 26:8

Kukula' buoi noyo i Isak minayan ra giu' no, sangarawan raginio ibol Raja' Abimilik ra gigimpalan nano, am kakito no i Isak mangalok-alok ri Ribika.

KASAUKAN 29:17

Makamato i Liya ra malaut, kaa' makainan ri Ragil ra moonsoi am mantalur bulos nano.

AMSAL 29:25

Malaa' ra guangon ru ulun bokon mangkinibit ra kapaganan. Pangintopot no ra Tuhan, am bayagon kau.

MATIUS 10:28

Pai' kano kalaa' risilo ondo' makapamatoi ramuyun, kaa' ondo' kolondo' kuasa' mampasubol ramuyun ra naraka. Kaa' kalaa' kano ri Aki Kapuuno' ondo' makapamatoi ramuyun am makakuasa' mampasubol ramuyun ra naraka.

IPISUS 5:25

Ralaki kau ngai', tagami' noyo andu' mino, mogondo' ri Kristus nonogom noyo ra pasimpungan ulun Kristian am niayuk nampataak ra painawo Nano koson ilo.

KOLOSI 3:9

Ginio boo ra pai' kau pagabau ra rondo' am bokon sabap ra kaayagan am paliso nakalair min i iniruanan min noyo.