KASAUKAN 26:5 - Tanou Moonsoi Timugon

⁵ Barakaton Tokou, sabap giminagaya' i Abragam Raki' am binaya' no ngaangai' ukum am susuban Kuno.”

KASAUKAN 26:5 ပူးပေါင်းရင်းမြစ်များ

KASAUKAN 12:4

Paat umur ri Abram 75 ngambilor, minugar io nangiruan ra Aran sumugut ra susuban ru Tuhan riso.

KASAUKAN 17:23

Paat orou raginio niayuk, ginagaya' ri Abragam i Aki Kapuuno' am sunati' no i Ismail anak nano, ngaangai' ungkuyon ru baloi nano am nakaaya' ulipon ondo' inanak ra baloi nano am niayuk ondo' binali nano.

KASAUKAN 18:19

Pinili' Kuno io, maa' raginio ra masusub no anak-anak nano am papag nano gumagaya' Raki' am mambaal ra atan ondo' motopot am matanda'. Amon ru baalon nilo koson raginio, ngaangai' bantu' Kuno ri Abragam suguton Ku.”

KASAUKAN 22:16

kono, “Ragu ru Tuhan: Magibot Aku ra inggalan Kuno galama', sabap ra binaal mu gitio am kalo inanggal mu koson mapataak ra anak langkuir muno Raki'.

KASAUKAN 22:18

Ngaangai' bansa' ra tana' ti makibarakat ilo Raki' koson niayuk ra Aku nambarakat ra papag muno, sabap ra ginagaya' mu susuban Kuli.”

KASAUKAN 26:6

Ginio ra ayan boo i Isak giu' ra bandar Girar.

MATIUS 5:19

Ginio ra osoi ayuk pana manggal ra Ukum ri Musa kabalu' pana koborok ayuk am koson niayuk raginio mangila' io ra ulun ra bokon, ulun raginio karaan kalo maatang ra gino ngai' ru ulun ri Aki Kapuuno'. Kaa' osoi ayuk pana gumagaya' ra Ukum ri Musa am mangila' ra ulun ra bokon koson raginio, ulun raginio karaan maatang ra gino ngai' ru ulun ri Aki Kapuuno'.

MATIUS 7:24

“Moonong ulun ondo' mangkirongog am gumagaya' ra raguon Kuno, io ti koson ra ulun mapintar ondo' mambaal ra baloi nano ra rasawat ru batu.

1 KORINTUS 15:58

Pabukat kau ngaangai' ondo' tagamin ku, ingkotog kano am ikango' toojo pangintapatan mino. Pirot kano pangandoi ra Tuhan, sabap ra nakapandai kano ra kandoi mino Riso kalo noyo malubat.

GALATIA 5:6

Paat ra itakau sumimpung ri Kristus, baal ra sunatin kia kapoam kalo, ginio kalo boo maatang. Ondo' maatang toojo, ioginio mangintopot ri Kristus, ondo' makito intor ra motogom takau ra rondo' am bokon.

IBRANI 11:8

Sabap ra pangintapatan noyo, i Abragam giminagaya' ra susuban ri Aki Kapuuno' mongoi ra sampagunan ondo' binantu' Nano riso. Iniruanan no pagun nali galama' kabalu' pana kalo nakatutun io ra ati angayan nano.

JAKUBUS 2:21

Karaa' ayuk i Abragam, kinamatuaan takali. Io pana inapu ri Aki Kapuuno' sabap ra atan ondo' binaal nano ragili. Nangiou io ra anak nano, i Isak, simbaluyon, koson pataakon ri Aki Kapuuno'.