KASAUKAN 26:24 - Tanou Moonsoi Timugon

²⁴ Rondom raginio minintalang Tuhan riso am indagu, “Aku noyo i Aki Kapuuno' ri Abragam ama' muli. Pai' kalaa', sabap ra sindungin Tokou, barakaton Tokou am kasuangon Ku papag muno, sabap ra ginio noyo bantu' Kuli ri Abragam ulipon Kuli.”

KASAUKAN 26:24 ပူးပေါင်းရင်းမြစ်များ

KASAUKAN 13:16

Manaak Aku rirun ra papag ondo' masuang kaga', saboi kolondo' sangulun pana makauntob risilo. Makauntob poyo ulun ra kaau ru tana' ti, makauntob io niayuk ra suang ru papag muno.

KASAUKAN 15:1

Kopongo raginio, nakakito i Abram ra minintalang am nakaining ra ragu ru Tuhan, “Pai' kalaa' Abram, mangampin Aku rirun intor ra makalalaa' am mangani' rirun ra taak maayo.”

KASAUKAN 17:7

“Suguton Ku toojo bantu' Kuno rirun am papag muno, mansusugul am bantu' no mantilayun. Masauk Aku ri Aki Kapuuno' muno am i Aki Kapuuno' ru papag muno.

KASAUKAN 17:8

Manaak Aku rirun am papag muno ra tana' ragitio, intok inayanan muno raino ti koson ra ulun bansa' ru bokon. Titikop tana' ru Kanaan masauk ra longgom ru papag muno ra sabubuoi no am Aku masauk ri Aki Kapuuno' nilo.”

KASAUKAN 21:17

Naining ri Aki Kapuuno' tangi' ri Ismail am intor ra limbowon, indagu malaikat ri Aki Kapuuno' ri Agar, kono, “Atan kia mantipagon rirun Agar? Pai' no kalaa', naining ri Aki Kapuuno' tangi' ru anak muno.

KASAUKAN 22:17

Barakaton Tokou ra tinangga' luluab am kasuangon Ku papag muno koson ra butitin ra limbowon am koson ra kinasuang ru agis ra nagas ru raat. Papag muno makapangala ra pantula' nilo.

KASAUKAN 22:19

Saguli' boo i Abragam ra karuo ngaulun ulipon nali, am pabaya' ilo ongoi ra Birsyiba am pamagun i Abragam ra giu' no.

KASAUKAN 24:12

Pakiasi' io, “Tuhan i Aki Kapuuno' ru tuan kuno i Abragam, indangano' aku maa' ra indangan Muno makaampos baalon kuno orou raiti' am guuto' toojo bantu' Muno ra tuan kuno.

KASAUKAN 28:13

Bigor Tuhan ra sapapa' ri Jakub am indagu, “Aku noyo Tuhan i Aki Kapuuno' ri Abragam am i Isak. Pataakon Ku rirun am papag muno tana' ra nambalangan muno.

KASAUKAN 28:15

Karaa' noyo, indanganon am sindungin Tokou ra ati ayuk angayan muno am ibiton Tokou sumaguli' ra pagun ragitio. Kalo iruanin Tokou suku' Ku mabaal ngaangai' atan ondo' binantu' Kuli rirun.”

KASAUKAN 28:3

Gama' ru mambarakat i Aki Kapuuno' Ondo' Maayo Kaga' Kuasa' no ra paguguatan muno am manaak rirun ra anak masuang, saboi masauk kou ra kinamatuaan ru masuang bansa'!

KASAUKAN 30:27

Indagu i Laban riso, “Raguo' ku poyo galing gitio: Nanala' aku noyo ra nambarakat Tuhan no raki' sabap ra okou.

KASAUKAN 31:5

Kono ra karuo ngaulun andu' nano, “Makito ku intor ra bulos ru ama' min ra kalo boo masamba io raki', sala' ka koson ragili. Kaa' alungin aku ri Aki Kapuuno' ru ama' kuli.”

KASAUKAN 39:2

Nagalung Tuhan ri Jusup saboi iawo io ra ngaangai' kondoyon nano. Minayan i Jusup ra tuan nano, ulun ru Misir no.

KASAUKAN 39:3

Natutunan ru tuan nano ra nangindangan Tuhan no ri Jusup, am ginio boo ra iawo io ra ngaangai' kondoyon nano.

KASAUKAN 46:1

Tomposo' ri Jakub ngaangai' kuliamos nano am ongoi ra Birsyiba, intok nano mapataak ra taak simbalui nano ri Aki Kapuuno' ru ama' nali i Isak.

1 RAJA'-RAJA' 17:13

Kon ri Ilia riso, “Pai' kaimamang. Ongoi no pangatang ra akanon muno. Kaa' kalo poyo raginio, pagulu baalo' ruti' boborok intor ra tapung am umau no am atari' raki'. Mopongo raginio baalo' ruti' no koson akanon min magina',

KAINGKUALAN 14:13

Taam i Musa, “Pai' kalaa'! Ikang kano! Ilai' atan ondo' baalon ru Tuhan koson mamayag ramuyun ra orou raiti'; kalo boo makito min ngaangai' ulun ru Misir no.

KAINGKUALAN 3:6

Aku ti i Aki Kapuuno' ondo' sambaan ru kinamatuaan muli, i Aki Kapuuno' ri Abragam, ri Isak am ri Jakub.” Ginio ra silii' ri Musa bulos nano sabap ra malaa' io magilong ri Aki Kapuuno'.

JISAYA 12:2

Aki Kapuuno' Mamamayag raki'; mangintopot aku Riso am kalo malaa' aku. Tuhan manaak ra kuasa' am kaikangan raki'; Io no Mamamayag raki'.

JISAYA 41:10

Pai' kalaa' sabap ra Aku minaya' ramuyun. Pai' pagalabo sabap Aku i Aki Kapuuno' min. Paikangon am indanganon Takamin; sindungin am bayagon Takamin.

JISAYA 44:2

Aku noyo Tuhan ondo' namangun ramuyun, ondo' nambaal ramuyun intor poyo ra akau tininai', am Aku mangindangan ramuyun. Pai' noyo kalaa'; akau ulipon Kuno, ulun pinili' Kuno ondo' tagamin Kuno.

JISAYA 51:12

Mindagu Tuhan, “Aku noyo ondo' napabansuk ramuyun. Kua kalaa' kau ra ulun ondo' mapandai matoi, am ulun ondo' pinatiran koson ra sakot?

JISAYA 51:7

“Rongogo' Aku, akau bansa' Kuno, makapandai kau ra atan motopot, pangilaan Kuno nakauli ra ralalom ru guang mino. Pai' kalaa' amon asabin kau ru ulun, pai' pagalabo amon magasab ilo ramuyun.

SULABOI 3:57

Iowon Mu pakiasian kuno, am mindagu raki', ‘Pai' kalaa'.’

IMAMAT 26:42

mangkara' Aku ra nabantuan Kuli ri Jakub, i Isak am i Abragam. Manalimbagu Aku ra bantu' Kuno koson manaak ra pagun no ra ulun Kuno.

IMAMAT 26:45

Manalimbagu Aku ra nabantuan ondo' binaal Kuli ra kinamatuaan nilai paat ra Aku nagibit risilo miningkual intor ra Misir koson manulu' ra kuasa' Kuno ra ngaangai' bansa', am maa' raginio Aku, Tuhan makasauk ri Aki Kapuuno' nilo.”

MATIUS 22:32

‘Aku noyo i Aki Kapuuno' ondo' sambaan ri Abragam, i Isak am i Jakub.’ Arati' no i Aki Kapuuno' sambaan ru ulun maayag, sala' ka sambaan Io ru ulun minatoi.”

LUKAS 12:32

“Pai' kau kalaa', kabalu' pana kalo masuang kau, sabap ra i Ama' min masaga' mangani' ramuyun ra barakat ru pamarintaan Nano.

RINALATAN 7:32

‘Aku ti i Aki Kapuuno' ondo' sambaan ru kinamatuaan muli, i Abragam, Isak am i Jakub.’ Ginio ra nonontol i Musa am kalo boo makakau' magilong.

SAGULION 13:17

Pai' alap ra atan pana ondo' inulas noyo ra pusoon, am tumalikur Tuhan intor ra sangit Nano am makaasi' ramuyun. Makaasi' Io ramuyun am masauk kau ra bansa' ondo' maayo suang nano, koson ra ondo' binantu' Nano ra kinamatuaan mini.

SAGULION 31:6

Musiti' kau mangintopot am baani. Pai' kalaa' ra bansa'-bansa' no. Tuhan i Aki Kapuuno' min mabaya' ramuyun. Io totopot kalo noyo maninduol ramuyun kapoam mangiruan ramuyun.”

IBRANI 11:16

Kaa' sotopot no, mompogogot ilo ra pagun ondo' moonsoi poyo ka inayanan nilo i, iono suruga'. Ginio sabap ri Aki Kapuuno' pana kalo mauyu' ra Io no piawon i Aki Kapuuno' nilo, sabap ra nokopomongo Io noyo ra rondo' bandar risilo.

IBRANI 13:6

Intor raginio makakau' takau mindagu ra, “Tuhan noyo mangingindangan kuno, ginio ra kalo noyo malaa' aku. Kolondo' noyo maalap kabaal raki' ru ulun.”

PINAINTALANG 1:17

Paat ra nakito ku Io, pakalaub aku ra kalayam Nano koson ra ulun minatoi. Pabantaa' No boo kalindu' ra pamiris Nano raki' am indagu, “Pai' no kalaa'! Aku noyo talimpuun am Aku noyo pupus.

RUT 3:11

Pai' kaimamang, Rut. Suguton ku ngaangai' kitaakon muno. Ngaangai' ulun ru bandar nakapandai ra okou ruandu' ondo' moonsoi paliso.