KASAUKAN 25:6 - Tanou Moonsoi Timugon

⁶ kaa' paat io lakat poyo soroi, nangani' io niayuk ra taak ra anak-anak ungkuyon nano ondo' intor ra andu' nano ra bokon. Susubo' no boo anak-anak ra bokon no manding ra tampilon sirangon ru pagun ru Kanaan, koson minggalur ilo ra anak nano i Isak.

KASAUKAN 25:6 ပူးပေါင်းရင်းမြစ်များ

KASAUKAN 16:3

Ginio ra pataako' ri Sarai i Agar no ri Abram. Paat raginio mopor ngambilor noyo buoi ri Abram namagun ra pagun ru Kanaan.

KASAUKAN 21:14

Paat ra suabon no, rondomo' anii' ri Abragam i Agar ra akanon am rondo' kantungan ru kungkung sinuangan ra timug. Paibaa' no anak no ri Agar am paugaro' no ruandu' no. Ongoi boo i Agar ra tana' kaagisan ru Birsyiba.

KASAUKAN 25:1

Nanangandu' poyo i Abragam ra sangulun ruandu' ininggalanan ri Kitura.

KASAUKAN 29:1

Paginjul poyo i Jakub am ongoi ra pagun tampilon sirangon ru pagun ru Kanaan.

KASAUKAN 30:4

Pataako' no boo i Bilga ra ralaki nano, am rulug i Jakub ra ulipon no.

KASAUKAN 30:9

Pakatutun i Liya ra kalo boo maganak io, pataako' no i Jilpa ulipon nano ri Jakub ra anduon no.

KASAUKAN 32:22

Rondom raginio niayuk tirong i Jakub am ibito' no karuo ngaulun andu' nano, karuo ngaulun ulipon ruandu' parulug nano, koopor am saa' anak nano am laup ra Sungoi Jabok.

KASAUKAN 35:22

Buoi ri Jakub minayan ra giu' no, rulug i Rubin ri Bilga, iono ruandu' parulug ru ama' nano. Kaala' i Jakub raginio am siminangit io kaga'. Anak ungkuyon ri Jakub mokoondo' mopor am ruo ngaulun.

2 TUNUNG RU BANSA' ISRAIL 11:21

Raja' Rigabiam mokoondo' 18 ngaulun andu' am 60 ngoopor ngaulun ruandu' parulug. Mokoondo' io 28 ngaulun anak ungkuyon am 60 ngaulun anak ruandu'. Intor ra ngaangai' andu' am ruandu' parulug nano, i Maakga ondo' tagamin no kaga'.

AYUP 1:1

Giu' ra tana' Us, minayan sangulun ungkuyon makainggalan ri Ayup. Sumamba io ri Aki Kapuuno' am gumagaya' Riso. Io ti moonsoi guang, ondo' masalok no pagilalain maa' raginio kalo mambaal ra malaat.

AYUP 1:3

am niayuk mokoondo' ra suang 7,000 ngainan domba, 3,000 ngainan unta am 1,000 ngainan sapi' am 500 ngainan kaladai. Io niayuk mokoondo' masuang ulipon, am io noyo ulun ondo' langkaya' kaga' ra gino ngai' mamagun giu' ra libung ru Sirangon.

MATIUS 5:45

maa' raginio masauk kau ra anak ru Ama' min giu' ra suruga'. Sabap ra pinoloso ri Aki Kapuuno' mato ru orou Nano sumirang ra ngaangai' ulun ondo' moonsoi am malaat. Io niayuk mampatuun ra rasam no ra ngaangai' ulun, ondo' mambaal ra moonsoi am niayuk ondo' mambaal ra malaat.

RINALATAN 14:17

Kaa' kalo linilianan No nangani' risilo ra tatandu' ra Io ti soroi ralalom ru binaal moonsoi Nano: Mamparatu' ra rasam intor ra limbowon am niayuk nampasalula' ra tutuu' ru tana' paat ra pangkawaan nano; mangani' Io po ra akanon am katasuan ru guang min.”

TINGGANAI RU BANSA' 19:4

am nanginga' riso maa' raginio ra kalo muli'. Minayan ulun ru Liwi no ra giu' buoi talu ngoorou am nangakan nanginum am nombolong ra giu' no nabaya' ra ruandu' parulug nano.

TINGGANAI RU BANSA' 6:3

Moonong ra ulun ru Israil mantanom, matong ulun ru Midian mababaya' ra ulun ru Amalik am bansa' ra bokon intor ra tana' kaagisan, am mamulunsar ra ulun ru Israil.