KASAUKAN 25:20 - Tanou Moonsoi Timugon

²⁰ Umur ri Isak apat ngoopor ngambilor paat nanangandu' ri Ribika, boborok ri Laban, anak ruandu' ri Bituil, ulun ru Aram intor ra Misopotamia.

KASAUKAN 25:20 ပူးပေါင်းရင်းမြစ်များ

KASAUKAN 24:29

I Ribika makamaayo ra ungkuyon ininggalanan ri Laban. Pasimbul i Laban ingkual ra baloi ongoi ra tulubong intok binigaran ru ulipon ri Abragam no.

KASAUKAN 24:67

Kopongo raginio, ibito' ri Isak i Ribika mumpos ra kim ru ina' nali i Sara, am anduo' no boo i Ribika. Motogom kaga' i Isak ri Ribika, am maansukan boo guang ri Isak ra mangiluk no sabap ra pinatayan ru ina' nali.

KASAUKAN 22:23

I Bituil ti ama' ri Ribika. Ginio noyo balu' ngaulun anak ungkuyon inanak ri Milka ra ralaki nano i Nagor, pongkotob ungkuyon ri Abragam.

SAGULION 26:5

Giu' boo ra saang ru Tuhan i Aki Kapuuno' min, akau musiti' mindagu ra ragu ragitio: ‘Kinamatuaan kuli sangulun Aram ondo' timinanggau. Nagibit io ra sasambaloi nano minongoi ra Misir am minayan ra giu' koson ulun bansa' ru bokon. Paat ra ilo minongoi ra giu' no, sanganu suang nilo, kaa' nasauk ilo boo ra rondo' bansa' ondo' maayo am maikang.

KASAUKAN 31:24

Rondom raginio, ratong i Aki Kapuuno' ralalom inupi ri Laban am indagu riso, “Ilalai', pai' babanyou raguon muno ri Jakub.”

KASAUKAN 31:20

Abawi' ri Jakub i Laban ra kalo nangimbalala' ra ugaran nilai.

LUKAS 4:27

Koson niayuk ra bulintok ru Nabi Ilisa, masuang ulun ru Israil makamaruol ra kungkung ondo' maaja'. Kolondo' sangulun pana intor risilo napali'. Ondo' napali' i Naaman ayuk, ulun ru Siria am sala' ka bansa' ru Israil.”

KASAUKAN 35:9

Pakasaguli' i Jakub intor ra Misopotamia, intalang poyo i Aki Kapuuno' am pambarakat riso.

KASAUKAN 24:15

Kalo poyo nopongo io makiasi', ratong i Ribika nansaan ra rarapu'. Io anak ruandu' ri Bituil anak ri Nagor am i Milka. I Nagor pongkotob ungkuyon ri Abragam.

KASAUKAN 25:26

Paat ra anak karuo ti miningkual, giminuut kalindu' nano ra tunob ri Isau. Ginio ra inggalani' io ri Jakub. Umur ri Isak onom ngoopor ngambilor paat ilo inanak.

KASAUKAN 28:2

Tampos no, ongoi no ra pagun ru Misopotamia, ra baloi ru aki muno i Bituil, am panangandu' noyo ra sangulun anak ralaa ri Laban kamaman muli.

KASAUKAN 28:7

Nakapandai niayuk i Isau ra ginagaya' ri Jakub ragu ru matuo nano am minongoi io ra Misopotamia.

KASAUKAN 33:18

Tatanga' pangkiralanan intor ra Misopotamia, pakasuku' i Jakub ra matanda' ra bandar Sikgim giu' ra pagun Kanaan, am pangkim io ra rondo' umo mamaar ra bandar no.

KASAUKAN 35:26

Anak ungkuyon ru ulipon ruandu' ri Liya, i Jilpa no i Gad am i Asyir. Anak-anak raginio inanak giu' ra pagun Misopotamia.

KASAUKAN 46:15

Ginio noyo anak-anak ungkuyon ondo' inanak ri Liya giu' ra Misopotamia, am poyo anak ruandu' nano i Dina. Ngaangai' papag ri Jakub intor ra andu' nano i Liya suang no talu ngoopor am talu ngaulun.

KASAUKAN 27:43

Anak kuno, raino baalo' atan ondo' raguon kutu. Tampos noyo am ongoi ra maayo kuli i Laban giu' ra pagun ru Aran.