KASAUKAN 24:7 - Tanou Moonsoi Timugon

⁷ Sabap ra Tuhan i Aki Kapuuno' ondo' manguasa' ra limbowon am tana' ti, nagibit noyo raki' intor ra baloi ru ama' kuli am intor ra tana' ru pabukat kuno minongoi ragiti, am nagibot Io raki' ra pataakon No tana' ragitio ra papag kuno. Io niayuk manusub ra malaikat Nano mongoi pangindangan rirun maa' raginio makapanambili' kou ra andu' ru anak ungkuyon kuno ra giu' no.

KASAUKAN 24:7 ပူးပေါင်းရင်းမြစ်များ

KASAUKAN 13:15

Pataakon Ku rirun am papag muno ngaangai' tana' ra nakito muno. Masauk ginio ra okou tatangan ra sabubuoi no.

KASAUKAN 15:18

Paat raginio niayuk nambaal Tuhan ra bantu' Nano ri Abram. Indagu Tuhan, “Bantu' Kuno ra manaak Aku ra papag muno ra titikop ru tana' ragitio, intor ra balitan ru pagun ru Misir polos ra sungoi Iprat,

KASAUKAN 16:7

Malaikat ru Tuhan nakatuum ri Agar maar ra taur ru timug ra tana' kaagisan, giu' ra ralan mongoi ra tana' kaagisan Syur.

KASAUKAN 17:8

Manaak Aku rirun am papag muno ra tana' ragitio, intok inayanan muno raino ti koson ra ulun bansa' ru bokon. Titikop tana' ru Kanaan masauk ra longgom ru papag muno ra sabubuoi no am Aku masauk ri Aki Kapuuno' nilo.”

KASAUKAN 21:17

Naining ri Aki Kapuuno' tangi' ri Ismail am intor ra limbowon, indagu malaikat ri Aki Kapuuno' ri Agar, kono, “Atan kia mantipagon rirun Agar? Pai' no kalaa', naining ri Aki Kapuuno' tangi' ru anak muno.

KASAUKAN 22:11

Kaa' pampiau malaikat ru Tuhan intor ra suruga', “Abragam, Abragam!” Taam i Abragam, “Atan Tuhan, giti aku.”

KASAUKAN 24:3

Pagiboton tokou ralalom inggalan ru Tuhan i Aki Kapuuno' ondo' manguasa' ra limbowon am tana' ti, ra kalo tambiliin mu anak ungkuyon kutu ra andu' intor ra ruandu' ru libung Kanaan ti.

KASAUKAN 24:40

Kaa' taam io, ‘Tuhan ondo' masalok kuno gagayaan no, mangator ra malaikat Nano mangindangan rirun am manugut ra kandoi muno. Makatuum kou ra andu' ru anak ungkuyon kuno intor ra ulun kuno ayuk poyo galama' am iono pabukat ru ama' kuno ayuk poyo.

KASAUKAN 26:24

Rondom raginio minintalang Tuhan riso am indagu, “Aku noyo i Aki Kapuuno' ri Abragam ama' muli. Pai' kalaa', sabap ra sindungin Tokou, barakaton Tokou am kasuangon Ku papag muno, sabap ra ginio noyo bantu' Kuli ri Abragam ulipon Kuli.”

IJRA 1:2

“Koon ragitio susuban ru Raja' Koris, raja' ru Pirsia: Tuhan, i Aki Kapuuno' panguasa' giu' ra suruga', nampasauk noyo raki' ra raja' ru titikop ru tana' ti. Nangani' Io raki' ra kandoi koson mambaal ra Baloi tayar Nano giu' ra Jirusalim, giu' ra pagun ru Jiuda.

MAZMUR 103:20

Omporo' noyo Tuhan, akau ngaangai' malaikat ondo' maikang am mapanggol, ondo' mangkirongog am mambaal ra susuban Nano!

MAZMUR 136:26

Paringkuanang no ri Aki Kapuuno' mangunguasa' ra suruga'; togom Nano mantilayun.

MAZMUR 32:8

Tuhan minindagu, “Tuluin Tokou ra ralan ondo' musiti' kiralanon muno. Ilaan am pinsanin Tokou.

MAZMUR 34:7

Ulun makakapaganan ti mampiau am Tuhan tumaam, mapalabus Io risilo intor ra nansalinut kapaganan.

MAZMUR 73:24

Mangila' Kou raki' ralalom ru bilin, am apuon Mu aku ra urumat.

KAINGKUALAN 13:5

Nampator Tuhan ra kinamatuaan mini koson mangani' ramuyun ra tana' ru ulun ru Kanaan, Git, Amori, Giwi am Jibusi. Tana' ti moonsoi am malabung. Maibit kau ru Tuhan ra tana' raginio, musiti' kau mangiantak ra pangiantakan ti moonong bilor, paat ra bulan ra kasaa'.

KAINGKUALAN 32:13

Karaa' ulipon Muli, i Abragam, i Isak am i Jakub. Karaa' binantu' Muli risilo koson mangani' risilo ra papag ra kinasuang ru butitin giu' ra limbowon, am mangani' risilo ra titikop ru tana' ragitio koson ra longgom nilo ra sabuoi-buoi no.”

KAINGKUALAN 33:2

Mangator Aku rondo' malaikat koson maningganai ramuyun. Pagiruon Ku ulun ru Kanaan, Amori, Git, Piris, Giwi am Jibusi.

JISAYA 63:9

intor ra nansalinut kaimbalaan. Sala' ka ulun sinusub kapoam malaikat, kaa' Tuhan galama' namayag risilo. Ralalom ru togom am kaasian Nano binayag No ilo. Intor poyo ra galing i inalungan No ulun Nano,

DANIL 2:44

Paat ra pamarintaan ru panguasa'-panguasa' no, i Aki Kapuuno' panguasa' giu' ra suruga' manirong rondo' pamarintaan ondo' mantilayun am kalo maalap kaala. Pamarintaan no mamuso ra lingonon ngaangai' pamarintaan ra bokon, am pamarintaan no mamarinta ra sabubuoi no.

JUNUS 1:9

Taam i Junus, “Ulun aku ru Ibrani. Sumamba aku ra Tuhan, i Aki Kapuuno' giu' ra suruga', ondo' nambaal ra raat am lantur.”

UNTABAN 11:12

Kalo tininai' am kalo inanak ku ilo. Kua panusub Kou raki' magalung am magiba' risilo koson ra lalagang, buoi ru pangkiralanan mongoi ra tana' ondo' binantu' Muno ra kinamatuaan nilai?

UNTABAN 14:16

ra namatoi Kou ra ulun Muno giu' ra tana' kaagisan sabap ra kalo maalap Mu kaibit ilo ra tana' ondo' binantu' Mu noyo risilo.

UNTABAN 14:30

Nambantu' Aku noyo ra mapaayan ramuyun ra tana' ti, kaa' kolondo' sangulun pana ramuyun mayan ra giu' no ondo' ak am i Kalib am i Josua.

UNTABAN 32:11

‘Kalo gumagaya' ulun raginio Raki'. Ginio ra mampator Aku ra kolondo' sangulun pana ondo' miningkual intor ra Misir, ondo' umur no nasailan ruo ngoopor ngambilor mokoongoi ra pagun ondo' binantu' Kuno ri Abragam, i Isak am i Jakub.’

RINALATAN 7:5

Paat ragili kalo nangani' i Aki Kapuuno' riso ra sampila' tana' pana intor ra pagun ti koson ra longgom nano. Kaa' nambantu' i Aki Kapuuno' ra taakin no ginio ri Abragam am ngaangai' papag nano. Kaa' paat ragili i Abragam ti kolondo' anak.

SAGULION 1:8

Aku Tuhan nambantu' noyo koson manaak ra titikop ru tana' ti ra kinamatuaan min i Abragam, i Isak am i Jakub, am niayuk papag nilo. Ongoi noyo am ayani' tana' raginio.’ ”

SAGULION 34:4

Tuhan pana mindagu boo ri Musa, “Ginio noyo tana' ondo' binantu' Kuno ri Abragam, i Isak am i Jakub koson pataakon ra papag nilo. Pakitonon Ku okou raginio kaa' kalo poongoyon Ku okou ra giu'.”

IBRANI 1:14

Sabap ra sotopot no malaikat-malaikat no mangngandoi ri Aki Kapuuno' am ilo sinusub No mangindangan ra ulun ondo' makaapu ra pamayagan.

IBRANI 11:9

Sabap ra pangintapatan poyo, minayan io koson ra sangulun bansa' ru bokon giu' ra sampagunan ondo' binantu' riso i. Minayan io ra kim ayuk mogondo' ra anak nali i Isak am akupu nali i Jakub. Ilo pana nakaapu ra bantu' nogondo' naapu ri Abragam i.

JOSUA 1:6

Musiti' kou mangintopot am baani, sabap masauk kou ra tingganai ru ulun ragitio paat ra ilo mampagaau ra tana' ondo' binantu' Kuno ra kinamatuaan nilo.

JOSUA 24:3

Kopongo raginio nagibit Aku ri Abragam kinamatuaan mino, intor ra tana' giu' ra sandaup ru Sungoi Iprat am naningganai riso liminiput ra titikop ra tana' ru Kanaan. Nanaak Aku riso ra masuang papag. Nanaak Aku riso ri Isak,

PINAINTALANG 11:13

Paat raginio niayuk mogonggon tana' ti ra makalalaa'. Mopor piatus ru bandar no linunsai am tulu' ngaribu ngaulun pinatoi. Ulun ra bokon no malaa' boo kakaga', am nongongompor ilo ra kuasa' ri Aki Kapuuno' ra suruga'.

TINGGANAI RU BANSA' 2:1

Intor Malaikat ru Tuhan ra Gilgal minongoi ra Bokim, am indagu ra ulun ru Israil, “Nagibit Aku ramuyun miningkual intor ra Misir am naningganai ramuyun minongoi ra tana' ondo' binantu' Kuno ra kinamatuaan min. Indagu Aku, ‘Totopot kalo sulangon Ku nabantuan Kuno ramuyun.