KASAUKAN 24:61 - Tanou Moonsoi Timugon

⁶¹ Tampos boo i Ribika am ruandu'-ruandu' mamulok ondo' nasauk ra ulipon nano, sakoi ilo boo ra unta am baya' ra ulipon ri Abragam no.

KASAUKAN 24:61 ပူးပေါင်းရင်းမြစ်များ

KASAUKAN 2:24

Ginio nai ra ungkuyon manatang ra ama' am ina' nano am masimpung ra andu' nano am ilo pana masauk rondo'.

KASAUKAN 24:60

Barakato' nilo boo i Ribika ra ragu ragitio: “Gama' ru okou Ribika, masauk ra ina' ru jujuta' ulun! Gama' ru papag muno manguasa' ra bandar-bandar ru pantula' nilo!”

KASAUKAN 24:62

Liliwa' raginio nakasaboi i Isak ra tana' kaagisan nansail ra tulubong ondo' sabiton ra “Io Ondo' Maayag Ondo' Magilong Raki'”, am ayan io ra tampilon rabugus ru pagun ru Kanaan.

KASAUKAN 31:34

Alapo' boo ri Ragil sinungkalalaing no am pasubolo' no ra kantungan ru tuturungan ra unta nano, am turungi' no. Uliato' ri Laban ralalom kim ri Ragil no, kaa' kalo natuum no sinungkalalaing no.

ESTER 8:10

Surat-surat no tinulisan ralalom ru inggalan ru Raja' Agaswiros am sinaapan ra sinsing pasaapon ru raja'. Nanusub boo i Mordikai ra ulun-ulun sinusub nangator ra surat-surat no giu' ra titikop ru wilayah ru pamarintaan ra nangura' ra kuda maribok longgom ru raja'.

ESTER 8:14

Kopongo raginio mabaya' ra susuban ru raja', ulun-ulun sinusub no minugar ra nangura' ra kuda longgom ru raja' am minongoi ra naringkaagou. Susuban no pinatanou niayuk giu' ra Susan, pusor bandar ru pamarintaan.

MAZMUR 45:10

Gino ngai' ru ralaa ru istana mokoondo' niayuk anak-anak ralaa ru raja', am tampilon ra pamiris ru panturungan muno paribigor andu' raja' ondo' nalimpor ra mas kopoyo.

TINGGANAI RU BANSA' 5:30

“Tatanga' ilo mangalap ra kuliamos tinalingaau koson ra tatayaron, maa' raginio moonong saujor makaalap rondo' kapoam ruo ngaulun ralaa; nakaalap i Sisira ra konoon mokologo, nakaalap andu' ru raja' ra sakiking makasulam ra mansalinut batik.”

1 SAMUIL 25:42

Kopongo raginio tampos io ra mataki', am nangura' ra kaladai nano. Binaya' io ru limo ngaulun ulipon nano, ugar io nabaya' ra ulun-ulun sinusub ri Daut. Kon raginio noyo i Abigail nasauk ra andu' ri Daut.

1 SAMUIL 30:17

Paat ra tumawang ra suabon no, binulunsar ilo ri Daut am pangayawan no nasauk saboi ra rondom. Suai ra apat ngaatus ngaulun mamulok ondo' nagigiru' ra nangura' ra unta, kolondo' sangulun pana ra popolos ru pantula' ondo' nakapagiru'.