KASAUKAN 24:60 - Tanou Moonsoi Timugon

⁶⁰ Barakato' nilo boo i Ribika ra ragu ragitio: “Gama' ru okou Ribika, masauk ra ina' ru jujuta' ulun! Gama' ru papag muno manguasa' ra bandar-bandar ru pantula' nilo!”

KASAUKAN 24:60 ပူးပေါင်းရင်းမြစ်များ

KASAUKAN 1:28

Barakati' No ilo am indagu, “Paganak kano kasusuang maa' raginio papag mino mayan ra titikop intok ra tana' ti am manguasa'. Akau manguasa' ra ngaangai' papait, susuit am ngaangai' bibiag ondo' masigo.

KASAUKAN 14:19

Nambarakat io ri Abram, kono, “Gama' ru i Aki Kapuuno' Ondo' Masawat Kaga' no, ondo' napasauk ra limbowon am tana' ti mambarakat ri Abram!

KASAUKAN 17:16

Barakaton Ku io am maganak io ra sangulun anak ungkuyon ondo' taakin Ku rirun. Barakaton Ku i Sara am masauk io ra ina' ru papag ru bansa'-bansa'. Gino ngai' ru papag nano mokoondo' masauk ra raja'.”

KASAUKAN 22:17

Barakaton Tokou ra tinangga' luluab am kasuangon Ku papag muno koson ra butitin ra limbowon am koson ra kinasuang ru agis ra nagas ru raat. Papag muno makapangala ra pantula' nilo.

KASAUKAN 24:61

Tampos boo i Ribika am ruandu'-ruandu' mamulok ondo' nasauk ra ulipon nano, sakoi ilo boo ra unta am baya' ra ulipon ri Abragam no.

KASAUKAN 28:3

Gama' ru mambarakat i Aki Kapuuno' Ondo' Maayo Kaga' Kuasa' no ra paguguatan muno am manaak rirun ra anak masuang, saboi masauk kou ra kinamatuaan ru masuang bansa'!

KASAUKAN 32:1

Paginjul i Jakub, am ongoi tuum malaikat-malaikat riso.

KASAUKAN 48:20

Barakato' no boo anak-anak nano ra orou raginio, kono, “Sabiton ru ulun ru Israil inggalan mino paat ra ilo mambarakat ra ulun ra bokon. Raguon nilo, ‘Gama' ru i Aki Kapuuno' mapasauk ramuyun koson ri Ipraim am i Manasi.’” Intor raginio napasigulu i Jakub ri Ipraim intor ri Manasi.

KASAUKAN 9:1

Nambarakat i Aki Kapuuno' ri Nuu, anak-anak ungkuyon nano am indagu Io, “Paganak kano kasusuang maa' raginio mapapak boo ru papag mino tana' ti.

JIRIMIA 29:6

Paguguot no maa' raginio makaanak kau, am polosoon min anak min niayuk maguguot maa' raginio ilo pana makaanak. Suang min musiti' rumuang am kalo maawai.

DANIL 7:10

am apui tumilis intor ra kurisi' ru raja' Nano. Riribu ulun soroi ra giu' no koson mangandoi ayuk Riso, am jujuta' ulun minigor ra saang Nano. Kopongo raginio makama ru pangakiman manalimpuun ra pamisaraan, am kitab-kitab inukab.

IMAMAT 25:46

Pataakon min ilo koson ra tungkus ra anak ungkuyon mino, koson masauk ra inulipon nilo buoi ru bayag, kaa' pai' kau kapuka' ra ulun ru Israil.

SAGULION 21:19

Musiti' matuo ru anak no magibit riso ra saang ru tingganai-tingganai ru bandar, intok inayanan nilo, am mangitaak ra akimin anak raginio.