KASAUKAN 24:45 - Tanou Moonsoi Timugon

⁴⁵ Kalo poyo nakai' pakiasian ru guang kuno, ratong noyo i Ribika nansaan ra rarapu' pansagawan. Indagu aku riso, ‘Anii' aku ra timug inumon.’

KASAUKAN 24:45 ပူးပေါင်းရင်းမြစ်များ

KASAUKAN 24:44

Amon ru taamon no ra, ‘Inum no am unta muno pana painumon ku niayuk,’ gama' ru io noyo pinili' Muno paanduin ra anak ungkuyon ru tuan kuli.’

2 SAMUIL 7:27

Iou Tuhan Ondo' Maayo Kaga' Kuasa', i Aki Kapuuno' ru ulun ru Israil! Baani aku makiasi' koon raginio sabap ra nambala' Kou raki' ulipon Mutu ra baal ragitio. Nambala' Kou raki' ra anak akupu kuno ra mansusunu' saukon Mu ra raja' ru bansa' ragitio.

NIGIMIA 2:4

Pangkuot raja', “Amon ru ginio poyo, atan kia gogoton muno?” Ralalom ru guang kuno makiasi' ri Aki Kapuuno' mangunguasa' giu' ra suruga',

JISAYA 58:9

Bulintok ra akau makiasi', iowon Ku. Bulintok ra akau mampiau, tumaam Aku. Pai' boo pangimpai ra akau ngai', langgai' noyo pantutulaan am manimbaal ra ragu.

JISAYA 65:24

Ra kalo poyo mopongo ilo makiasi', iniou Ku noyo pakiasian nilono.

DANIL 9:19

Rongogo' akai no, iou Tuhan, am ampuno' akai no. Rongogo' akai no, iou Tuhan, am imbuor no! Pai' kototoi maa' raginio moonong ulun makapandai ra Okou noyo i Aki Kapuuno'! Bandar am ulun ti longgom Muno.”

DANIL 9:23

Paat ra okou timinalimpuun nakitaak ri Aki Kapuuno', tinaam No kinitaak muno. Minatong aku nampasaboi ra taaman no sabap ra motogom Io kaga' rirun. Ginio ra rongogo' toojo liliwa' ra aku mambala' toojo ra arati' ru pinaintalang no.

MATIUS 7:7

“Pakitaak kano am aniin kau. Paguyum kano am makatuum kau. Titiko' min kulobon no am ukabin kau.

RINALATAN 10:30

Taam i Konilius, “Talu ngoorou ra nakasail i, olo'-olo' jam katalu ra io mai', nakiasi' aku ri Aki Kapuuno' giti ra baloi ti. Pulusat boo ru sangulun ungkuyon nambayang ra mapulak manguliat ra saang kuli.

ROMA 8:26

Suai poyo raginio Ambiluo ri Aki Kapuuno' mangindangan ritakau ondo' malawo pangintapatan. Kalo makapandai takau ati koson makiasi' ri Aki Kapuuno'; kaa' Ambiluo Nano galama' makitaak ri Aki Kapuuno' ra bala takau mabaya' ra ragu ondo' kalo masabit ru ulun.