KASAUKAN 24:22 - Tanou Moonsoi Timugon

²² Kopongo ru ralaa no kandoi nano, alapo' ru ulipon no sinsing mas ru arung ra mologo am pasinsingo' no ra arung ru ralaa no. Pogolongo' no ruo golong mas ra kalindu' ru ralaa no.

KASAUKAN 24:22 ပူးပေါင်းရင်းမြစ်များ

KASAUKAN 24:10

Pangalap ulipon no ra mopor ngainan unta am nansalinut poyo kuliamos mongologo ru tuan nano am ongoi ra bandar intok inayanan ri Nagor paat ra io naayag. Intok no tampilon ralayo ru Misopotamia.

KASAUKAN 24:23

Indagu io, “Balai' aku osoi ama' muno. Makalamin kia baloi nano ra pambalangan kuno am ngaangai' rangan kutu?”

KASAUKAN 24:30

Nakito ri Laban sinsing ru arung am golong ra kalindu' ru boborok nano. Naining no niayuk tunung ri Ribika ra ngaangai' ondo' rinagu ru ulipon no ri Ribika. Ongoi io tuum ra ulipon ri Abragam ondo' paribigor nabaya' ra unta-unta nano mamaar ra tulubong.

KASAUKAN 24:47

Pangkuot aku boo riso, ‘Osoi kia ama' muno?’ Taam io, ‘Ama' kuno i Bituil, anak io ri Nagor am i Milka.’ Pasinsingo' ku boo sinsing ra arung nano am pogolongo' ku ruo golong ra kalindu' nano.

KASAUKAN 24:53

Paingkualo' no boo bayang, limpor ru mas am pirok. Pataako' no ngaangai' ri Ribika. Nangani' io niayuk ra taak ondo' mongologo ra maayo ungkuyon am ina' ri Ribika.

ESTER 5:1

Paat ra orou katalu ru nampalian nano, nambayang i Ester ra bayang ru andu' raja', am ongoi ra liliut tampilon ralalom giu' ra istana am minigor giu' ra saang ru kulobon balairung. Tatanga' raja' nanturung giu' ra rasawat ru panturungan ru raja' ondo' nakatingkuang ra kulobon no.

AYUP 28:1

Mokoondo' lombong-lombong intok natuuman ra pirok, mokoondo' intok-intok pamasawan ra mas.

JIRIMIA 2:32

Mokoondo' kia ralaa ondo' makalilian ra limpor nano, kapoam ruandu' uoton ondo' makalilian ra bayang nano? Kaa' ulun Kuno nakalilian Raki' ra nabuoi kaga' – suang ru orou no kalo boo mauntob.

JIRIMIA 32:9

Binali ku tana' no intor ra Anamiil ra logo mopor am tulu' ngampila' ruit pirok. Piniau ku kukula' ngaulun sasi' am giu' ra saang nilo, sinainan am sinaapan ku surat pambalian ra tana' no, am tinimbang ku ruit pinambayar no.

1 PITRUS 3:3

Pai' kano pampakaatang ayuk ra kataluran, koson sikatin abuk kapoam mompokono' ra mas kapoam mambayang ra mongologo.

1 PITRUS 3:8

Pamupusan raginio: Korondoo' noyo guang min am pakaasi' kano ra rondo' am bokon. Ponogom kano ra rondo' am bokon mogondo' ra akau tumogom ra pabukat min galama'. Am poyo musiti' kau mataau am minggana' guang.