Pakasaboi io ra giu' no, powogo' no unta-unta no ra patanguson maar ra makatulubong ra liwar ru bandar. Mamai' noyo orou am paat raginio noyo pansagawan ru ruandu'-ruandu' ra timug intor ra tulubong.
Raguin ku sangulun intor risilo, ‘Patuuno' rarapu' muno am painumo' aku.’ Amon ru taamon no ra, ‘Inum no am unta muno pana painumon ku niayuk,’ gama' ru io noyo pinili' Muno paanduin ra ulipon Muno i Isak. Amon ru baal ragitio masauk, mapandayan ku ra ginuut Mu bantu' Muno ra tuan kuno.”
Giti aku mamaar ra tulubong ti. Paat ra sangulun ruandu' mamulok mongoi sagou ra timug, raguin ku io, ‘Painumo' aku no ra timug intor ra rarapu' sinagawan muno.’
Imam giu' ra Midian, inggalan no i Jitro makaanak ra ruandu' tulu' ngaulun. Ratong katulu' ngaulun anak ruandu' ri Jitro mongoi sagou, am suangi' pambulian-pambulian ra timug koson painumon ra domba am kambing ru ama' nilo.