KASAUKAN 23:2 - Tanou Moonsoi Timugon

² Intok pinatayan nano Gibron ra tana' ru Kanaan. Nangulir i Abragam ra pinatayan ru andu' nano.

KASAUKAN 23:2 ပူးပေါင်းရင်းမြစ်များ

KASAUKAN 13:18

Ginio ra pabandingo' ri Abram kim nano am pamagun io mamaar ra puun-puun matulai giu' ra Mamri maar ra Gibron. Giu' no nambaalan nano ra altar ru Tuhan.

KASAUKAN 23:1

I Sara naayag buoi 127 ngambilor.

KASAUKAN 23:19

Kopongo raginio, lobongo' ri Abragam andu' nano i Sara ra luang batu Makpila ra tana' ru Kanaan.

KASAUKAN 24:67

Kopongo raginio, ibito' ri Isak i Ribika mumpos ra kim ru ina' nali i Sara, am anduo' no boo i Ribika. Motogom kaga' i Isak ri Ribika, am maansukan boo guang ri Isak ra mangiluk no sabap ra pinatayan ru ina' nali.

KASAUKAN 27:41

Ginio ra masisang i Isau ri Jakub, sabap ra inanian ru ama' nano i Jakub ra barakat i. Migindagu io ra guang nano, “Panguliran ra ama' ku matoi maar noyo, potoyon ku i Jakub no!”

KASAUKAN 35:27

Minongoi i Jakub tuum ri Isak, ama' nano giu' ra Mamri mamaar ra Gibron. Giu' no intok namagunan ri Abragam am i Isak ra galing i.

KASAUKAN 37:14

Indagu ama' nano, “Ongoi ilai' ru mongoonsoi ayuk kia pagaka'-pagaka' muno am biniag no, am saguli' pambala' raki'.” Ginii noyo napaugaran ru ama' nano ri Jusup intor ra Limayak Gibron. Pakasuku' i Jusup ra Sikgim,

KASAUKAN 50:1

Gaba' i Jusup ra ama' nano, pantangi' io am alaki' no bulos ru ama' nano.

KASAUKAN 50:10

Pakasaboi ilo ra intok mangagik ra gandum giu' ra Atad, tampilon sirangon ru Sungoi Jordan, panulaboi ilo ra mangiluk am bolos matangil. Paugaro' ri Jusup kaulayan mangulir buoi katuluan.

2 SAMUIL 1:12

Nanulaboi ilo, nangulir ilo, am nampali ilo buoi songorou ra tayar ru Raja' Saul am i Jonatan, am tayar ru Israil ulun ru Tuhan, sabap ra masuang kaga' ulun minatoi ralalom pangayawan.

2 SAMUIL 1:17

I Daut pana nanulaboi boo ra Raja' Saul am anak nano i Jonatan.

2 SAMUIL 2:11

intor ra bandar Gibron, Raja' Daut namarinta ra Jiuda buoi tulu' ngambilor am maintanga'.

2 SAMUIL 5:3

Kon raginio noyo ngaangai' tingganai ru Israil minuma' ra Raja' Daut giu' ra Gibron. Nambaal Raja' Daut ra nabantuan risilo, sauko' nilo boo io ra raja' ru Israil.

2 SAMUIL 5:5

Namarinta io giu' ra Gibron koson ra raja' Jiuda buoi tulu' ngambilor am naintanga', am giu' ra Jirusalim koson ra raja' ru titikop Israil am Jiuda buoi talu ngoopor am talu ngambilor.

1 TUNUNG RU BANSA' ISRAIL 6:57

Papag ri Arun nakaalap ra bandar-bandar ragitio, nabaya' ra padang sakot giu' ra liliut ru bandar: Gibron, iono bandar Pangampinan, Jatir, pekan-pekan Libna, Istimoa, Gilin, Dibir, Asan, Bit-Simis.

2 TUNUNG RU BANSA' ISRAIL 35:25

Nabi Jirimia nanulis rondo' rimbai sulaboi ra Raja' Josia. Giu' ra Israil saboi raino, rimbai no rinimbai ru ulun-ulun maririmbai, ondo' ungkuyon am poyo ruandu', ralalom pangkaraan ra panguliran ra Raja' Josia. Rimbai no pinasimpung ra ralalom ru pulalai rimbai ru sulaboi.

NIGIMIA 11:25

Masuang ulun minayan giu' ra ngaangai' pekan ondo' mamaar ra umo nilo. Kukula' ngaulun intor ra bansa' ru Jiuda minayan giu' ra Kiryat-Arba, Dibon, Jikabjiil am giu' ra ngaangai' pekan giu' ra liliut ru bandar-bandar no.

JIRIMIA 22:10

Mamagun kau ru Jiuda, pai' tangii' Raja' Josia; pai' panulaboi ra pinatayan ru raja'. Kaa' tangii' noyo i Joagas, anak ungkuyon ru raja'; sabap anak no inibit noyo ra minugar am kalo boo sumaguli'. Kalo boo makakito io ra namagunan nano.

JIRIMIA 22:18

Ginio ra minindagu Tuhan intor ra Raja' Joyakim anak ungkuyon ru Raja' Josia, intor ra Jiuda, “Kolondo' ulun manulaboi ra pinatayan nano; kolondo' ulun ondo' mindagu, ‘Alii boo ra rangan kuno, alii boo.’ Kolondo' ulun ondo' mantangi' kapoam gumolok, ‘Makalulumpus raja' kuno!’

UNTABAN 13:22

Pagulu minongoi ilo tampilon rabugus ru tana' no am nakasaboi ra bandar Gibron, intok inayanan ru bansa' ru Agiman, Sisai am Talmai, ngaangai' no papag ru maayo ulun ondo' sabiton ra Inak. Bandar Gibron no binaal ra tulu' ngambilor ra kalo poyo bandar Soan giu' ra Misir.

UNTABAN 20:29

Ngaangai' ulun ru Israil nokorongog ra minatoi noyo i Arun, nangulir ilo riso buoi talu ngoopor ngoorou.

JUANIS 11:31

Ulun-ulun ru Jaudi ondo' namparangan ri Maria ra baloi i, nakakito riso nagindibok miningkakat am ingkual, sunu' ilo boo riso. Indos nilai mongoi io pantangi' ra kalabangan ri Lajarus.

JUANIS 11:35

Pantangi' boo i Jisus.

RINALATAN 8:2

Mokoondo' kukula' ngaulun ondo' sumugut toojo ri Aki Kapuuno' nompolobong ra baangkai ri Stipanus, am tangii' nilo boo io.

SAGULION 34:8

Ulun ru Israil nangulir ri Musa buoi talu ngoopor ngoorou giu' ra tana' marata' ru Moab.

JOSUA 10:39

Ginaau no bandar no am raja' nano am ngaangai' bandar ra bokon ondo' mamaar no. Namatoi ilo ra moonong ulun ra giu' no. Pinamakuan ri Josua ra Dibir am raja' no koson pinamakuan no ra bandar Gibron am Libna, am niayuk raja'-raja' ra giu' no.

JOSUA 15:13

Koson ra nanusuban ru Tuhan ri Josua, santayaran intor ra wilayah Jiuda tinaakan ri Kalib anak ri Jipuni. Nakaalap i Kalib ra bandar Gibron, longgom ri Arba, iono ama' ri Inak.

JOSUA 15:54

Gumta, Kiryat-Arba (iono Gibron), am Jior; ngaangai' no siam bandar nabaya' ra ngaangai' pekan giu' ra liput no.

JOSUA 20:7

Ginio ra giu' ra tampilon kalasaan ru Sungoi Jordan nampili' ilo ra bandar ragitio koson ra bandar pakisindungan: bandar Kidis giu' ra Galilia, giu' ra kabuluran ru Naptali; bandar Sikgim giu' ra kabuluran Ipraim; am bandar Gibron giu' ra kabuluran Jiuda.

JOSUA 21:11

Nangapu ilo ra bandar Arba (Arba iono ama' ri Inak), ondo' raino sabiton ra Gibron, giu' ra kabuluran ru Jiuda, nakasimpung padang sakot ra liput no.

TINGGANAI RU BANSA' 1:10

Namulunsar ulun ru Jiuda ra ulun ru Kanaan ondo' minayan giu' ra bandar Gibron, ondo' ragili ininggalanan ra Kiryat-Arba. Giu' no kinala nilo bansa' Sisai, Agiman am Talmai.

1 SAMUIL 20:31

Kalo kia nakapandai kou ra buoi ri Daut no maayag, kalo noyo masauk kou ra raja' ru pagun ragitio? Raino panusub no ra ulun maguyum riso am magibit riso ragiti, sabap ra musiti' io matoi!”

1 SAMUIL 25:1

Kopongo raginio i Samuil minatoi. Ngaangai' ulun ru Israil timinimung am nanulaboi riso. Linobong nilo baangkai ri Samuil ra baloi nano giu' ra Rama. Kopongo raginio minongoi i Daut ra tana' kaagisan Paran.

1 SAMUIL 28:3

Minatoi noyo i Samuil am tinangian io ru ngaangai' ru ulun ru Israil, am linobong giu' ra Rama, bandar nano. Kukula' buoi ra nakasail no pinagiru' ru Raja' Saul ngaangai' mangngilong am mampiau ra ambiluo ru ulun minatoi intor ra Israil.