KASAUKAN 23:16 - Tanou Moonsoi Timugon

¹⁶ Nangiou i Abragam ra logo raginio. Io pana nanimbang ra suang ru ruit pirok ondo' sinabit ri Ipron, ioginio apat ngaatus ruit pirok, sumugut ra timbangan ru mantatalan. Pabayaro' no ri Ipron ruit no ondo' natainuan ru ngaangai' ulun ru Git no.

KASAUKAN 23:16 ပူးပေါင်းရင်းမြစ်များ

KASAUKAN 23:15

“Tuan, tana' ra mokologo apat ngaatus ruit pirok no ayuk, atan kia onong ru ginio rito? Lobongo' noyo andu' muno ra giu' no.”

KASAUKAN 43:21

Giu' ra intok mai nombolong ra iorondom ralalom pangkiralanan muli', binungkalar mai karung maili, am moonong ramon nakatuum ra ruit ralalom ru karung maili ondo' kalo nakulau suang. Kalo nakapandai akai osoi napasubol ra ruit i. Raino inibit mai am pasagulion rirun.

KASAUKAN 49:29

Pambilin boo i Jakub ra anak-anak ungkuyon nano, “Sangkinolor poyo matoi aku no. Lobongo' min aku pasarango' ra kinamatuaan kuli giu' ra luang batu Makpila, tampilon sirangon ru Mamri ra tana' ru Kanaan. Binali ri Abragam luang batu am umo no intor ri Ipron ulun ru Git koson ra kalabangan.

KASAUKAN 50:13

Inibit nilo baangkai nano ra Kanaan, am lobongo' ra luang batu Makpila, tampilon sirangon ru Mamri, umo ondo' binali ri Abragam intor ra ulun ru Git iono i Ipron koson saukon ra tana' kalabangan.

2 SAMUIL 14:26

Abuk nano masampung kaga', am musiti' io mopolompor igondo' sambilor sabap ra malimanan no maagat kaga'. Abuk ondo' linompor no bagat no nasailan intor ra ruo ngakilogram sumugut ra timbangan ru raja'.

2 SAMUIL 24:24

Kaa' taam raja', “Kalo! Masaga' aku mambali raginio. Marara' aku mapataak ra Tuhan, i Aki Kapuuno' kuno ra ondo' maalap kuno ra kalo bayarin.” Nambali Raja' Daut ra intok pangagikan ra gandum am sapi'-sapi' no ra logo no limo ngoopor ngampila' ruit pirok.

AYUP 28:15

Kapintaran kalo maaligan ra mas kopoyo, am kalo niayuk mabali ra pirok pana.

KAINGKUALAN 30:13

Musiti' moonong ulun ondo' untobon ralalom panguntaban no mambayar ra suang ru ruit inaru', sumugut ra logo ondo' inaru' giu' ra Kim Kuno. Musiti' moonong ulun mambayar ru suang raginio koson taak Raki'.

JIRIMIA 32:9

Binali ku tana' no intor ra Anamiil ra logo mopor am tulu' ngampila' ruit pirok. Piniau ku kukula' ngaulun sasi' am giu' ra saang nilo, sinainan am sinaapan ku surat pambalian ra tana' no, am tinimbang ku ruit pinambayar no.

YEHEZKIEL 45:12

“Timbangan mino musiti' koson ragitio: 20 gera=1 syikal 60 syikal=1 mina

JAKARIA 11:12

Indagu aku risilo, “Amon ru masaga' kau, bayari' gaji' kuno. Amon ru kalo, kalo pana.” Bayarin nilo gaji' kuno suang no talu ngoopor ngampila' ruit pirok.

MATIUS 7:12

“Baalo' min noyo ra ulun ra bokon, atan ondo' kasagaan min ilo mambaal ramuyun. Gitio noyo suang ru Ukum ri Musa am pangilaan ru nabi-nabi.”

RINALATAN 7:16

Kaa' baangkai nilai inibit muli' ra Kanaan ra libung Sikim am linobong ra kalabangan ondo' binali ri Abragam ra ruit pirok intor ra bansa' ru Gamor giu' ra Sikim.

ROMA 13:8

Ginio ra pai' kano pagutang atan ayuk ra osoi ayuk pana, kaa' pontotogom kano ra rondo' am bokon. Sabap ra osoi ayuk motogom ra ulun bokon giminagaya' io noyo ra ngaangai' susuban ru Ukum ri Musa.

PILIPI 4:8

Pabukat kau, koson bilin ku ra pamupusan ti, guango' noyo ondo' moonsoi am moompor: ioginio ondo' motopot, ondo' matulai, mabanis guang, paliso moonsoi, koson mokoondo' ra togom am poyo ragu ra moonsoi rongogon.

1 TISALONIKA 4:6

Intor ra baal ragitio, pai' kano pambaal ra kasalaan kapoam mamparuung ra pabukat min ra Kristian. Sabap ra nakapansawai akai noyo toojo ramuyun ragili ra Tuhan noyo ondo' mangukum ra ngaangai' baal koson raginio.