KASAUKAN 22:7 - Tanou Moonsoi Timugon

⁷ indagu i Isak, “Ama'!” Taam i Abragam, “Atan kia lagang?” Pangkuot i Isak, “Nakito tokou nagibit ra pampaang am luton, kaa' ati kia anak domba ondo' simbaluyon?”

KASAUKAN 22:7 ပူးပေါင်းရင်းမြစ်များ

KASAUKAN 22:8

Taam i Abragam, “I Aki Kapuuno' galama' momongo ra anak domba no.” Parayus ilo boo ugar.

KASAUKAN 8:20

Nambaal i Nuu ra altar koson ra Tuhan. Pangalap io intor ra moonong salinut ru susuit am bibiag ondo' mapasau am pataako' no boo ngaangai' no koson ra taak simbalui.

KAINGKUALAN 12:3

Posoboyo' noyo susuban ti ra ngaangai' ulun ru Israil: Paat orou koopor ra bulan ragitio moonong ungkuyon musiti' mampili' sanginan anak domba kapoam anak kambing akanon magulung ra sasambaloi nano.

KAINGKUALAN 29:38

“Moonong orou saboi ra mantilayun, musiti' kou mapataak ruo ngainan anak domba makaumur sambilor koson taak simbalui ra rasawat ru altar no.

MATIUS 26:39

Ugar i Jisus inggalur koborok risilo am kubu ra tana' am pakiasi', “O Ama', amon ru maalap ayuk painggaluro' sangkir kaimbalaan ti intor Raki'! Kaa' pai' gagayaa' kitaakon Kuti, kaa' maya' ra kasagaan Muno Ama'.”

MATIUS 26:42

Saguli' poyo i Jisus ongoi pakiasi', “O Ama', amon ru sangkir kaimbalaan ti kalo maalap ra inggalur, polosoo' Aku manginum no maya' ra kasagaan Muno Ama'.”

JUANIS 1:29

Io suabon ragili, nakito ri Juanis i Jisus minatong riso, am indagu io, “Ilai' min, gitio noyo Anak Domba ri Aki Kapuuno' ondo' mamuso ra tula ru ulun ru tana' ti!

JUANIS 1:36

Kakito no ra i Jisus nansail, indagu io, “Ilai', ginio noyo Anak Domba ri Aki Kapuuno'!”

JUANIS 18:11

Kaa' indagu boo i Jisus ri Pitrus, “Paangkapo' ilang muno! Musiti' Aku manginum ra sangkir kaimbalaan ondo' inaru' noyo ri Ama' Raki'.”

ROMA 8:15

Sabap ra Ambiluo ondo' pinataak ri Aki Kapuuno' ramuyun, kalo mangulipon am mambaal ramuyun malaa'. Kaa' sotopot no Ambiluo no mampasauk ramuyun ra anak ri Aki Kapuuno', am ralalom indangan ru Ambiluo no, iowon takau mampiau ri Aki Kapuuno', “Ama', i Ama' kuno!”

PINAINTALANG 13:8

Ngaangai' ulun ondo' mayan ra tana' ti sumamba riso. Kaa' mokoondo' niayuk ondo' kalo sumamba riso, ioginio ilo ondo' inggalan nilono tinulisan noyo ra kitab ru Ulun Mokoowot ra Kaayagan Motopot paat ra tana' ti kalo poyo biningkal. Kitab no ampu' ru Anak Domba ondo' pinatoi ru ulun.