KASAUKAN 22:2 - Tanou Moonsoi Timugon

² Indagu i Aki Kapuuno' riso, “Ibito' anak ungkuyon langkuir muno i Isak, ondo' tagamin muno am ongoi ra tana' Moria. Giu' no makagunung ondo' patuluon Kuno rirun, pataako' anak muno koson taak simbalui Raki'.”

KASAUKAN 22:2 ပူးပေါင်းရင်းမြစ်များ

KASAUKAN 17:19

Kaa' indagu i Aki Kapuuno', “Kalo, andu' muno i Sara maganak ra sangulun anak ungkuyon am inggalanin mu ri Isak. Suguton Ku bantu' Kuno ra anak no am papag nano ra sabubuoi no. Nabantuan Kuno mantilayun.

KASAUKAN 21:12

Kaa' indagu i Aki Kapuuno' ri Abragam, “Pai' pangiluk guang sabap ra ulipon muno i Agar am anak nano. Kaa', suguto' ayuk atan ondo' rinagu ri Sara rirun sabap ra intor ri Isak noyo makapapag kou ra masuang sumugut ra ondo' binantu' Kuli.

KASAUKAN 21:3

Inggalani' ri Abragam anak no ri Isak.

KASAUKAN 22:12

Indagu malaikat no, “Pai' mu sinduali' kapoam jamari' anak no. Raino nakapandai Aku ra mangurumat am gumagaya' kou Raki', sabap ra kalo inanggal mu koson mapataak ra anak langkuir muno Raki'.”

KASAUKAN 22:16

kono, “Ragu ru Tuhan: Magibot Aku ra inggalan Kuno galama', sabap ra binaal mu gitio am kalo inanggal mu koson mapataak ra anak langkuir muno Raki'.

KASAUKAN 22:3

Paat ra suabon no, rinondom ri Abragam nampalapak ra luton koson ponolob ra taak simbalui am pobongkoso' no ra kaladai nano. Ugar io nabaya' ri Isak am karuo ngaulun ulipon nano ra intok ondo' rinagu ri Aki Kapuuno' riso i.

KASAUKAN 22:9

Pakasaboi ilo ra intok ondo' inaru' ri Aki Kapuuno', pambaal i Abragam ra altar am pantuumo' luton ponolob ra taak simbalui no ra tampak no. Bangkilo' no anak ungkuyon nano am palangano' ra altar no, tampak ru luton ponolob no.

KASAUKAN 8:20

Nambaal i Nuu ra altar koson ra Tuhan. Pangalap io intor ra moonong salinut ru susuit am bibiag ondo' mapasau am pataako' no boo ngaangai' no koson ra taak simbalui.

2 RAJA'-RAJA' 3:27

Ginio ra nagibit raja' ru Moab no ra anak ungkuyon ra katuaan nano minongoi ra rasawat ru timbok ru bandar no am pataako' no io koson ra taak simbalui no ra dewa ru pagun ru Moab. Nangalaa' ulun ru Israil saboi liminugut ilo intor ra bandar no, am uli' ra pagun nilo galama'.

2 TUNUNG RU BANSA' ISRAIL 3:1

Raja' Daut, ama' ru Raja' Salomo, nangaru' noyo ra tana' ru Baloi ru Tuhan. Intok no giu' ra Jirusalim, giu' ra rasawat ru Bulur Moria, ondo' pinakai ri Arauna, ulun ru Jibusi no, koson ra intok mangagik ra gandum. Giu' no minintalang Tuhan ra Raja' Daut. Tinalimpuunan ru Raja' Salomo pambaalan

MIKA 6:7

Mangapu kia Tuhan amon pataakon ku Riso kukula' ngaribu domba, kapoam umau jaitun ondo' masuang kaga'? Musiti' kia pataakon ku Riso lalaing katuaan kuno sabap ru tula kutu?

JUANIS 3:16

Sabap ra maayo kaga' guang ri Aki Kapuuno' ra ulun ru tana' ti, saboi nanaak Io ra Anak Langkuir Nano, maa' raginio moonong ulun ondo' mangintopot Riso kalo mapuso, kaa' mokoowot ra kaayagan mantilayun.

ROMA 5:8

Kaa' i Aki Kapuuno' nampakito ritakau ra togom Nano sabap ri Kristus minatoi mamayag ritakau, paat ra itakau makatula ayuk poyo.

ROMA 8:32

Kalo iningaan ri Aki Kapuuno' Anak Nano galama', kaa' pinoloso No Io potoyon koson ra kaatangan takau. Amon ru pinataak No Anak Nano ritakau, maaru' mangani' Io poyo ritakau ngaangai' ra bokon.

IBRANI 11:17

Sabap ra pangintapatan noyo, i Abragam nampataak ra anak nali i Isak koson ra rondo' taak simbalui paat ri Aki Kapuuno' nangkinam riso. Nanaak io niayuk ra anak langkuir nano, kabalu' pana binantuan io ri Aki Kapuuno' ra:

TINGGANAI RU BANSA' 11:31

mampataak aku ra ulun kasaa' toojo mingkual intor ra baloi kuno koson manguma' raki', ra aku makasaguli' intor ra pangayawan. Mampataak aku ra ulun no ra Tuhan koson ra taak simbalui koson mapabansuk ra guang ru Tuhan.”

TINGGANAI RU BANSA' 11:39

Kopongo ruo ngansila', saguli' io ra ama' nano, am baalo' ru ama' nano atan ondo' binantu' no ra Tuhan. Ginio ra anak ruandu' nano minatoi paat lakat poyo ralaa. Ginio puun ru kaulayan giu' ra Israil, ra