KASAUKAN 22:18 - Tanou Moonsoi Timugon

¹⁸ Ngaangai' bansa' ra tana' ti makibarakat ilo Raki' koson niayuk ra Aku nambarakat ra papag muno, sabap ra ginagaya' mu susuban Kuli.”

KASAUKAN 22:18 ပူးပေါင်းရင်းမြစ်များ

KASAUKAN 12:2

Mangani' Aku rirun ra papag ondo' masuang am masauk ilo ra bansa' maayo. Mambarakat Aku rirun am masauk boo inggalan muno ra mauligan kaga' saboi alapon kou mambarakat ra ulun bokon.

KASAUKAN 12:3

Barakaton Ku ilo ondo' mambarakat rirun, kaa' ulason Ku ilo ondo' magulas rirun. Sabap ra okou no, barakaton Ku ngaangai' bansa' ra tana' ti.”

KASAUKAN 18:18

Papag nano noyo masauk ra bansa' maayo am makakuasa'. Barakaton Ku ngaangai' bansa' ra tana' ti sabap io.

KASAUKAN 18:19

Pinili' Kuno io, maa' raginio ra masusub no anak-anak nano am papag nano gumagaya' Raki' am mambaal ra atan ondo' motopot am matanda'. Amon ru baalon nilo koson raginio, ngaangai' bantu' Kuno ri Abragam suguton Ku.”

KASAUKAN 22:10

Alapo' no boo pais koson mamatoi ra anak nano.

KASAUKAN 22:3

Paat ra suabon no, rinondom ri Abragam nampalapak ra luton koson ponolob ra taak simbalui am pobongkoso' no ra kaladai nano. Ugar io nabaya' ri Isak am karuo ngaulun ulipon nano ra intok ondo' rinagu ri Aki Kapuuno' riso i.

KASAUKAN 28:14

Papag muno koson ra kinasuang ru kaau ra tana' ti. Kapilaan nilo wilayah nilo ra ngaangai' tampilon, am mimpuun rirun am papag muno, ngaangai' bansa' ru tana' ti makaapu ra barakat.

MAZMUR 72:17

Gama' ru sabuoi-buoi no inggalan ru raja' karaan, am sasabiton inggalan nano mantilayun koson mato ru orou. Gama' ru ngaangai' bansa' makibarakat koson ra raja', am ngaangai' ulun manabit ra raja' makakaansukan.

KAINGKUALAN 7:6

Nambaal i Musa am i Arun ra nanusuban ru Tuhan.

JIRIMIA 4:2

makapagibot kau ra ralalom ru inggalan Kuno. Mopongo raginio ngaangai' bansa' makibarakat ilo Raki', am mongompor ilo Raki'.”

JIRIMIA 7:23

Nanusub Aku ayuk risilo koson gumagaya' Raki' maa' raginio Aku masauk ri Aki Kapuuno' nilo, am ilo masauk ra ulun Kuno. Nanusub Aku risilo maayag sumugut ra susuban Kuno maa' raginio maansukan ilo.

MATIUS 1:1

Gitio noyo suang ru papag ri Jisus Kristus. I Jisus no papag ru raja' Daut, am i Daut papag ri Abragam. Intor ri Abragam suku' ri Daut gitio noyo inggalan ru kinamatuaan ri Jisus:

RINALATAN 3:25

Bantu' intor ri Aki Kapuuno' ondo' pinasaboi ru nabi pataakin niayuk ramuyun. Ralalom bantu' ri Aki Kapuuno' ondo' binaal no ra kinamatuaan mini, ragu Nano ri Abragam, ‘Intor ra papag muno barakaton Ku ngaangai' bansa' ru tana' ti.’ Bantu' raginio pinataak niayuk ramuyun.

ROMA 1:3

Tanou Moonsoi no mantunung ra baal ru Anak ri Aki Kapuuno', ioginio Tuhan takau i Jisus Kristus. Maya' ra papag Nano ra tana' ti, Io no sangulun anak ru raja' Daut;

GALATIA 3:16

I Aki Kapuuno' nambaal ra nabantuan Nano ri Abragam am sangulun poyo intor ra papag nano. Kolondo' tinulisan ra Buuk Kitab, “Am papag muno”, arati' no ulun masuang. Kaa' ondo' tinulisan no am, “Sangulun intor ra papag muno”, ondo' arati' nano sangulun ayuk, io no i Kristus.

GALATIA 3:18

Amon ru barakat ondo' pinataakan ri Aki Kapuuno' no pakulawiton poyo ra Ukum ri Musa, ginio sala' ka boo maya' ra nabantuan ri Aki Kapuuno'. Kaa' Io totopot nambaal noyo ra bantu' ti am pataako' No ginio ri Abragam.

IPISUS 1:3

Paringkuanang takano ri Aki Kapuuno', io no Ama' ru Tuhan takau i Jisus Kristus. Sabap ra ralalom pasimpungan takau ri Kristus, nangani' Io no ritakau ra nansalinut barakat ralalom ru Ambiluo Nano ondo' intor ra suruga'.

1 SAMUIL 2:30

Aku Tuhan, i Aki Kapuuno' ru Israil, ragili nambantu' ra sasambaloi am bansa' muno mangandoi Raki' koson ra imam ra mantilayun. Kaa' raino kalo boo masaga' Aku raginio! Ilo ondo' mangurumat Raki' no urumaton Ku, am ilo ondo' magasab Raki' no asabin.