KASAUKAN 22:17 - Tanou Moonsoi Timugon

¹⁷ Barakaton Tokou ra tinangga' luluab am kasuangon Ku papag muno koson ra butitin ra limbowon am koson ra kinasuang ru agis ra nagas ru raat. Papag muno makapangala ra pantula' nilo.

KASAUKAN 22:17 ပူးပေါင်းရင်းမြစ်များ

KASAUKAN 12:2

Mangani' Aku rirun ra papag ondo' masuang am masauk ilo ra bansa' maayo. Mambarakat Aku rirun am masauk boo inggalan muno ra mauligan kaga' saboi alapon kou mambarakat ra ulun bokon.

KASAUKAN 13:16

Manaak Aku rirun ra papag ondo' masuang kaga', saboi kolondo' sangulun pana makauntob risilo. Makauntob poyo ulun ra kaau ru tana' ti, makauntob io niayuk ra suang ru papag muno.

KASAUKAN 15:5

Ibito' ru Tuhan i Abram miningkual ra liwar am indagu, “Pantingaa' ra limbowon am kinami' untobo' suang ru butitin no; makapapag kou koson ra kinasuang ru butitin no.”

KASAUKAN 17:6

Aku pana manaak rirun ra masuang papag am mokoondo' intor risilo no masauk ra raja'. Okou makapapag ra masuang toojo saboi ilo ti masauk ra bansa'-bansa'.

KASAUKAN 24:60

Barakato' nilo boo i Ribika ra ragu ragitio: “Gama' ru okou Ribika, masauk ra ina' ru jujuta' ulun! Gama' ru papag muno manguasa' ra bandar-bandar ru pantula' nilo!”

KASAUKAN 25:11

Kopongo i Abragam minatoi, barakato' ri Aki Kapuuno' i Isak anak ri Abragam no, ondo' minayan mamaar ra tulubong ondo' sabiton ra “Io Ondo' Maayag Ondo' Magilong Raki'”.

KASAUKAN 26:24

Rondom raginio minintalang Tuhan riso am indagu, “Aku noyo i Aki Kapuuno' ri Abragam ama' muli. Pai' kalaa', sabap ra sindungin Tokou, barakaton Tokou am kasuangon Ku papag muno, sabap ra ginio noyo bantu' Kuli ri Abragam ulipon Kuli.”

KASAUKAN 26:4

Aniin Tokou ra papag masuang, koson kinasuang ru butitin giu' ra limbowon am pataakon Ku risilo titikop ru wilayah ti. Ngaangai' bansa' ra tana' ti makibarakat Raki' koson ra Aku nambarakat noyo ra papag muno.

KASAUKAN 28:3

Gama' ru mambarakat i Aki Kapuuno' Ondo' Maayo Kaga' Kuasa' no ra paguguatan muno am manaak rirun ra anak masuang, saboi masauk kou ra kinamatuaan ru masuang bansa'!

KASAUKAN 28:4

Gama' ru mambarakat i Aki Kapuuno' rirun am papag muno koson Io nambarakat ri Abragam, am gama' ru okou tatangan ra tana' inayanan mutu, ondo' pinataak noyo ri Aki Kapuuno' ri Abragam i!”

KASAUKAN 32:12

Karaa' ra binantu' Mu noyo ra tandaan Mu raki' ngaangai' am manaak Kou raki' ra masuang papag saboi kalo mauntob ru sangulun pana sabap ra suang no koson ra agis giu' ra nagas ru raat.”

KASAUKAN 32:13

Pokosorondom nombolong ra giu' no, timpoko' ri Jakub intor ra biniag nano, koson pataakon no ra maayo nano i Isau, iono ruo ngaatus kambing ruandu', ruo ngoopor kambing gawayan, ruo ngaatus domba ruandu', ruo ngoopor domba gawayan, talu ngoopor unta ondo' lakat poyo mapatiti' ra anak, mabaya' niayuk ra anak no, apat ngoopor sapi' ruandu', mopor sapi' gawayan, ruo ngoopor kaladai ruandu' am mopor kaladai gawayan.

2 SAMUIL 17:11

Sabap raginio, bilin kutu koson ragitio: Timungo' ngaangai' ulun ru Israil intor ra titikop ru pagun, saboi ra kinasuang no koson ra kinasuang ru agis giu' ra nagas. Kopongo raginio okou galama' maningganai risilo jumalai ra mampatoi.

1 RAJA'-RAJA' 4:20

Mamagun ru Jiuda am Israil masuang kaga', nogondo' ra kinasuang ru agis giu' ra kiing ru raat. Maukapan ilo ra akanon am inumon, am niayuk matasu' kaayagan.

1 RAJA'-RAJA' 9:26

Raja' Salomo niayuk nambaal ra kapal-kapal giu' ra Ijion-Gibir, mamaar ra Ilot, giu' ra nagas ru Teluk Akaba, giu' ra tana' ru Idom.

1 TUNUNG RU BANSA' ISRAIL 27:23

Raja' Daut kalo nanguntob ra ulun ondo' umur no mamulok intor ra ruo ngoopor ngambilor sabap ra Tuhan nambantu' ra mampasauk ra ulun ru Israil koson ra kinasuang ru butitin giu' ra limbowon.

2 TUNUNG RU BANSA' ISRAIL 1:9

Iou Tuhan i Aki Kapuuno', suguto' noyo bantu' ondo' binaal Muno ra ama' kuno. Linantik Mu aku nasauk ra raja' ru rondo' bansa' ondo' maayo kaga' saboi kalo maalap ra untob.

NIGIMIA 9:23

Nangani' Kou risilo ra masuang anak koson ra kinasuang ru butitin giu' ra limbowon, am nompoloso risilo nanguasa' ra tana', ondo' binantu' Mu noyo ra kinamatuaan nilo.

KAINGKUALAN 32:13

Karaa' ulipon Muli, i Abragam, i Isak am i Jakub. Karaa' binantu' Muli risilo koson mangani' risilo ra papag ra kinasuang ru butitin giu' ra limbowon, am mangani' risilo ra titikop ru tana' ragitio koson ra longgom nilo ra sabuoi-buoi no.”

JISAYA 48:19

Papag mino masauk masuang koson ra agis am tutunon Ku maa' raginio kalo mapuso ilo.”

JIRIMIA 32:22

Nangani' Kou ra pagun ondo' moonsoi am malabung ti risilo, koson ra ondo' binantu' Mu noyo ra kinamatuaan nilo.

JIRIMIA 33:22

Ruangin Ku suang ru papag ri Daut, am suang ru imam-imam ra papag ru Liwi, saboi suang nilo kalo mauntob koson ra butitin giu' ra limbowon am agis giu' ra nagas.”

GOSIA 1:10

Ulun ru Israil masauk ra masuang koson ra kinasuang ru agis giu' ra raat, kalo maalap kauntob kapoam tukuon. Raino mindagu i Aki Kapuuno' risilo, “Akau sala' ka ulun Kuno, kaa' masaboi paat no ra mindagu Io risilo, “Aku noyo i Aki Kapuuno' ondo' naayag am akau noyo anak-anak Kuno.”

GOSIA 2:1

Indagu Tuhan, “Akau anak-anak Kuno, pakimasi' kano ra ina' min, kabalu' pana io sala' ka boo andu' Kuno, am Aku sala' ka boo ralaki nano. Pakimasi' kano riso maa' raginio pai' boo pansawa' am mantalan ra inan.

MIKA 1:9

Pilat ru Samaria kalo mapali', am Jiuda mataki' malumpa' ru kaimbalaan ondo' nogondo'. Kapusaan nakasuku' noyo ra kulobon garabang ru Jirusalim, intok namagunan ru bansa' kuno.”

ROMA 4:13

I Aki Kapuuno' nambantu' ri Abragam am ra papag nali, ra tana' ti ilo no tatangan. Ginio binantu' Nano sala' ka sabap ra giminagaya' i Abragam ra Ukum ri Musa, kaa' sabap ra nangintopot am inapu io ri Aki Kapuuno' koson ra sangulun ondo' mobonsoi saguli' Riso.

ROMA 9:27

Kon poyo ru nabi Jisaya intor ra ulun ru Israil, “Kabalu' pana suang ru ulun ru Israil no koson ra agis ru raat, kaa' sanganu ayuk bayagon,

1 KORINTUS 15:57

Kaa' paringkuanangan ri Aki Kapuuno' ra pinamanang takano ralalom inggalan ru Tuhan takau, i Jisus Kristus!

IPISUS 1:3

Paringkuanang takano ri Aki Kapuuno', io no Ama' ru Tuhan takau i Jisus Kristus. Sabap ra ralalom pasimpungan takau ri Kristus, nangani' Io no ritakau ra nansalinut barakat ralalom ru Ambiluo Nano ondo' intor ra suruga'.

SAGULION 1:10

Sinauk kau noyo ru Tuhan i Aki Kapuuno' mino ra masuang am koson ra kinasuang ru butitin giu' ra limbowon.

SAGULION 1:11

Gama' ru Tuhan i Aki Kapuuno' ru kinamatuaan min, namparuang ra suang mino saboi saribu ruli' no, am napasauk ramuyun langkaya' koson ra binantu' Nali!

SAGULION 10:22

Paat kinamatuaan min minongoi giu' ra Misir, suang nilo tulu' ngoopor ngaulun ayuk, kaa' raino Tuhan i Aki Kapuuno' min napasauk ramuyun koson ra kinasuang ru butitin giu' ra limbowon.”

SAGULION 13:17

Pai' alap ra atan pana ondo' inulas noyo ra pusoon, am tumalikur Tuhan intor ra sangit Nano am makaasi' ramuyun. Makaasi' Io ramuyun am masauk kau ra bansa' ondo' maayo suang nano, koson ra ondo' binantu' Nano ra kinamatuaan mini.

SAGULION 13:18

Mambaal Io baal raginio amon gumagaya' kau ra susuban Nano ondo' tinaakan ku noyo ramuyun ra orou raiti', am mambaal kau ra atan ondo' kasagaan Nano.”

SAGULION 21:19

Musiti' matuo ru anak no magibit riso ra saang ru tingganai-tingganai ru bandar, intok inayanan nilo, am mangitaak ra akimin anak raginio.

IBRANI 11:12

Intor ra sangulun ayuk, ioginio i Abragam ondo' sotopot no kalo boo makapangani' ra sayat, masuang boo toojo sayat. Suang nilo koson ra suang ru butitin giu' ra limbowon am koson ra suang ru agis giu' ra kiing ru raat ra kalo maalap kauntob.

IBRANI 6:14

“Barakaton tokou am aniin tokou ra sayat masuang.”

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”