KASAUKAN 22:14 - Tanou Moonsoi Timugon

¹⁴ Inggalani' ri Abragam intok raginio ra “Tuhan momongo ra atan ondo' koogot”. Saboi boo raino ulun mindagu ra “Giu' ra tampak ru gunung Nano, Tuhan momongo ra atan ondo' koogot.”

KASAUKAN 22:14 ပူးပေါင်းရင်းမြစ်များ

KASAUKAN 22:13

Pulolowo' boo i Abragam libung no am kakito no sanginan domba gawayan ondo' sangau no nakasangut ra malalaat. Ongoyo' boo alapo' ri Abragam domba no am pataako' ra Tuhan, koson taak simbalui suali ru anak ungkuyon nano.

KASAUKAN 22:15

Pampiau malaikat ru Tuhan intor ra suruga' no ri Abragam ra kainduo,

KASAUKAN 22:8

Taam i Abragam, “I Aki Kapuuno' galama' momongo ra anak domba no.” Parayus ilo boo ugar.

KASAUKAN 28:19

Inggalani' no intok raginio Bitil (Galing i ininggalanan intok raginio ra Lus).

KASAUKAN 32:30

Indagu i Jakub, kono, “Nakauma' aku noyo ri Aki Kapuuno', am maayag aku poyo.” Ginio ra inggalani' ri Jakub intok raginio Piniil.

1 RAJA'-RAJA' 17:8

Tuhan pana mindagu boo ri Ilia,

KAINGKUALAN 17:15

Nambaal i Musa rondo' altar am inggalani' no ra “Tuhan Bandira' Kuno.”

YEHEZKIEL 48:35

Ngaangai' ru timbok no ra gawar 9 ngakilomito. Intor raino bandar no ininggalanan ra “Tuhan Soroi Ragiti!”

MIKA 4:10

Mamagun ru Jirusalim kau ngai', pambilor am pampalaa kano koson ra ruandu' ondo' tatanga' maganak, sabap raino mangiruan kau kalalaat ra bandar ti am mayan giu' ra padang. Mongoi kau kalalaat ra Babil, kaa' giu' no Tuhan mamayag ramuyun intor ra pantula'.

JUANIS 1:14

Ragu no nasauk ra ulun am minayan Io ritakau. Nakito takau noyo ra Io matulai toojo, sabap ra Io no rorondo' Anak Langkuir ri Ama'. Ralalom inggalan Nano i Aki Kapuuno' galama' am togom Nano pinakito ritakau.

SAGULION 32:36

Mamayag Tuhan ra ulun Nano paat ra Io makakito risilo kolondo' ikang. Makaasi' Io ra ulipon Nano, paat ra Io nakakito risilo kalo makalulu'.

1 TIMOTIUS 3:16

Kolondo' sangulun pana makapagali' ra mumpara' boo bonsoi ru pangilaan motopot ondo' kalo igondo' pinabala' i, ioginio: Minintalang i Jisus Kristus am nasauk ra ulun, iniou Io ru Ambiluo ri Aki Kapuuno', nakito Io ru malaikat-malaikat. Pinatanou Io ra ngaangai' bansa', inintopot Io ru ulun ra ngaangai' libung ru tana' ti, am kinayang Io minuli' ra katulayan ru suruga'.

TINGGANAI RU BANSA' 6:24

Nambaal i Gidion rondo' altar tayar ru Tuhan ra giu' no am inggalani' no ra “Tuhan Puun ru Kaansayan”. Saboi raino altar no lakat poyo soroi giu' ra Opra, bandar longgom ru bansa' ru Abiijir.

1 SAMUIL 29:10

Ginio ra susuab no, akau ngaangai' no ondo' nangiruan noyo ra Raja' Saul am minatong raki', moonsoi rumondom kau kumarat ra susuab ti am mataki' mugar ra kalo poyo sumirang mato ru orou.”

1 SAMUIL 7:12

Kopongo raginio pinatirong ri Samuil rondo' batu giu' ra balitan ru Mijpa am Siin. Kono, “Nangindangan noyo toojo Tuhan no ritakau.” Ginio ra inggalani' no batu no ra “Batu Nangindangan”.