KASAUKAN 22:13 - Tanou Moonsoi Timugon

¹³ Pulolowo' boo i Abragam libung no am kakito no sanginan domba gawayan ondo' sangau no nakasangut ra malalaat. Ongoyo' boo alapo' ri Abragam domba no am pataako' ra Tuhan, koson taak simbalui suali ru anak ungkuyon nano.

KASAUKAN 22:13 ပူးပေါင်းရင်းမြစ်များ

KASAUKAN 22:12

Indagu malaikat no, “Pai' mu sinduali' kapoam jamari' anak no. Raino nakapandai Aku ra mangurumat am gumagaya' kou Raki', sabap ra kalo inanggal mu koson mapataak ra anak langkuir muno Raki'.”

KASAUKAN 22:14

Inggalani' ri Abragam intok raginio ra “Tuhan momongo ra atan ondo' koogot”. Saboi boo raino ulun mindagu ra “Giu' ra tampak ru gunung Nano, Tuhan momongo ra atan ondo' koogot.”

KASAUKAN 22:8

Taam i Abragam, “I Aki Kapuuno' galama' momongo ra anak domba no.” Parayus ilo boo ugar.

JISAYA 30:21

Amon lumisang kau ra pamiris kapoam kait, morongog min bolos Nano giu' ra talikuron mino mindagu, “Gitio noyo ralan ti, baya' kano ra ralan ragitio!”

1 KORINTUS 10:13

Moonong pangkinaman ondo' matuum mino, io no rondo' kaindalaman masalok matuum ru ulun. Kaa' suguton ri Aki Kapuuno' bantu' Nano am kalo mompoloso Io ramuyun kinamin makajanjai ra ikang mino. Paat ra akau matiu' ra pangkinaman, mampaikang Io ramuyun, maa' raginio moorot min.