KASAUKAN 22:12 - Tanou Moonsoi Timugon

¹² Indagu malaikat no, “Pai' mu sinduali' kapoam jamari' anak no. Raino nakapandai Aku ra mangurumat am gumagaya' kou Raki', sabap ra kalo inanggal mu koson mapataak ra anak langkuir muno Raki'.”

KASAUKAN 22:12 ပူးပေါင်းရင်းမြစ်များ

KASAUKAN 20:11

Taam i Abragam, “Indos ku, giti kolondo' osoi pana malaa' ri Aki Kapuuno' sabap saboi potoyon aku ru ulun ondo' masaga' mamundus ra andu' kuno.

KASAUKAN 22:13

Pulolowo' boo i Abragam libung no am kakito no sanginan domba gawayan ondo' sangau no nakasangut ra malalaat. Ongoyo' boo alapo' ri Abragam domba no am pataako' ra Tuhan, koson taak simbalui suali ru anak ungkuyon nano.

KASAUKAN 22:16

kono, “Ragu ru Tuhan: Magibot Aku ra inggalan Kuno galama', sabap ra binaal mu gitio am kalo inanggal mu koson mapataak ra anak langkuir muno Raki'.

KASAUKAN 22:2

Indagu i Aki Kapuuno' riso, “Ibito' anak ungkuyon langkuir muno i Isak, ondo' tagamin muno am ongoi ra tana' Moria. Giu' no makagunung ondo' patuluon Kuno rirun, pataako' anak muno koson taak simbalui Raki'.”

KASAUKAN 26:5

Barakaton Tokou, sabap giminagaya' i Abragam Raki' am binaya' no ngaangai' ukum am susuban Kuno.”

KASAUKAN 42:18

Paat katalu ra orou, indagu i Jusup risilo, “Aku ti sangulun gumagaya' ri Aki Kapuuno', ampunon takamin ra rondo' kitaakon kuno.

NIGIMIA 5:15

Moonong ulun ondo' nasauk ra gabenor ondo' nakapagulu raki' nasauk ra saanin ru mamagun sabap ra gabenor no gumogot 40 ruit pirok songorou tayar ru akanon am wain. Naambai ra pagawai-pagawai nilo pana mangimbolo' ra mamagun, kaa' aku kalo mambaal koon raginio sabap ra aku malaa' am mangurumat ri Aki Kapuuno'.

AYUP 1:1

Giu' ra tana' Us, minayan sangulun ungkuyon makainggalan ri Ayup. Sumamba io ri Aki Kapuuno' am gumagaya' Riso. Io ti moonsoi guang, ondo' masalok no pagilalain maa' raginio kalo mambaal ra malaat.

AYUP 28:28

Indagu i Aki Kapuuno' ra ulun, “Koson makaalap ra kapintaran, musiti' kau malaa' am mangurumat ra Tuhan. Koson makaalap ra karatian, musiti' kau mangiruan ra kalaatan.”

AYUP 5:19

Amon karaat makapatoi rirun, masalok Io mamayag rirun.

MAZMUR 1:6

Ulun ondo' gumagaya' ilaan am ampinin ru Tuhan kaa' ulun ondo' malaat makarapog kapaganan maaja'.

MAZMUR 111:10

Mangurumat ra Tuhan iono rondo' ralan mokoowot ra kapandayan; ulun ondo' gumagaya' tuluin No. Omporon noyo Tuhan ra sabuoi-buoi no!

MAZMUR 147:11

kaa' maansayan Io ra ulun ondo' mangurumat Riso, ulun ondo' malansan toojo ra togom mantilayun Nano.

MAZMUR 2:11

Pangandoi kano ra Tuhan ra guang matikop ra kaintapatan;

MAZMUR 25:12

Ulun ondo' gumagaya' ra Tuhan tuluin No ra ralan ondo' musiti' sukuon no.

MAZMUR 25:14

Tuhan noyo rangan ru ulun ondo' gumagaya' Riso, am pabalaan No nabantuan Nali risilo.

KAINGKUALAN 20:20

Taam i Musa, “Pai' kalaa'; i Aki Kapuuno' matong koson mangkinam ayuk ramuyun, maa' raginio rumayus kau gumagaya' Riso am maa' raginio kalo makatula kau.”

AMSAL 1:7

Koson mokoowot ra kaintutunan, pagulu akau musiti' mangurumat am malaa' ra Tuhan. Ulun sasambungon kalo maringkuanang ra kapintaran am marara' ilaan.

MAMPATANOU 12:13

Gitio noyo ontoson ragu intor ra ngaangai' no: Uramato' noyo i Aki Kapuuno' am gagaya' no ra ngaangai' susuban Nano, sabap ra ginio noyo kuayan itakau ulun inangun.

JIRIMIA 19:5

Binaalan nilo i Baal ra altar maa' raginio makapampataak ilo ra anak-anak nilo koson ra taak simbalui ondo' solobon. Kaa' kalo igondo' Aku panusub risilo mambaal raginio, am poyo kalo igondo' baal raginio soroi ra pangkaraan Kuno.

JIRIMIA 32:40

Mambaal Aku ra nabantuan ondo' mantilayun risilo. Kalo lumonggo' Aku mambaal ra moonsoi risilo. Mangkinibit Aku risilo malaa' am mangurumat Raki' ra sotopot ru guang maa' raginio kalo mangiruan ilo Raki'.

MALIAKI 4:2

Kaa' akau ondo' gumagaya' Raki', kuasa' Kuno ondo' mamayag ramuyun sumirang koson ra mato ru orou, am kuasa' Kuno mangani' ra pamabasan koson ra sinda mato ru orou. Makalabus kau am maansukan koson ra anak ru sapi' ondo' pinaingkual intor ra kandang.

MATIUS 16:24

I Jisus pana mindagu boo ra maamaya'-maamaya' Nano, “Moonong ulun ondo' masaga' maya' Raki', lilianin no kasagaan nano galama', mansaan io ra salip nano am maya' Raki'.

MATIUS 19:29

Osoi ayuk mangiruan ra baloi, kapoam pabukat no ra ungkuyon, kapoam pabukat no ra ruandu', kapoam ina' am ama', kapoam anak nano, kapoam lanau am umo nano; ulun ragitio makaalap maatus ruli' ra raino ti am niayuk aniin io ra kaayagan mantilayun.

MATIUS 5:16

Koson raginio niayuk boo ra lampung mino musiti' manilau ra saang ru ulun, maa' raginio makakito ilo ra baal moonsoi mino am mongompor ri Ama' mino giu' ra suruga'.”

JUANIS 3:16

Sabap ra maayo kaga' guang ri Aki Kapuuno' ra ulun ru tana' ti, saboi nanaak Io ra Anak Langkuir Nano, maa' raginio moonong ulun ondo' mangintopot Riso kalo mapuso, kaa' mokoowot ra kaayagan mantilayun.

RINALATAN 9:31

Intor raginio ngaangai' pasimpungan ulun Kristian ra Judia, Galilia am Samaria kolondo' boo kapaganan. Nangurumat ilo ri Aki Kapuuno' am nabaya' ra indangan ru Ambiluo ri Aki Kapuuno' siminuang am maikang pangintapatan nilo.

ROMA 5:8

Kaa' i Aki Kapuuno' nampakito ritakau ra togom Nano sabap ri Kristus minatoi mamayag ritakau, paat ra itakau makatula ayuk poyo.

ROMA 8:32

Kalo iningaan ri Aki Kapuuno' Anak Nano galama', kaa' pinoloso No Io potoyon koson ra kaatangan takau. Amon ru pinataak No Anak Nano ritakau, maaru' mangani' Io poyo ritakau ngaangai' ra bokon.

1 KORINTUS 10:13

Moonong pangkinaman ondo' matuum mino, io no rondo' kaindalaman masalok matuum ru ulun. Kaa' suguton ri Aki Kapuuno' bantu' Nano am kalo mompoloso Io ramuyun kinamin makajanjai ra ikang mino. Paat ra akau matiu' ra pangkinaman, mampaikang Io ramuyun, maa' raginio moorot min.

2 KORINTUS 8:12

Amon maayo guang min mangani', apuon ri Aki Kapuuno' taak mino maya' ra atan ondo' mataakan min, sala' ka maya' ra ondo' kalo mataakan min.

IBRANI 11:19

Sabap ra makakalansanan i Abragam ra i Aki Kapuuno' makapamayag ra ulun ondo' minatoi noyo. Ginio ra maaya' raguon ra io ti nangapu noyo ri Isak saguli' intor ra kapatayan.

IBRANI 12:28

Intor raginio, paringkuanang takano ri Aki Kapuuno', sabap ra inanian takau ra rondo' pagun ondo' kalo maalap kauyog. Pongompor am samba takano Riso maya' ra kasagaan Nano, ioginio mabaya' ra urumat am inggana' ru guang.

JAKUBUS 2:18

Kaa' mokoondo' lair mindagu ra, “Sangulun lumansan ra pangintapatan nano am bokon no poyo lumansan ra atan ayuk baal nano ra moonsoi.” Makataam aku niayuk ra, “Pakitono' noyo raki' ati koson sangulun mangintopot amon ru kolondo' baal nano ra moonsoi. Kaa' aku mampakito ra pangintapatan kutu mansail ra baal kuno ra moonsoi.”

PINAINTALANG 19:5

Morongog boo intor ra takhta no bolos mindagu, kono, “Akau ngaangai'; ulipon Nano am ngaangai' ulun, langkaya' am musikin am ondo' mangurumat Riso; Koompor noyo i Aki Kapuuno'.”

1 SAMUIL 15:22

Indagu i Samuil, “Ati kia ondo' kasagain poyo ru Tuhan, gagaya' kapoam taak am taak simbalui? Moonsoi poyo gumagaya' ra Tuhan intor ra mapataak Riso ra domba ondo' molomok kaga' no.