KASAUKAN 22:1 - Tanou Moonsoi Timugon

¹ Kukula' buoi ragili, pangkinam i Aki Kapuuno' ri Abragam, kon Nano, “Abragam!” Taam boo i Abragam, “Tuhan, giti aku.”

KASAUKAN 22:1 ပူးပေါင်းရင်းမြစ်များ

KASAUKAN 15:1

Kopongo raginio, nakakito i Abram ra minintalang am nakaining ra ragu ru Tuhan, “Pai' kalaa' Abram, mangampin Aku rirun intor ra makalalaa' am mangani' rirun ra taak maayo.”

KASAUKAN 21:11

Baal raginio makangiluk kaga' ra guang ri Abragam sabap ra i Ismail pana anak nano niayuk.

KASAUKAN 22:11

Kaa' pampiau malaikat ru Tuhan intor ra suruga', “Abragam, Abragam!” Taam i Abragam, “Atan Tuhan, giti aku.”

KASAUKAN 22:7

indagu i Isak, “Ama'!” Taam i Abragam, “Atan kia lagang?” Pangkuot i Isak, “Nakito tokou nagibit ra pampaang am luton, kaa' ati kia anak domba ondo' simbaluyon?”

KASAUKAN 37:13

indagu i Jakub ri Jusup, “Masaga' aku okou mongoi ra Sikgim intok nagalungan ru pagaka'-pagaka' muno ra biniag no.” Taam i Jusup, “Nakatampos aku noyo ama'.”

KASAUKAN 46:2

Paat ra iorondom rondo' intalangan riso, indagu i Aki Kapuuno' riso, “Jakub, Jakub!” Taam io, “Iou, Tuhan.”

2 SAMUIL 24:1

Siminangit poyo Tuhan ra ulun ru Israil, am nanusub Io ra Raja' Daut koson mamparatong ra kapaganan ra ulun raginio. Indagu Tuhan ra Raja' Daut, “Paugaro' manguntob ra mamagun ru Israil am Jiuda.”

2 TUNUNG RU BANSA' ISRAIL 32:31

Paat ra ulun-ulun sinusub intor ra Babilonia minatong ra Raja' Gijkia koson mangkuot intor ra kasaukan makaimuag ondo' nasauk giu' ra pagun no, nompoloso Tuhan ra Raja' Gijkia galama' mingkuor, maa' raginio makinaman guang nano.

MAZMUR 11:5

Mangkinam Io ra ulun moonsoi am niayuk ulun malaat; masisang Io kaga' ra ulun ondo' monogom ra kalaatan.

KAINGKUALAN 16:4

Indagu Tuhan ri Musa, “Raino maparatu' Aku ramuyun ngaangai' ra akanon intor ra limbowon. Moonong orou ulun musiti' mingkual manimung ra ruti' kaukapan ra songorou. Ralan ragitio makapangkinam Aku ra ulun Kuno, maa' raginio mapandayan Ku ru gagayaan nilo susuban Kuno kapoam kalo.

KAINGKUALAN 3:4

Paat ra nakito ru Tuhan ra minggaar i Musa, pampiau Io riso intor ra tanga' ru bulungkut no, “Musa! Musa!” Taam i Musa, “Iou, giti aku.”

AMSAL 17:3

Mas am pirok kinamin ru apui, kaa' guang ru ulun kinamin ru Tuhan.

JISAYA 6:8

Kopongo raginio mangkirongog aku ra Tuhan mindagu, “Osoi kia susubon Kutu? Osoi kia masauk ra ulun susubon takau?” Taam aku, “Giti aku, Susubo' aku no!”

1 KORINTUS 10:13

Moonong pangkinaman ondo' matuum mino, io no rondo' kaindalaman masalok matuum ru ulun. Kaa' suguton ri Aki Kapuuno' bantu' Nano am kalo mompoloso Io ramuyun kinamin makajanjai ra ikang mino. Paat ra akau matiu' ra pangkinaman, mampaikang Io ramuyun, maa' raginio moorot min.

SAGULION 13:3

pai' lioo' ragu nano. Namakai Tuhan i Aki Kapuuno' min riso koson mangkinam ramuyun, maa' raginio mapandayan ru Tuhan ra motogom kau Riso ra sotopot ru guang kapoam kalo.

SAGULION 8:16

Giu' ra tana' kaagisan nanaak Io ramuyun ra manna, rondo' salinut ru akanon ondo' kalo igondo' akano' ru kinamatuaan min. Naparatong Io ra kapaganan koson mangkinam ramuyun, maa' raginio paat ra pupus no mobonsoi Io ramuyun.

SAGULION 8:2

Karaa' noyo ati kulaan Tuhan i Aki Kapuuno' min naningganai ramuyun ralalom pangkiralanan ra maalur giu' ra tana' kaagisan buoi apat ngoopor ngambilor ragili; naparatong ra kapaganan koson mangkinam ramuyun maa' raginio makapandai Io ra suang ru guang min, am makapandai ra gumagaya' kau kapoam kalo ra susuban Nano.

IBRANI 11:17

Sabap ra pangintapatan noyo, i Abragam nampataak ra anak nali i Isak koson ra rondo' taak simbalui paat ri Aki Kapuuno' nangkinam riso. Nanaak io niayuk ra anak langkuir nano, kabalu' pana binantuan io ri Aki Kapuuno' ra:

JAKUBUS 2:21

Karaa' ayuk i Abragam, kinamatuaan takali. Io pana inapu ri Aki Kapuuno' sabap ra atan ondo' binaal nano ragili. Nangiou io ra anak nano, i Isak, simbaluyon, koson pataakon ri Aki Kapuuno'.

1 PITRUS 1:7

Sotopot no, ginio rondo' pangkinaman ayuk ru toojo kau kia mangintopot ri Aki Kapuuno' kapoam kalo. Mas pana, ondo' maalap kalunsai, solobon niayuk ra apui. Atan poyo ra pangintapatan mino ondo' mologo poyo intor ra mas, maaru' kinamin niayuk, maa' raginio maikang boo. Am intor raginio maaya' kau koompor am kaurumat ra Orou Papaintalangan ri Jisus Kristus.

TINGGANAI RU BANSA' 2:22

Pakayon Ku bansa'-bansa' raginio koson mangkinam ra ulun ru Israil, maa' raginio makapandai Aku ru sumugut kia ulun ru Israil ra susuban Kuno koson ra kinamatuaan nilo kapoam kalo.”

1 SAMUIL 3:4

pampiau Tuhan ri Samuil. Taam i Samuil, “Iou tuan!”