KASAUKAN 21:32 - Tanou Moonsoi Timugon

³² Kabaal nilo nabantuan no ra Birsyiba, Raja' Abimilik am i Pikgol siminaguli' ra pagun ru ulun ru Palistin.

KASAUKAN 21:32 ပူးပေါင်းရင်းမြစ်များ

1 SAMUIL 18:3

Nagibot i Jonatan koson rumangan ri Daut ra mantilayun, sabap ra motogom io kaga' ri Daut.

TINGGANAI RU BANSA' 13:1

Makatula poyo ulun ru Israil ra Tuhan, am nompoloso Tuhan ra ulun ru Palistin nanguasa' risilo buoi apat ngoopor ngambilor.

KAINGKUALAN 13:17

Paat ra makataak raja' ru Misir ra ulun ru Israil mugar, kalo naningganai Tuhan risilo maya' ra ralan mansail ra pagun ru Palistin, kabalu' pana ralan raginio mariwa' kaga'. Pangkaraan ri Aki Kapuuno', “Marara' Aku ra ulun Kuno mangulau ra karaan, am sumaguli' ra Misir paat ra ilo makapandai ra musiti' ilo mangayou.”

KASAUKAN 31:53

I Aki Kapuuno' ri Abragam am i Nagor ondo' mangakim rito.” Pagibot boo i Jakub ralalom inggalan ri Aki Kapuuno' ondo' sambaan ri Isak ama' nano, koson suguton no bantu' nano.

KASAUKAN 26:14

Nangusolon boo ulun ru Palistin no riso, sabap ra io masuang ulipon, kambing, domba am sapi'.

KASAUKAN 26:8

Kukula' buoi noyo i Isak minayan ra giu' no, sangarawan raginio ibol Raja' Abimilik ra gigimpalan nano, am kakito no i Isak mangalok-alok ri Ribika.

KASAUKAN 21:27

Pangani' boo i Abragam ri Abimilik ra kukula' ngainan domba am sapi' am pambaal ilo karuruo ra bantu'.

KASAUKAN 14:13

Kaa' sangulun ondo' nakapagiru' am minongoi pambala' ra ngaangai' no ri Abram, ulun ru Ibrani no. Minayan i Abram maar ra puun-puun matulai, longgom ri Mamri ulun ru Amori. I Mamri am pabukat-pabukat ungkuyon nano, i Iskol am i Anir rangan pagamung ri Abram.

KASAUKAN 10:14

Patrusim, Kaslugim am Kaptorim ondo' tauli no nasauk ra kinamatuaan ru bansa' ru Palistin.

KASAUKAN 21:31

Ginio ra ininggalanan intok raginio ra Birsyiba sabap ra intok raginio nabantuan nilo ruo.

KASAUKAN 21:33

Pantanom boo i Abragam ra puun tamariska ra Birsyiba am intok sambaan nano ra Tuhan i Aki Kapuuno' ondo' mantilayun.

KASAUKAN 31:44

Ginio ra raino pabantu' to. Patunturo' to batu koson tatandu' ru nabantuan tano.”