KASAUKAN 21:22 - Tanou Moonsoi Timugon

²² Paat raginio Raja' Abimilik am i Pikgol, tingganai saujor nano minongoi tuum ri Abragam am indagu, “Sumimpung i Aki Kapuuno' rirun ra atan ondo' baalon muno.

KASAUKAN 21:22 ပူးပေါင်းရင်းမြစ်များ

KASAUKAN 20:14

Kopongo raginio, pasagulio' ru Raja' Abimilik i Sara ri Abragam, am paat raginio niayuk inanian no i Abragam ra ulipon, domba am sapi'.

KASAUKAN 20:17

Sabap ra ondo' nasauk ri Sara, andu' ri Abragam, binaal ru Tuhan ra tabanang moonong ruandu' ra istana ri Abimilik. Pakiasi' boo i Abragam ri Aki Kapuuno', am babaso' ri Aki Kapuuno' i Abimilik, andu' nano am ngaangai' ulipon ra ruandu' saboi maganak ilo poyo.

KASAUKAN 20:2

minindagu io ra andu' nano i Sara boborok nano. Ginio ra Raja' Abimilik intor ra Girar no nanusub ra ulun mongoi pangalap ri Sara.

KASAUKAN 26:26

Ratong boo Raja' Abimilik intor ra bandar Girar nabaya' ri Agujat pambilin nano, am i Pikgol tingganai ru saujor nano, koson tumuum ri Isak.

KASAUKAN 26:28

Taam ilo, “Raino makapandai akai ra Tuhan manindung rirun, ginio sabap ra guang mai mabantu' takau. Pagibot no,

KASAUKAN 28:15

Karaa' noyo, indanganon am sindungin Tokou ra ati ayuk angayan muno am ibiton Tokou sumaguli' ra pagun ragitio. Kalo iruanin Tokou suku' Ku mabaal ngaangai' atan ondo' binantu' Kuli rirun.”

KASAUKAN 30:27

Indagu i Laban riso, “Raguo' ku poyo galing gitio: Nanala' aku noyo ra nambarakat Tuhan no raki' sabap ra okou.

KASAUKAN 31:5

Kono ra karuo ngaulun andu' nano, “Makito ku intor ra bulos ru ama' min ra kalo boo masamba io raki', sala' ka koson ragili. Kaa' alungin aku ri Aki Kapuuno' ru ama' kuli.”

2 SAMUIL 24:7

Intor ra giu' no minongoi ilo ra rabugus, minongoi ra Tirus, bandar ondo' mokoondo' ra kubu no. Tunggul no minongoi ilo ra ngaangai' bandar ru ulun ru Giwi am ulun ru Kanaan, am pupus no minongoi ra Birsyiba, giu' ra tampilon ra rabugus ru Jiuda.

2 TUNUNG RU BANSA' ISRAIL 1:1

Raja' Salomo, anak ungkuyon ru Raja' Daut nangikang ra pamarintaan nano ra Israil, am Tuhan, i Aki Kapuuno' nano nambarakat riso, am niayuk nampasauk riso ra totopot makakuasa'.

JISAYA 45:14

Mindagu Tuhan ri Israil, “Gogoto' min kalangkayaan ru tana' ru Misir am Itiopia, Ulun-ulun ru Siba ondo' mangaikang masauk ra longgom muno; nabangkil ilo am mugar ra talikuron muno. Migulatur ilo am mangiou, ‘I Aki Kapuuno' totopot minunor ramuyun; Io no i Aki Kapuuno' rondo'-rondo' ayuk!

JISAYA 8:10

Baalo' noyo atan inatangan mino, kaa' ngaangai' no kolondo' kasaukan! Pataso' noyo, kaa' ngaangai' no mamungawo ayuk, sabap ri Aki Kapuuno' mabaya' ramon!

JAKARIA 8:23

Paat raginio mopor ngaulun bansa' ra bokon matong ra sangulun ru Jaudi am mindagu, ‘Akai niayuk masaga' barakaton koson ramuyun sabap nokorongog akai ri Aki Kapuuno' mabaya' ramuyun.’ ”

MATIUS 1:23

“Maapang ralaa ti am maganak io ra sangulun anak ungkuyon am inggalanin anak ti ri Imanuil.” (Sumugut ra ragu ru ulun ru Ibrani, Imanuil arati' no, “I Aki Kapuuno' mabaya' ritakau.”)

ROMA 8:31

Sabap raginio, atan boo paraguon takau? Amon ru i Aki Kapuuno' bala takau, osoi kia makagula' ritakau? Maaru' kolondo'!

1 KORINTUS 14:25

Ginio boo ra atan ondo' soroi ra guang nano makasalula', saboi sumamba io ri Aki Kapuuno' mabaya' ra guang minggana' am mangiou ra, “I Aki Kapuuno' topot-topot soroi ramuyun.”

IBRANI 13:5

Pai' noyo pagingkaut ayuk ra ruit, kaa' karaan min ayuk ra sama' noyo atan ondo' soroi ramuyun no. Sabap ra minindagu noyo i Aki Kapuuno', “Kalo noyo toojo polosoon kapoam iruanin takamin.”

JOSUA 3:7

Indagu Tuhan ri Josua, “Atan ondo' baalon Kuno ra orou raiti' mangkinibit ra ulun ru Israil mangurumat toojo Raki'. Makaliman ilo ra mabaya' Aku rirun koson Aku nabaya' ri Musa.

PINAINTALANG 3:9

Karaan min gitio! Maamaya' ru Tingganai ru riwato am migiangku ra ulun ru Jaudi, ondo' sotopot no sala' ka Jaudi, saukon Ku ilo ti matong ramuyun am sumamba ra saang mino. Bagu no makapandai ilo ra motogom Aku ramuyun.

1 SAMUIL 24:22

Kaa' pakimabantu' no ralalom inggalan ru Tuhan ra okou kalo mamatoi ra papag kuno am kalo luluon inggalan ru sasambaloi kuno.”

1 SAMUIL 3:19

Siminukor poyo i Samuil. Tuhan mabaya' riso am nambaal ra ngaangai' ondo' rinagu ri Samuil no totopot nasauk.