KASAUKAN 20:9 - Tanou Moonsoi Timugon

⁹ Kopongo raginio, piawo' ru Raja' Abimilik i Abragam am pangkuot, “Atan kia binaal mu ramon? Atan kia sala kuno saboi naparatong kou ra kapaganan raki' am ra pamarintaan kutu? Totopot kalo natimpok binaal muti raki'.

KASAUKAN 20:9 ပူးပေါင်းရင်းမြစ်များ

KASAUKAN 12:18

Ginio ra piawo' ru raja' i Abram am pangkuot io riso, “Atan kia binaal muno raki'? Kua kalo nambala' kou raki' ra ruandu' no andu' muno?

KASAUKAN 20:10

Kua baalo' mu ginii?”

KASAUKAN 20:8

Suabon no ra iosusuab, nampiau Raja' Abimilik ra ngaangai' tingganai am nambala' ra ngaangai' ondo' nasauk no. Ginio ra mangalaa' ilo kaga'.

KASAUKAN 26:10

Indagu raja' no, “Atan binaal muno ramon? Tutului marulug ru sangulun intor ra ulun kuno andu' muno, mosonsol kou sabap ra sala maino.”

KASAUKAN 29:25

Suabon raginio, kalimani' boo ri Jakub ra i Liya rinulug nano. Ongoi io boo ri Laban am indagu, “Kua gitio pinamakuan muno raki'? Nangandoi aku koson manangandu' ri Ragil. Kua ruungo' mu aku?”

KASAUKAN 34:7

Naintuma' raginio anak-anak ri Jakub minuli' intor ra limayak. Kaining nilo tunung no, naliangan ilo am nasisang ilo kaga'. Sabap ra sinawa' anak ruandu' ri Jakub no, nanauyu' i Sikgim ra ngaangai' ulun ru Israil.

KASAUKAN 38:24

Olo'-olo' talu ngambulan raginio, mokoondo' sangulun nambala' ri Jiuda, “I Tamar, anak mangiwan muno narulug ra sangulun ungkuyon am raino maapang io.” Panusub i Jiuda, “Paingkualo' io am solobo' io saboi matoi.”

KASAUKAN 39:9

Kuasa' kuno ra baloi ti mogondo' ra kuasa' nano, am kolondo' rondo' pana kalo pinasalingapuan raki' ondo' ayuk am okou ti. Ati koson kuno mambaal ra kalaatan raginio am makatula ri Aki Kapuuno'?”

2 SAMUIL 12:5

Pokorongog ra baal raginio, siminangit kaga' Raja' Daut ra binaal ru ulun langkaya' no, saboi mindagu Raja' Daut, “Magibot aku ralalom inggalan ru Tuhan ondo' maayag ra ulun langkaya' no musiti' ukumin ra matoi!

2 SAMUIL 13:12

Indagu i Tamar, “Pai'! Pai' aku jajali' mambaal ra baal makauyuyu' no. Baal koson raginio kalo igondo' nasauk ra Israil.

KAINGKUALAN 32:21

Indagu i Musa ri Arun, “Atan kia ondo' binaal ru ulun ragitilo rirun saboi mopoloso kou risilo makatula ra maayo?”

KAINGKUALAN 32:35

Porotongo' boo ru Tuhan maruol ra ulun raginilo, sabap ra nampajajal ilo ri Arun nambaal ra sinungkalalaing ru sapi' intor ra mas.

AMSAL 28:10

Osoi-osoi mapalayau ra ulun mabanis guang, masulungan ru kalaatan nano galama'. Ulun ra kolondo' sala barakaton saboi maansukan.

IMAMAT 20:10

“Amon ru sangulun Israil mansawa' ra andu' ru ulun rondo' bansa' riso no, musiti' ulun no am ruandu' no ukumin ra matoi.

ROMA 2:11

Sabap ri Aki Kapuuno' kalo mampili' ra ulun ondo' akimin Nano.

TITUS 1:11

Moonsoi sonsongon kabang nilai no, sabap ra mampakalayau ilo ra sasambaloi ra pangilaan nilai ra kalo motopot ti. Baal nilo ti makauyuyu' toojo sabap ra maguyum ilo ayuk ra panginduitan galama'.

IBRANI 13:4

Kaulayan ru paguatan musiti' no urumaton ru ngaangai' ulun, ra moonong ralaki kapoam andu' kalo iowon sumimpung ra bokon. Sabap ra ulun ondo' lumapau kapoam mansawa' pana, ukumin ri Aki Kapuuno'.

JOSUA 7:25

Indagu boo i Josua, “Ilai' noyo kapaganan ondo' pinaratong muno ramon! Raino Tuhan pana mamparatong ra kapaganan rirun!” Ngaangai' ulun ru Israil pana nomobol ri Akgan saboi minatoi. Nomobol ilo niayuk am nonolob ra sasambaloi nano am ngaangai' rapu' nano.