KASAUKAN 20:6 - Tanou Moonsoi Timugon

⁶ Taam i Aki Kapuuno' ralalom inupi no, “Iou, nakapandai Aku ra binaal mu ginio sumugut ra kapasawan ru guang muno. Ginio nai ra Aku mapainggalur rirun mambaal ra tula Raki' am kalo polosoon Tokou marulug ra ruandu' no.

KASAUKAN 20:6 ပူးပေါင်းရင်းမြစ်များ

KASAUKAN 26:11

Pakaraa' ru Raja' Abimilik ngaangai' ulun nano, kono, “Osoi lumaat ri Isak ti kapoam andu' nano, ulun no potoyon.”

KASAUKAN 3:3

Sabap ra nanginggalar i Aki Kapuuno' ramon mangakan ra kawa' intor ra puun no kapoam mangambong; amon baalon mai, matoi akai.”

KASAUKAN 31:24

Rondom raginio, ratong i Aki Kapuuno' ralalom inupi ri Laban am indagu riso, “Ilalai', pai' babanyou raguon muno ri Jakub.”

KASAUKAN 31:7

Kaa' rinuung no aku am kinulau no gaji' kuno saboi inggopor. Kaa' kalo pinoloso ri Aki Kapuuno' io lumaat raki'.

KASAUKAN 35:5

Paat ri Jakub am ngaangai' ulun nano mangiruan ra intok no, mamagun ru bandar-bandar ra paginggaar no ngaangai' kinuasa' ru kalaanan, am kalo baani ilo mangilou ri Jakub am ulun nano.

KASAUKAN 39:9

Kuasa' kuno ra baloi ti mogondo' ra kuasa' nano, am kolondo' rondo' pana kalo pinasalingapuan raki' ondo' ayuk am okou ti. Ati koson kuno mambaal ra kalaatan raginio am makatula ri Aki Kapuuno'?”

MAZMUR 51:4

Bagui' aku no intor ra ngaangai' kalaatan kuno, am liungi' aku no intor ra tula kuno.

MAZMUR 81:12

Kaa' ulun Kuno kalo mangkirongog ra ragu Kuno; Israil kalo gumagaya' Raki'.

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

KAINGKUALAN 34:24

Mopongo Ku pagiruon bansa'-bansa' intor ra saang min am mapalangka' ra wilayah min, kolondo' sangulun pana makakinam manalingaau ra pagun min paat ra talu pangiantakan no.

AMSAL 21:1

Pangkaraan ru raja' Tuhan noyo manguasa' koson ra Io nangaru' ra tulukan ru sungoi.

AMSAL 6:29

Koon raginio niayuk kalaa' ra sangulun ungkuyon rumulug ra andu' ru ulun. Osoi mambaal ra baal raginio io makaliman ra ukuman nano.

IMAMAT 6:2

Amon ru makatula sasangulun ra Tuhan sabap ra marara' mapasaguli' ra kuliamos ondo' pinabulian riso ru ulun gino ngai' ru Israil, kapoam sabap ra namparuung ra ulun, kapoam nantakou ra kuliamos ru ulun no, kapoam sabap ra nagibot ra kalo nakatuum ra kuliamos ondo' natatak, musiti' ulun no mapataak ra taak simbalui ra Tuhan.

MATIUS 27:19

Paat ri Pilatus nanturung ra intok pangakiman no, panusub andu' nano ra sangulun mongoi pambala' riso, kono, “Pai' no babaya' mangukum Riso sabap ra Io ti ulun kolondo' sala, sabap ra magalabo aku ra naupi ku Io ra rondom i.”

1 KORINTUS 7:1

Raino masaga' aku manaam ra pangkuatan ru surat min i raki'. Amon ru sangulun ungkuyon kalo manangandu', ginio moonsoi.

2 KORINTUS 6:17

Sabap raginio, Inggalur kano ra ulun ondo' kalo makaulig ri Aki Kapuuno', am niayuk tuliar kau risilo. Pai' kau pangambong ra atan ayuk majamol, am apuon takamin.

2 TISALONIKA 2:11

Ginio sabap ri Aki Kapuuno' mompoloso risilo ra palayawon, saboi mangintopot ilo ra atan sotopot no abau.

2 TISALONIKA 2:7

Kuasa' ru Kalaatan ondo' kalo makito ti timinalimpuun noyo mamparuku' ra ulun, kabalu' pana kalo poyo minintalang io. Kaa' ondo' mongompong riso no, musiti' iruon pagulu ri Aki Kapuuno',

1 SAMUIL 25:26

Tuhan nanginggalar noyo rirun ra mansuli' am mamatoi ra pantula' muno. Raino magibot aku ralalom inggalan ru Tuhan ondo' naayag ra pantula' muno am ngaangai' ru ulun ondo' masaga' lumaat rirun ukumin koson ri Nabal.

1 SAMUIL 25:34

Nanginga' noyo Tuhan no raki' lumaat rirun. Ralalom inggalan ru Tuhan, i Aki Kapuuno' ru Israil ondo' naayag, amon ru kalo nataki' kou nakatuum raki', maaru' ra ngaangai' ulun ri Nabal no minatoi paat ra sumirang mato ru orou!”