KASAUKAN 2:8 - Tanou Moonsoi Timugon

⁸ Tuhan i Aki Kapuuno' pana nambaal boo ra Taman giu' ra Idin ra tampilon sirangon am pinaayan ulun ondo' binaal Nali ra giu' no.

KASAUKAN 2:8 ပူးပေါင်းရင်းမြစ်များ

KASAUKAN 13:10

Pulolowo' boo ri Lot liliut am kaimpal no titikop limayak Jordan saboi ra bandar Joar am makamasuang timug koson ra Taman ru Tuhan kapoam koson ra tana' ru Misir. (Ginio noyo baal ra io kalo poyo pinuso ru Tuhan bandar Sodom am Gomora.)

KASAUKAN 3:23

Ginio ra Tuhan i Aki Kapuuno' napaugar ra ulun no intor ra Taman Idin am sinusub No mangandoi ra tana' ondo' intor raginio io binaal.

KASAUKAN 3:24

Giu' boo ra tampilon sirangon ru Taman no, Tuhan i Aki Kapuuno' napaayan ra kirub am rondo' ilang makaapui ondo' lumibut ra ngaangai' intok koson mantamung ra puun ondo' mangani' ra bayag. Ginio ra kolondo' sangulun pana makasubol am makainggaar ra puun raginio.

KASAUKAN 4:16

Ugar boo i Kain intor ra saang ru Tuhan am ayan io giu' ra tana' ondo' ininggalanan ra “Tanggawan” giu' ra tampilon sirangon ru Idin.

2 RAJA'-RAJA' 19:12

Kinamatuaan kuli namuso ra bandar Gojan, Aran am Rijip am niayuk namatoi ra ulun ru Idin ondo' minayan giu' ra Tilasar. Kolondo' rondo' pana dewa nilo nakapamayag risilo.

JISAYA 51:3

“Jirusalim, bansukon Tokou, am ngaangai' ondo' minayan ra napuutan Muno. Padang-padang muno ra mapua' saukon Ku ra taman, koson ra Idin, taman Kuno ra malabung. Giu' no ulun maantak am maansukan, am maringkuanang ra marimbai-rimbai.

YEHEZKIEL 27:23

Bandar-bandar Aran, Kani, Idin, ulun mantalan intor ra Syiba, bandar-bandar Asyur am Kilmad, ngaangai' no mantalan ramuyun.

YEHEZKIEL 28:13

Minayan kou giu' ra taman Idin, taman ri Aki Kapuuno'. Bayang muno binungaan ra ngaangai' salinut ru batu mologo: dalima', intan, topaj, biril, sardis, jaspir, nilam, jamrud am garnit. Mokoondo' kou niayuk ra limpor mas ondo' binaal ra tayar muno paat ra okou inangun.

YEHEZKIEL 31:16

Paat ra Aku mampatuun ra puun tataun no ra intok ru ulun minatoi, bolos ru karatuan nano manguyog ra bansa'-bansa'. Ngaangai' puun tataun giu' ra Idin am ngaangai' puun tataun moonsoi kaga' giu' ra Libanon ondo' mokoowot ra timug ra masuang kaga', ondo' timinuun noyo ra intok giu' ra ragana' maansukan sabap ra karatuan nano.

YEHEZKIEL 31:18

“Puun tataun no tatandu' ru raja' ru Misir am mamagun nano. Kolondo' puun tataun giu' ra Idin ondo' totopot masawat am matulai. Kaa' raino, koson ra puun tataun giu' ra Idin, puun tataun no timinuun ra intok ru ulun minatoi am minayan risilo ondo' kalo makaulig ri Aki Kapuuno' am niayuk ilo ondo' minatoi ralalom ru pangayawan. Aku, Tuhan Raja' nakaindagu noyo.”

JOIL 2:3

Koson ra apui ondo' sumolob am mangumpo, sampanon ru gapu' mangakan ra ngaangai' tinanom. Giu' ra saang ru sampanon ru gapu', padang moonsoi koson ra taman Idin. Kaa' giu' ra talikuron ru sampanon ru gapu', padang no nasauk noyo ra tana' mapua'. Ngaangai' no pinuso ru gapu'.