KASAUKAN 2:7 - Tanou Moonsoi Timugon

⁷ Alap boo Tuhan i Aki Kapuuno' ra sanganu tana' am pambaal Io ra ulun am sampuyo' boo ra painawo ondo' mapakaayag ralalom luang ru arung no; am ulun no maayag boo.

KASAUKAN 2:7 ပူးပေါင်းရင်းမြစ်များ

KASAUKAN 1:27

Ginio noyo i Aki Kapuuno' nambaal ra ulun am napasauk risilo koson ra baal Nano galama', sinauk No ilo ungkuyon am ruandu'.

KASAUKAN 2:6

Kaa' timug tumalimpuun sumabak intor ra ragana' am mamasa' ra ralimbou ru tana' ti.

KASAUKAN 3:19

Okou matipatoi mangandoi am rasangon koson mambaal ra tana' ti manangampos saboi sumaguli' kou ra tana' ti sabap intor ra tana' ti okou sinauk. Ginio nai ra okou sinauk intor ra tana' am sumaguli' kou niayuk ra tana'.”

KASAUKAN 3:23

Ginio ra Tuhan i Aki Kapuuno' napaugar ra ulun no intor ra Taman Idin am sinusub No mangandoi ra tana' ondo' intor raginio io binaal.

KASAUKAN 7:22

Ngaangai' ondo' mamainawo ra tana' ti niayuk minatoi.

AYUP 27:3

magibot aku: Buoi ri Aki Kapuuno' mangani' raki' ra paminawo, buoi ru painawo kuno soroi ra inan kuno,

AYUP 33:4

Ambiluo ri Aki Kapuuno' namangun raki', am paminawo ru Io Ondo' Maayo kaga' Kuasa' mampakaayag raki'.

AYUP 33:6

Ra tayar ri Aki Kapuuno', akau am aku kalo nansusuai; intor ra tana' lia' itakau binaal No.

AYUP 4:19

Nangkara' kou kia ra mangintopot Io ondo' maminawo intor ra tana', ondo' maminawo intor ra kaau ondo' maumok koson ra sakuliambang?

MAZMUR 100:3

Iowo' noyo ra Tuhan no i Aki Kapuuno'. Io namangun ritakau, am itakau longgom Nano; itakau ulun Nano, bansa' ra inalungan Nano.

MAZMUR 103:14

Nakapandai Io ati koson itakau binaal, Makara' No ra itakau ti kaau ayuk.

AMSAL 20:27

Inanian takau ru Tuhan ra utok am guang; ginio ra kalo makapagabau takau ra inan galama'.

MAMPATANOU 12:7

Inan takau masauk saguli' ra kaau ra tana' ti. Painawo ru kaayagan takau sumaguli' ri Aki Kapuuno' ondo' nangani' ritakau.

MAMPATANOU 3:7

paat ra mamparilak am paat ra mampikit, paat ra mongkoror am paat ra mindagu.

JISAYA 2:22

Ginio ra, pai' pangintopot ra ulun mapandai matoi sabap kolondo' logo nilo.

JISAYA 64:8

Kaa' Okou noyo Ama' mai iou Tuhan. Akai ti koson ra tana' bandulan, am Okou koson ra ulun manukang ra paliuk. Okou noyo namangun ramon.

SULABOI 4:20

Rinakop nilo ulun ondo' nangani' ramon ra kaayagan, iono raja' pinili' ru Tuhan; ulun ondo' intopoton mai koson manindung ramon intor ra pantula'.

YEHEZKIEL 37:5

Balai' bungul-bungul no ra Aku, Tuhan Raja' mindagu ra bungul mapua' no, ‘Pasampuyon Ku painawo ra ralalom mino maa' raginio maayag kau saguli'.

YEHEZKIEL 37:6

Aniin Takamin ra uat am kual, am niayuk taubin kau ra kungkung. Aniin Takamin ra painawo maa' raginio maayag kau saguli'. Bagu no makapandai kau ra Aku noyo Tuhan.’ ”

JAKARIA 12:1

Gitio noyo tanou intor ra Tuhan intor ra Israil. Tuhan ondo' namingkal ra limbowon, nambaal ra tana' ti, am nangani' ra kaayagan ra ulun mindagu,

UNTABAN 16:22

Kaa' kubu i Musa am i Arun am indagu, “Iou Aki Kapuuno', Okou noyo puun ru kaayagan ra ngaangai' ondo' maayag. Amon ru sangulun ayuk makatula, sumangit Kou kia ra ngaangai' ulun?”

UNTABAN 27:16

“Iou Tuhan i Aki Kapuuno', ondo' manaak ra kaayagan ra ngaangai' ondo' maayag, makitaak aku, pilio' noyo sangulun ondo' makapaningganai ra ulun ragitio,

JUANIS 20:22

Sampuyo' No boo ilo am indagu, “Apuo' noyo Ambiluo ri Aki Kapuuno'.

RINALATAN 17:25

Mokoondo' Io no ngaangai' am kalo pana indanganon ru ulun. Kaa' Io ondo' nangani' ra ngaangai' ulun ra painawo am kaayagan am atan-atan ayuk.

ROMA 9:20

Pabukat kuno, makakau' kou kia tumaam ri Aki Kapuuno' koson raginio? Makapangkuot kia rarapu' no ra mambabaal no, “Kua guat baalo' mu aku koson ragitio?”

1 KORINTUS 15:45

Koson ra tinulisan ra Buuk Kitab, “I Adam noyo ulun kasaa' inangun ra makapainawo”, kaa' i Adam ra pupus no, ioginio Ambiluo ondo' mampakaayag.

1 KORINTUS 15:47

I Adam kasaa' binaal intor ra tana', kaa' i Adam kainduo no, intor ra suruga'.

2 KORINTUS 4:7

Akai ti koson ra pagangan tana', ondo' nambulian ra rapu' mokologo intor ra suruga'. Ginio mampakito ri Aki Kapuuno' noyo maayo kaga' kuasa', am sala' ka akai.

2 KORINTUS 5:1

Makapandai akai ra amon ru inayanan takau ra tana' ti pusoon boo, ioginio inan takau, makaayanan takau niayuk ra suruga'. Am ayanan raginio mantilayun ondo' binaal ri Aki Kapuuno' galama' am sala' ka ulun.

1 TIMOTIUS 2:13

Sabap ra i Adam ondo' pinasauk pagulu am sunu' bagu i Awa.

IBRANI 12:9

Itakau sigagama' makaama' ra tana' ti ondo' mampalapos am mangila' ritakau am mangurumat takau risilo. Amon ru ginio noyo, sotopot no musiti' takau mangurumat ri Aki Kapuuno' giu' ra suruga', maa' raginio maayag takau ra mantilayun.